ဒိန်ခဲပေါ်က တနင်္ဂနွေ

ပြီးခဲ့တဲ့ တနင်္ဂနွေက မရောက်တာ ကြာနေပြီဖြစ်တဲ့ သင်္ဘောဆိပ်ကို သွားဖြစ်ပါတယ်၊ ရေကန် ပတ်ပတ်လည်မှာ သင်္ဘောကပ်တဲ့ ဆိပ်ခံငယ် လေးတွေ အများကြီး ရှိပေမယ့် အခုလို သင်္ဘောကျင်းနဲ့ တွဲနေတဲ့ ဆိပ်ကမ်းကတော့ သိပ်မရှိ ပါဘူး၊ သင်္ဘောဆိပ်တို့ ထုံးစံ အဲဒီ အနီး တဝိုက်မှာ ကမ်းနားတလျှောက် လမ်းလျှောက်သူတွေနဲ့ စည်ကားတယ်၊ အဲဒီ မနက်မှာလည်း ရာသီဥတုက သာယာပါတယ်၊ ဒါနဲ့ပဲ ရောက်ဖြစ်ပြန်တယ် ဆိုပါတော့...၊

ဒီလမ်းတလျှောက် တော်တော်ဝေးဝေးကို လျှောက်လို့ရတယ်၊ ခြေညောင်းရင် တွေ့တဲ့ခုံမှာ ထိုင်ပြီး မျက်စိကို အစာကျွေးလို့ ရတယ်၊ ရှုခင်းတွေ ကြည့်တာကို ပြောပါတယ်၊း) မျက်စိညောင်းလာရင်တော့ ခြေထောက်ကို တလှည့် အလုပ်ပေးပြီး ဆက်လျှောက်ပေါ့...၊



တော်တော် လှမ်းလှမ်းမှာတော့ မြက်ခင်းပြင် အကျယ်ကြီးတခု ရှိတယ်၊ မြက်ခင်းတနေရာမှာ ကလေးကစားကွင်း လေးလည်း ရှိတာနဲ့ ကျနော်တို့ သွားလိုက်တယ်၊ အဲဒီ မြက်ခင်းပြင်ပေါ်မှာ ကျနော် ဖြတ်သွားဖြတ်လာ မြင်ပြီး စိတ်ဝင်စားနေတာက အပေါ်ပုံမှာ တွေ့ရတဲ့ ထိုင်းတော်ဝင်မိသားစု ဇရပ်ပါပဲ၊ အနီးကပ် သွားကြည့်ချင်နေတာ အခုမှပဲ ရောက်ဖြစ်တယ်၊ ရှေ့မှာ ရေးထားတဲ့ ဆိုင်းဘုတ်အရ ၂၀၀၆ မှာ သီရိဒုံက လာဖွင့်ပေးတယ်လို့ သိရပါတယ်၊ ဇရပ်ဆို ပေမယ့် အထဲမှာ ဘာမှ မရှိပါဘူး၊ ယုတ်စွအဆုံး သောက်ရေအိုးကွဲလေး တစ်လုံးတောင် မတွေ့မိဘူး...၊း)



ဇရပ်ပေါ်က မျက်နှာကြက်မှာ ရေးထားတာပါ၊ ဆိုတဲ့အတိုင်း ဘူမိဘော ဘုရင်ရဲ့ နန်းသက် ၆၀ ပြည့်နှစ်နဲ့ ထိုင်း-ဆွစ်ဇာလန် ချစ်ကြည်ရေး ၇၅ နှစ်ပြည့် အထိမ်းအမှတ်....၊ ဘူမိဘော ဘုရင်က ဒီ Lausanne မြို့လေးကို အတော် သံယောဇဉ် ရှိတယ်လို့ ပြောကြတယ်၊ သူ့အသက် ၆ နှစ်အရွယ် ၁၉၃၃ မှာ သူ့မယ်တော် မင်းသမီးနဲ့အတူ ဒီမြို့လေးကို ရောက်လာခဲ့တယ်၊ ပြီးတော့ ဒီမှာပဲ ကျောင်းတက်သွားခဲ့တယ်၊ တက္ကသိုလ်မှာတော့ သူတက်ခဲ့တဲ့ မှတ်တမ်းတွေ ကျန်ရစ်ပါတယ်၊ အနုပညာ၊ ဥပဒေ ဘာသာရပ်နဲ့ နိုင်ငံရေးသိပ္ပံတို့မှာ ထူးချွန်တယ်လို့ သိရပါတယ်၊



အဲဒီ မြက်ခင်းပြင်ကြီးကနေ နောက်ပြန်လှည့်ပြီး လျှောက်လာတော့ အိုလံပစ် ပြတိုက်ရှေ့ကို ရောက်ပါတယ်၊ Lausanne မြို့ရဲ့ အာဏာပိုင်တွေကတော့ သူတို့မြို့ကို အိုလံပစ်မြို့တော်လို့ ဂုဏ်ယူစွာနဲ့ ပြောကြလေ့ ရှိတယ်၊ အိုလံပစ် ကောင်စီရဲ့ ရုံးချုပ်နဲ့ အိုလံပစ်ပြတိုက် ရှိလို့ပါ၊ ဒါက ပြတိုက်ရဲ့ အဝင်ဝ ဖြစ်ပါတယ်..၊



ဒီမြို့လေးကို ရောက်လာတဲ့ တိုးရစ်စ်တွေရဲ့ ပထမဦးဆုံး လည်ပတ်ရာ နေရာလည်း ဖြစ်ပါတယ်..၊




မျက်နှာချင်းဆိုင်မှာတော့ အဲ့လ်ပ်စ် (Alps) တောင်တန်းတွေ...၊ နေရောင်ရှိပေမယ့် တိမ်တွေမှာ မိုးငွေ့လည်း သမ်းနေခဲ့တယ်၊




ခပ်လှမ်းလှမ်းမှာတော့ ပြင်သစ်ဖက်အခြမ်းကို သွားမယ့် သင်္ဘောတစ်စင်းက ကမ်းကနေခွာဖို့ ပြင်နေခဲ့ပြီ၊ ဒီဖက်အခြမ်း မှာက လစာနှုန်းထား ပိုမြင့်တော့ ပြင်သစ်ဖက်ကနေ အလုပ်လာလုပ်တဲ့ သူတွေ ပိုပိုများလာတယ်၊ ဆွစ်မှာ လစာပိုရသလောက် ပြင်သစ်မှာ သုံးစွဲရတာ ဈေးပိုသက်သာလို့ ဒီလို အလုပ်လာလုပ်တဲ့ သူတွေအတွက် တန်ပါတယ်၊ များများဝင်ပြီး နဲနဲပဲ ထွက်တာပေါ့လေ၊ ဒီဖက်က ဆွစ်တွေမှာသာ သမင်မွေးရင်း ကျားစားရင်း ဖြစ်နေတာ..၊ အခွန်အတုတ်၊ အိမ်ငှားခ၊ ကုန်ဈေးနှုန်း စတာတွေကြားမှာ စုမိဆောင်းမိဖို့ ဆိုတာ အချိန် အတော်လိုပါတယ်၊



နွေရာသီလည်း တဖြည်းဖြည်း နီးလာပြီဆိုတော့ ခြေနင်းလှေကလေးတွေလည်း ကန်ထဲမှာ စတွေ့လာရပြီ...၊ အဲဒီလို လှေတစ်စင်းနဲ့ ရေနက်ပိုင်းကို နင်းသွားပြီး အဲဒီမှာ ရေကူးရတာ သဘောကျစရာ ကောင်းတယ်၊



အိမ်ပြန်ရောက်တော့ နေ့လယ်စာကို ရားကလက် (raclette) စားဖြစ်ပါတယ်၊ အပြင်ဖက်မှာတော့ ခုနက မိုးငွေ့ဆင်နေ တဲ့ တိမ်တွေက ရွာချဖို့ ပြင်နေပြီ၊ ဒါပေမယ့် ကျနော်တို့ ဝရန်တာမှာ စားဖို့ ဆက်ပြင်ခဲ့တယ်...၊ ဒိန်ခဲပြား တွေကို ပျော်အောင် အပူပေးတဲ့ မီးဖိုကိုဖွင့်၊ တွဲဖက်စားတဲ့ အချဉ်ပုလင်းတွေကို နေရာချ၊ ဝိုင်ပုလင်းကို ဖွင့်အပြီးမှာတော့ တနင်္ဂနွေ နေ့လယ်စာအတွက် အဆင်သင့် ဖြစ်သွားပြီ...၊း)



ဒီနိုင်ငံမှာ မကြာခဏ စားကြတဲ့ အစားအစာ ၂ မျိုးရှိပါတယ်၊ တစ်ခုက Fondue နဲ့ နောက်တစ်ခုက Raclette ပါ၊ ၂ ခုစလုံးက ချိစ်ကို အခြေခံတဲ့ အစားအစာပါပဲ၊ ချိစ် အမျိုးအစားတော့ မတူပါဘူး၊ Fondue က အများအားဖြင့် ပေါင်မုန့်နဲ့ စားတယ်၊ ပေါင်မုန့် ကို တဖဲ့,ဖဲ့၊ ခက်ရင်းရှည် ထိပ်မှာချိတ်၊ စားပွဲအလယ်က မီးပေးထားတဲ့ ဒိန်ခဲအိုးထဲကို ထည့်မွှေပြီး စားလေ့ရှိတယ်၊ တခြား အဆာပလာတွေ မပါတော့ မြန်မာလူမျိုး အများစုကတော့ သိပ်မကြိုက်ကြဘူး၊ Raclette ကတော့ အာလူးနဲ့ အဓိက တွဲစားတယ်၊ ပြီးတော့ ဘေးမှာ အရံစားစရာတွေနဲ့ ဆိုတော့ မြန်မာပါးစပ်အတွက် အဝင်မဆိုးဘူးလို့ ဆိုရမယ် ထင်တယ်၊ ဒီ ချိစ်အစားအစာ ၂ ခုလုံးကို ဝိုင်ဖြူနဲ့ တွဲဖက်လေ့ ရှိပါတယ်၊ ဝိုင်နီ မသောက်ကြပါဘူး၊ အေးနိုင်သမျှ အေးအောင်ထားတဲ့ ဝိုင်ဖြူကို မကြိုက်ရင်တော့ ရေနွေးကြမ်းနဲ့ စားနိုင်ပါတယ်၊ ရေတော့ မသောက်ဖို့ ပြောကြတယ်၊ ဗိုက်အောင့်ဖို့ အလားအလာ များလို့တဲ့...၊



ကျပ်တင် ဝက်ပေါင်ခြောက်၊ gherkin အသေးစား သခွားသီးချဉ်၊ baby corn ပြောင်းဖူးချဉ်၊ ကြက်သွန်ဖြူချဉ်၊ မှို၊ အပူပေးထားတဲ့ ရားကလက် ဒိန်ခဲပြား၊ ကျပ်တင် အမဲသားလွှာနဲ့ အာလူးပြုတ်တို့ ဖြစ်ပါတယ်၊ အခွံနွှာရမှာ ပျင်းလို့ ကျနော်က အာလူးကို အခွံနဲ့ စားပစ်လိုက်တယ်၊ စကားမစပ် အဲဒီလို ပန်းကန်ထဲက အာလူးအခွံတွေကို ပြင်သစ်လို ခေါ်တာ အရမ်းကဗျာဆန်တယ်၊ La robe des champs ကွင်းထဲက ဂါဝန်-တဲ့၊ အာလူးက စိုက်ခင်းထဲမှာ တုန်းက သူဝတ်ခဲ့တဲ့ ဂါဝန်နဲ့အတူ ပန်းကန်ထဲအထိ ရောက်လာတယ်ပေါ့လေ၊း) နေ့လယ်စာ စားနေတုန်းမှာပဲ မိုးကတော့ ကောင်းကောင်းကို ရွာနေခဲ့ပြီ၊ ဝရန်တာမှာ ဆိုတော့ လေအဝေ့မှာ တချက်တချက် စိမ့်ကနဲ ဖြစ်,ဖြစ်သွားတယ်၊ ပန်းကန်ထဲမှာတော့ ပူပူနွေးနွေး အရည်ပျော် ဒိန်ခဲတွေနဲ့အတူ အာလူးပျိုလေးတွေက ဝတ်လစ်စလစ် မဖြစ်ဘဲ လုံလုံခြုံခြုံ သိမ်းသိမ်းထုပ်ထုပ်....။ ။


ညီလင်းသစ်
၈ ဇွန်၊ ၂၀၁၁