ကျေးလက်ရဲ့ နရီ

ပြီးခဲ့တဲ့ တနင်္ဂနွေနေ့က ကျေးလက်က မွေးမြူရေးခြံ တစ်ခုကို ရောက်သွားခဲ့တယ်၊ အိမ်ကနေဆို ၁ နာရီ မရှိတရှိလောက် ကားမောင်းသွားရင် ရောက်တဲ့နေရာပါ၊ သြဂုတ်လ ၁ ရက်နေ့ တနင်္လာနေ့က ဒီနိုင်ငံရဲ့ အမျိုးသားနေ့ ရုံးပိတ်ရက် ဆိုတော့ စနေ၊ တနင်္ဂနွေနဲ့ ပေါင်းရင် အားလပ်ရက် ၃ ရက်ရတယ်၊ အိမ်မှာလည်း ကျနော့်ညီမက သူ့တူလေးကို ထိန်းဖို့ ရောက်နေ တာနဲ့ သူ့ကိုလည်း လိုက်ပို့ရအောင် ရည်ရွယ်ပြီး တနေရာရာကို သွားဖို့ ကြံစည်ကြတော့ အိုင်ဒီယာ ၂ ခု ထွက်လာတယ်၊ ပထမ တစ်ခုက မြစ်ဘေး၊ ချောင်းဘေးမှာ ရွက်ဖျင်တဲ ထိုးပြီး camp ထွက်ဖို့နဲ့ နောက်တစ်ခုက ကျေးလက် တောရွာက မွေးမြူရေး ခြံတစ်ခြံမှာ သွားအိပ်ဖို့ ပါပဲ...၊ တိုင်ပင်ကြတော့ အားလုံးက ၂ ခုစလုံး လုပ်ချင်နေလို့ ဝေခွဲမရ ဖြစ်နေကြတာနဲ့ နောက်ဆုံးတော့ Camping နဲ့၊ Farm ဆိုပြီး မဲလိပ်တွေလိပ်ပြီး မဲနှိုက် ဆုံးဖြတ်ကြပါတယ်၊ အဲဒီမှာ farm က တစ်မဲအသာနဲ့ နိုင်သွားလို့ အခုပြောမယ့် စိုက်ပျိုးမွေးမြူရေးခြံကို ရောက်သွားဖြစ်ခဲ့တော့တယ်...၊

လူနေအိမ်ခြေ ၅၀ တောင် မပြည့်ချင်တဲ့ ရွာကလေးက မွေးမြူရေးခြံ တစ်ခုမှာ ကျနော်တို့ တည်းဖြစ်ပါတယ်၊ သွားချင်တဲ့ နေရာတဝိုက်မှာ ဘယ်လိုခြံတွေများ ရှိမလဲလို့ ဂူးဂဲလ်မှာ ရှာ၊ ထွက်လာတဲ့ ဝက်ဘ်ဆိုဒ်တွေထဲက ဓါတ်ပုံတွေ ကြည့်ပြီး အဆင်ပြေမယ် ထင်ရတဲ့ တစ်ခုကို ဖုန်းဆက်ကြည့်ပါတယ်၊ နေရာလွတ် ရှိတယ်ဆိုတာနဲ့ လာခဲ့မယ်လို့ ပြောပြီး တည်းခိုဖို့ ကိစ္စကို ဖြေရှင်းလိုက်တယ်၊ ပုံမှာ တွေ့ရတဲ့အတိုင်း မွေးမြူရေးခြံတွေရဲ့ ထုံးစံ တခြမ်းက လူနေပြီး၊ နောက်တခြမ်းက နွားတွေ၊ သိုးတွေ ထားကြ ပါတယ်၊ သစ်သား တံခါးရွက် အမည်းရောင်နဲ့က ကျနော်တို့ တည်းခဲ့တဲ့ အခန်းပါပဲ၊

ဒီခြံက အခုလိုပဲ ဧည့်သည်တွေ လာပြီးတည်းနေကြပါပဲ၊ ဒါ့ကြောင့်လည်း ဝက်ဘ်ဆိုဒ်တွေ ဘာတွေနဲ့ အကျအနကို လုပ်ထားတာပေါ့၊ နာမည်က 'မွေးမြူရေးခြံရဲ့ ပဉ္စလက်' တဲ့...၊ နွားမွေး၊ သိုးမွေးတာ အပြင် စိုက်ပျိုးရေးလည်း လုပ်လို့ အိမ် တဝိုက်မှာ လယ်ထွန်စက်၊ ဂျုံ ရိတ်သိမ်းစက်၊ ခြွေလှေ့စက်၊ ရိုးပြတ်ရိတ်စက် စတဲ့ ယာဉ်ကြီးယာဉ်ငယ်တွေ အတော် များများ ရှိပါတယ်၊

ဒါကတော့ ကျနော်တို့ရဲ့ ကြယ်ငါးပွင့် အခန်းထဲက မွေ့ရာပါပဲ၊ အဲဒီခြံမှာ လူတွေစုပေါင်း အိပ်ရတဲ့ dormitory အိပ်ခန်း တစ်ခုနဲ့ အခုလို ကောက်ရိုးမွေ့ရာအခန်း ၂ ခု ရှိပါတယ်၊ သွားကတည်းကိုက ညီမ အတွက်ကော၊ သားအတွက်ပါ အထူးအဆန်း ဖြစ်စေချင်တာဆိုတော့ ကောက်ရိုးပေါ်မှာ အိပ်ဖို့ကို ရွေးချယ်လိုက်တယ်၊ အခန်းထဲမှာ စစ်တပ်သုံး စောင်အထူတွေနဲ့ ဆိုဖာခေါင်းအုံး အကြမ်းတွေ ထားပေးထားတယ်၊ အဲဒါတွေကို ကောက်ရိုးပေါ်မှာ ခင်းပြီး ကိုယ့်မှာ ပါလာတဲ့ sleeping bag နဲ့ အိပ်ရုံ ပါပဲ၊ တကယ်တော့ ဒီအခန်းက နွားတင်းကုပ်ဟောင်းပါ၊ အစိမ်းရောင် ခွက်တွေက နွားရေသောက်တဲ့ ခွက်တွေ ဖြစ်ပြီးတော့ သံတန်းတွေရဲ့ တဖက်က မြောင်းက နွားစာထည့်တဲ့ စားခွက်ပါ၊ နွားတွေရဲ့ နေရာမှာ ကောက်ရိုးတွေခင်းပြီး မည်ကာမတ္တ ပန်းအိုးလေးတစ်လုံး ထိုးထားတာကလွဲရင် တခြား ဘာအပြင်အဆင်မှ မရှိပါဘူး၊ သားကတော့ အတော်လေး ပျော်ပြီး သူ့ရဲ့ sleeping bag ထဲကို မဝင်ဘဲ ကောက်ရိုးပေါ်မှာ ခုန်နေလို့ အတော်လေး ဟန့်လိုက်ရသေးတယ်၊ ညီမကတော့ sleeping bag ထဲမှာ သူ့ကိုယ်သူ ပိုးတုံးလုံးလို့ အောက်မေ့သတဲ့၊ ညကျတော့ အနားက ဘုရားကျောင်းက နာရီဝက်တခါ ခေါင်းလောင်းထိုးသံကြောင့် လန့်,လန့် နိုးပါလေရော၊ ခေါင်းလောင်းသံ ကို နားယဉ်သွားလို့ အိပ်ပျော်ခါစ ရှိသေး အပေါ်ထပ် ကောက်ရိုးခြောက်တွေ ထားတဲ့နေရာမှာ တခါ ကြောင်တစ်ကောင်က ကြွက်လိုက်ခုတ်နေလို့ တချွတ်ချွတ်နဲ့...၊ အဲဒီလို နိုးတဝက်၊ အိပ်တဝက်နဲ့ ခရီးဆက်နေတုန်း မနက် လင်းအားကြီးမှာ ဘေးအခန်းက နွားတွေ၊ သိုးတွေရဲ့ အစာတောင်းသံနဲ့ အတူ လန့်နိုးလာတဲ့ အခိုက်မှာပဲ အိပ်စက်ခြင်းဟာ နှုတ်ဆက် ထွက်ခွာ သွားတော့တယ်..၊ အို..အသင်ကျေးလက်၊ အသင်၏ ရင်ခွင်သည် ကျွန်ုပ်လို မြို့ကြီးသား တစ်ယောက်အဖို့ မှေးစက်ခြင်းငှာ မစွမ်းသာပါ တကား..၊

ကျေးလက် မွေးမြူရေး ခြံတစ်ခုရဲ့ အမှတ်အသား နွားခလောက်တွေ...၊ ဒီခလောက်တွေက မြန်မာပြည် ကျေးလက်က ဝါး၊ သစ်သား ခလောက်တွေလိုပဲ အတော်ဝေးဝေးအထိ ကြားရပါတယ်၊ နွေရာသီဆိုရင် တချို့နေရာတွေမှာ တောင်ပေါ်ကို နွားတွေ ကျောင်းသွားပြီး လှန်ထားခဲ့ လိုက်တာပဲ၊ တစ်လ ကိုးသီတင်းကြာမှ ခလောက်သံကို နားထောင်ပြီး နွားလိုက်သိမ်း ကြတယ်..၊

နွားတင်းကုပ် ဟိုတယ်ရဲ့ ခပ်လှမ်းလှမ်းကို လျှောက်သွားတဲ့အခါ ရွာအပြင် ရောက်သွားပြီ၊ အဲဒီမှာတော့ တမျှော်တခေါ် ရှုခင်းတွေနဲ့ လွမ်းချင်စရာ...၊ အတော်ဝေးဝေးမှာတော့ မှိုင်းညို့ညို့ ဂျူရာ တောင်တန်းတွေ...၊ တသက်လုံး နေနိုင်တာ မနေနိုင်တာ ခဏထားလို့.. ကျေးလက်ဆိုတာ ရောက်တဲ့ခဏချင်းမှာပဲ စိတ်ကို ညွတ်နူးစေတာ အသေအချာပါပဲ..၊ အို အသင်ကျေးလက်... အိပ်စက်ခြင်းကို မယူဆောင် လာသော်ငြား သင့်အပေါ်၌ ကျွန်ုပ်၏ မေတ္တာကား တရွေးသားမျှ မလျော့ပါပေ...၊

နောက်တစ်နေ့ သြဂုတ် ၁ ရက်နေ့ တနင်္လာနေ့က ဆွစ်အမျိုးသားနေ့ ဆိုတော့ brunch ပြင်ဆင်ထားတာနဲ့ ကြုံကြိုက် သွားတယ်၊ ဒီက ဓလေ့ထုံးတမ်း တစ်ခုက အမျိုးသားနေ့မှာ အခုလို ကျေးလက်တွေက မွေးမြူရေး ခြံတွေမှာ brunch တွေ စီစဉ်ကြလေ့ ရှိပါတယ်၊ ခြံထွက် အသီးအနှံ၊ နွားနို့၊ ကြက်ဥ လတ်လတ်ဆတ်ဆတ် တွေနဲ့ဆိုတော့ စားရတာ တန်ပါတယ်၊ မနေ့ညက ညစာကိုလည်း သူတို့ကပဲ စီစဉ်ပေးခဲ့တာပါပဲ..၊ ဒီနှစ်မှာတော့ လူ ၂၅၀ စာအတွက် နေရာထိုင်ခင်း ပြင်ထားတယ် တဲ့..၊

ရှိတာလေးနဲ့ လှအောင်ဆင်မယ် ဆိုပဲ...၊ ပထမဦးဆုံး ဧည့်ကြိုပန်းအိုး အဖြစ်နဲ့ နွားနို့ပုံးထဲက နေကြာပန်းတွေက ဝင်လာမယ့် သူတွေကို မျှော်လို့...၊

အတွင်းဖက် ပလပ်စတစ် အမိုးကြီး အောက်က စားပွဲရှည်တွေ ပေါ်မှာတော့ အခုလို ပန်းအိုးလေးတွေ...၊

လှတယ် မလှဘူး ဆိုတာထက် မြင်နေမကျတဲ့ ပန်းအိုးလေးတွေ...၊ Hilton လို ဟိုတယ်ရဲ့ လော်ဘီထဲမှာ ဆိုရင်တော့ ခပ်ကြောင်ကြောင် ဖြစ်ကောင်းဖြစ်နိုင်ပေမယ့် ဒီမှာတော့ သူ့အရပ်နဲ့ သူ့ဇတ်က ဟုတ်လို့...၊

Brunch က ဘူဖေးစနစ်နဲ့ ဖြစ်ပြီးတော့ တစ်ယောက် ၃၀ ဖရန့်ပေးရပါတယ်၊ ကလေးတွေ အတွက်ကတော့ အသက် ၁ နှစ်ကို ၁ ဖရန့်နှုန်းနဲ့ ပေးရတယ်၊ ကျနော်တို့ကတော့ တည်းခိုဧည့်သည် ဖြစ်လို့ တဝက်ဈေး ၁၅ ဖရန့် (= ၁၅ ဒေါ်လာ) ပဲ ပေးရပါတယ်၊

Brunch တို့ရဲ့ ထုံးစံ အချိုနဲ့ အငန် ၂ မျိုးမှာ အချိုအတွက်က ကိတ်မုန့်၊ ပေါင်မုန့်၊ ယို၊ ထောပတ် စတာတွေ ဖြစ်ပါတယ်၊ အားလုံးနီးပါးကို အဲဒီ မွေးမြူရေး ခြံမှာပဲ ကိုယ်တိုင် ထုတ်လုပ်ပါတယ်၊

အငန် အတွက်ကတော့ အခုလိုမျိုး ချိစ်တွေအပြင် Rösti လို့ခေါ်တဲ့ ဆွစ်ရိုးရာ အာလူးကြော်၊ ဝက်ပေါင်ခြောက်၊ ဝက်အူချောင်း စတာတွေ ပါ,ပါတယ်၊ ဘာမှ ထွေထွေထူးထူး မဟုတ်ပေမယ့် အမျိုးသားနေ့ အထိမ်းအမှတ် ရိုးရာအနေနဲ့ လူတွေကတော့ လာစားကြတာ ပါပဲ၊

Drink ကတော့ ကော်ဖီ၊ လက်ဖက်ရည် ပေါ့လေ၊ ဘီယာ၊ ဝိုင်၊ အချိုရည် စတာတွေကတော့ သီးသန့် ဝယ်ရပါတယ်၊ ဝိုင်နီ၊ ဝိုင်ဖြူ၊ ဝိုင်ပန်းရောင် အားလုံးထားပေး ပေမယ့် အများစုက နေ့လယ်ပိုင်း နီးလာတဲ့အခါ ဝိုင်ဖြူနဲ့ ဝိုင်ပန်းရောင်ကိုပဲ အဓိက သောက်ကြပါတယ်၊

ဒီခြံရှင် အမျိုးသမီးက မော်ရိုကို ဇာတိပါ၊ သူက ဒီတောရွာက ဆွစ်လယ်သမားကြီးနဲ့ အကြောင်းပါပြီးတော့ တဖက်တလမ်းက အခုလို Bed and Breakfast (B&B) လေး ဖွင့်ထားတာ...၊ ပုံမှန်ရက်တွေမှာ သူတို့ရဲ့ မော်ရိုကို ရိုးရာ ဒေသစာတွေလည်း ပြင်ဆင်ပေးလေ့ ရှိပါတယ်၊ အခုလို အမျိုးသားနေ့ brunch ကို စီစဉ်တာတော့ ၅ နှစ်ဆက်တိုက် ရှိပြီလို့ ဆိုတယ်၊ တောဆိုတော့ ပြင်ပ အလုပ်သမား မရှိဘဲ သူ့ရဲ့ ညီမတွေ၊ တူ၊ တူမတွေကပဲ လာပြီး ဝိုင်းကူကြတယ်၊ မြန်မာပြည်ရဲ့ ကျေးလက်စရိုက်ကို သတိရစရာ ပါပဲ..၊

ဒီပွဲကို လာကြသူ အများစုက မိသားစုတွေဆိုတော့ ကလေးတွေအတွက် ရည်ရွယ်ပြီး မိတ်ကပ်လိမ်းတဲ့ အမျိုးသမီး တစ်ယောက်ကိုလည်း သူက ငှားထားသေးတယ်၊ ကလေးတွေက အဲဒီ မိတ်ကပ်ဆရာမဆီ သွားပြီး သူတို့ လိမ်းချင်တဲ့ ဒီဇိုင်းကို ပြောပြီး လိမ်းကြတယ်၊ ကျား၊ အရိုးခေါင်း၊ avatar မျက်နှာ၊ ပင်လယ်ဒါးပြ အစရှိသဖြင့် ပုံတွေ ခြယ်ခိုင်း ကြတယ်၊ အဲဒီအတွက် ပိုက်ဆံ ထပ်ပေးစရာ မလိုပါဘူး၊ သားက အဲဒီလို မျက်နှာမှာ အရုပ်ခြယ်တာကို တော်တော်လေး သဘောကျတယ်၊ သူ့ကျောင်းမှာလည်း ဆရာမတစ်ယောက်က မကြာခဏ လုပ်ပေးလေ့ ရှိတယ်၊ အခုလည်း သူက ပထမဦးဆုံး သွားပြီး အခြယ်ခံတယ်..၊

အဲဒီလို အရုပ်ခြယ်စရာ ရှိတိုင်း သူက ဘယ်တော့မှ မငြင်းဘူး...၊း)

ဆွစ်ဗားရှင်း စပိုက်ဒါမင်း ...၊း)

မိတ်ကပ် ဆရာမက လက်ရာအတော်လေး သေသပ်ပြီးတော့ ခြယ်တာလေး မြန်ပါတယ်၊ ကျနော်တို့က ခြံမှာတည်းလို့ တခြား ကလေးတွေ မရောက်သေးခင် အေးအေးဆေးဆေး အချိန်ရပါတယ်၊ ဒါနဲ့ပဲ သားနဲ့အပြိုင် သူ့အမေကလည်း လက်မှာ ဆေးခြယ်ခဲ့ ပြန်ရော...၊

မွေးမြူရေးခြံမှာ သွားအိပ်တာ ကလေးတွေ အတွက်တော့ အတော်လေး ပျော်ဖို့ကောင်းမှာ သေချာပါတယ်၊ အထူးသဖြင့် မြို့ပြမှာပဲ ကြီးပြင်းရတဲ့ ကလေးတွေအတွက် ဒါက အဆန်းတကြယ် အတွေ့အကြုံ တခုပေါ့၊ ကျနော် သိရသလောက်လည်း လာတည်းကြသူတွေက မိသားစုတွေပါပဲ၊ အင်းလေ.. ဘယ် ယောက်ျားလေးကများ သူ့ချစ်သူကို အခုလို နေရာကို ခေါ်လာပါ့မလဲ၊ နွားတင်းကုပ်ထဲက ကောက်ရိုးပေါ်မှာ၊ ခေါင်းလောင်းထိုးတဲ့ ဘုရားကျောင်းနဲ့၊ ကြွက်ခုတ်တဲ့ ကြောင်နဲ့၊ အစာတောင်းတဲ့ နွားတွေနဲ့...၊ ကဗျာမဆန် လိုက်ပုံများ၊ တူနှစ်ကိုယ် တဲအိုပျက်မှာ နေရနေရ လို့ ပြောမိထားလို့ လက်တွေ့ စမ်းချင်ရင်တော့ တမျိုးပေါ့လေ...၊း)

ကောက်ရိုးမွေ့ရာ ဆိုပေမယ့် ဈေးက အပေါကြီးတော့ မဟုတ်ပါဘူး၊ တညကို လူကြီးတစ်ယောက် ၂၉ ဒေါ်လာ ပေးရ ပါတယ်၊ ပြန်ခါနီးမှာ တည်းခိုခ၊ စားသောက်ခတွေ ရှင်းတော့မှ သေချာစဉ်းစား ကြည့်မိတာ..၊ Facility ဘာဆိုဘာမှ မရှိဘဲ စစ်စောင် ခင်းထားတဲ့ ကောက်ရိုးပေါ်မှာ တစ်ညအိပ်ခ အဲဒီလောက် ပေးရတာ ဈေးကြီးတယ်လို့ ပြောရမှာပါပဲ၊ မြန်မာပြည် ကျေးလက်က တောင်သူဦးကြီးတွေများ ကြားလို့ကတော့ 'ငါ့ကောင်ရာ..မင်းတို့မလဲ ရူးလဲ ရူးပါ့ကွာ' လို့များ စောကြောကြမလား မသိ..၊ နောက်ထပ် ဈေးကြီးတာ တခုကတော့ ဝိုင်ပါပဲ၊ နာမည်လဲ မရှိ၊ သက်တမ်းကလည်း နု၊ ပမာဏ ကလည်း ၅၀ စင်တီလီတာပဲ ပါတဲ့ ဝိုင်နီ တစ်ပုလင်းကို ၂၅ ဒေါ်လာ ပေးရတာ နဲနဲ များပါတယ်၊ မွေးမြူရေးခြံ ဆိုတော့ သူများဆီက တဆင့် ဝိုင်ကို ဝယ်ရတယ်ပဲ ထားဦးတော့...၊ အဲဒီလောက်တော့ မများသင့်ပါဘူး၊ တန်တာကတော့ အစားအသောက်တွေ ပါပဲ၊ ပေးရတာလည်း ဈေးနည်းပါတယ်၊ ပြီးတော့ စားလို့ရတာ မှန်သမျှ အကုန်စားပြီး အရသာ မရှိ တဲ့ အစားအသောက် တွေကိုတောင်မှ အရသာ မရှိမှန်း သတိမထားမိ တတ်တဲ့ ကျနော့်လို လူအတွက်တောင် အဲဒီမှာ စားသမျှဟာ အတော်လေး လတ်ဆတ်ပြီး အရသာက ထူးခြားနေခဲ့တယ်၊ မြို့က ရေခဲရိုက်တွေထက် အခုလို ကျေးလက်က အော်ဂဲနစ် အသီးအနှံတွေက ပိုပြီး လတ်ဆတ်နေတာ အံ့သြစရာတော့ မရှိပါဘူး၊ ဒါ့ကြောင့်လည်း သန့်ရှင်းတဲ့ လေထု၊ သဘာဝဆန်တဲ့ မြေထု၊ လတ်ဆတ်တဲ့ အစားအသောက်တွေ ကြားမှာ ကျေးလက်က လူတွေ ကျန်းမာသန်စွမ်းကြတာ ဖြစ်မှာပါပဲ...။ ။

ညီလင်းသစ်
၎ သြဂုတ်၊ ၂၀၁၁