ကျနော်နှင့် ကွန်ပြူတာ (ဆိုသောအရာ..)

ဟိုရက်တွေတုန်းက ကျနော့်ကွန်ပြူတာ ပျက်သွားတယ်၊ ပျက်သွားတယ်ဆိုတာက ရုတ်တရက်ကြီး ဖွင့်မရတော့တာမျိုးတော့ မဟုတ်ပါဘူး၊ ကွန်ပြူတာ စဖွင့်ဖွင့်ချင်း Bios နဲ့ ဝင်းဒိုးစ် အကြားမှာ ရပ်,ရပ်သွားတာ..၊ အများအားဖြင့် ဝင်းဒိုးစ်တက်လာပြီး စက်ထဲမှာ တပ်ထားတဲ့ antivirus တက်၊ အင်တာနက်ချိတ်၊ ပရိုဂရမ်တွေ အားလုံး run ပြီဆိုတဲ့ ခဏမှာပဲ စက်တစ်ခုလုံး freeze ဖြစ်သွားရော..၊ အဲဒါဆို ဘာဆိုဘာမှ လုပ်မရတော့ဘူး၊ မောက်စ်လည်း မလှုပ်တော့သလို ကီးဘုတ် short-cut တွေလည်း သုံးမရတော့ဘူး၊ အဲဒီတော့ ကွန်ပြူတာရဲ့ ပါဝါခလုတ်ကို လက်နဲ့ ၃ စက္ကန့်လောက် နှိပ်ထားပြီးတော့ ပိတ်ပေရော့ပဲ၊ ပြီးတော့ ၅ စက္ကန့်လောက် ခဏစောင့်ပြီးမှ တခါပြန်ဖွင့်..၊ အဲဒီတော့မှပဲ ရတော့တယ်၊

တကယ်တော့ အဲဒီလို ဖြစ်နေတာ နည်းနည်းတော့ ကြာနေပြီ၊ အနည်းဆုံး လေးငါးလ လောက်တော့ ရှိမလားပဲ၊ ဟိုးအစတုန်းကတော့ တစ်ပတ်ဆယ်ရက်လောက်မှ တစ်ခါလောက်ဖြစ်လေ့ ရှိတယ်၊ နောက်ပိုင်းတော့ သုံးလေးရက်တခါ ဆိုသလို ဖြစ်တာစိတ်လာတယ်၊ နောက်ဆုံးမှာတော့ ကွန်ပြူတာဖွင့်တိုင်း ဖြစ်တော့တာပဲဗျ၊ ဆိုတော့ ကျနော့်မှာ ကွန်ပြူတာကို နေ့တိုင်း နှစ်ခါ၊ နှစ်ခါ ဖွင့်နေရတယ်၊ အဲဒါနဲ့ ဒင်းတော့ တဆိတ်လွန်နေပြီ၊ ဆိုင်ပို့မှပဲ ဖြစ်တော့မယ်ဆိုပြီး 'တစ်ထမ်း၊ တစ်ရွက် (Behind the picture)' ဆိုတဲ့ ပို့စ်လေး တင်ပြီး နောက်တစ်နေ့မှာပဲ သွားပို့လိုက်တယ်၊ ကျနော့်ကွန်ပြူတာက STEG ဆိုတဲ့ တံဆိပ်ပါ၊ အမှန်တော့ အဲဒီ STEG ဆိုတာက ကွန်ပြူတာ ကျွမ်းကျင်သူတွေ စုပြီး ဖွင့်ထားတဲ့ ကုမ္ပဏီနာမည်..၊ အစမှာ တခြားတံဆိပ် ကွန်ပြူတာတွေပြင်သလို ကွန်ပြူတာနဲ့ ဆက်စပ်ပစ္စည်းတွေ ရောင်းတဲ့ဆိုင်ပါ၊ နောက်ပိုင်းမှာ သူတို့ရဲ့ဈေးကွက်လည်း ကျယ်ပြန့်လာတာနဲ့အမျှ STEG တံဆိပ်နဲ့ ကွန်ပြူတာတွေ ထုတ်လာတယ်၊ အဲဒီဆိုင်ကို ကျနော်သဘောကျတာ တစ်ခုက သုံးမယ့်လူတွေရဲ့ အတန်းအစားအလိုက် ကွန်ပြူတာတွေကို ထုတ်ထားတာပဲ၊ အိမ်သုံးသက်သက်ပဲဆို ကွန်ပြူတာက အလယ်အလတ်စား ကွာလတီနဲ့ ဈေးကလည်း သင့်တဲ့ဈေး၊ ဂိမ်းကစားမယ့် မောင်တွေအတွက်ဆို စွမ်းရည်မြှင့်ထားသလို ဈေးကလည်း တစ်ဈေး၊ ကျနော့်လို ဓါတ်ပုံ၊ ဗီဒီယို တည်းဖြတ်တာတွေ လုပ်မယ့်သူတွေ အတွက်လည်း အရည်အသွေးတစ်မျိုး ဈေးတစ်မျိုးနဲ့...၊ ကျနော်နေတဲ့နေရာနဲ့ မနီးမဝေးမှာ အဲဒီ STEG ဆိုင်ခွဲတစ်ဆိုင် ရှိတာနဲ့ မနှစ်က နှစ်ဆန်းတုန်းက သွားဝယ်လိုက်တယ်၊ သူတို့ရဲ့ အရောင်းဆိုင်တိုင်းမှာ ဆားဗစ်စင်တာပါ တွဲဖွင့်ထားလို့ အခုအဲဒီဆိုင်ကိုပဲ ပြန်ပို့်လိုက်တယ်၊

ဒါမတိုင်ခင် တုန်းကတော့ ကျနော့်မှာ HP ကွန်ပြူတာတစ်လုံး ရှိခဲ့ဖူးတယ်ဗျ၊ ကျနော့်ရဲ့ ပထမဆုံး အိမ်သုံးကွန်ပြူတာပေါ့၊ Desktop ပါပဲ၊ အဲဒီ HP နဲ့ရခဲ့တဲ့ အတွေ့အကြုံကတော့ ကျနော်လွယ်လွယ်နဲ့ မေ့မယ်မထင်ဘူး၊ ဝယ်ပြီး တစ်နှစ်ခွဲလောက် အကြာမှာ စက်က ပျက်ပါလေရော..၊ HDD မှာ error ပြပြီး ကောင်းကောင်း အလုပ်မလုပ်တော့ဘူး၊ အဲဒီမှာ ဇတ်လမ်းက စတာဗျ၊ ဝယ်ခဲ့တာက စူပါမားကက်မှာ ဆိုတော့ အဲဒီကိုပဲ ပြန်ပို့တော့ သူတို့က ဝရမ်တီ တောင်းရော၊ ကျနော်က မူလဝရမ်တီ တစ်နှစ်ဆိုတာ လုံလောက်ပြီထင်ပြီး extension ထပ်မလုပ်ထားတော့ အာမခံက မရှိတော့ဘူး၊ ဒီတော့လည်း ကောင်းပြီ.. ကျသင့်တာ ပေးပါ့မယ်ဆိုပြီး ဆားဗစ်စင်တာကို ပို့ခိုင်းရတယ်၊ အဲဒီလို ပို့မယ့်အရေး စူပါမားကက်က ၃ ရက်လောက် စောင့်နေသေးတယ်၊ တခါ ဆားဗစ်စင်တာကလည်း တောင်တစ်နေရာ၊ မြောက်တစ်နေရာ..၊ အဝေးကြီးက မြို့တွေမှာ ဖြစ်တဲ့အပြင် ကျနော်နဲ့လည်း တိုက်ရိုက်စကား မပြောရဘူး၊ ဒီကြားထဲ ပိုဆိုးတာက ကျနော့်ဆီမှာ reinstallation CD မရှိတာပဲ၊ အဲဒီ HP ကွန်ပြူတာဝယ်တော့ အစပိုင်း ရက်တွေမှာ reinstallation CD လုပ်မလားဆိုပြီး မက်ဆေ့ခ်ျလေး တက်,တက်လာပြီး မေးလေ့ရှိတယ်၊ HP ကွန်ပြူတာတွေမှာ reinstallation disk မပေးဘဲနဲ့ HDD ပေါ်မှာ partition D အနေနဲ့ recovery part ဆိုပြီးပဲ လာလေ့ရှိပါတယ်၊ ဒါပေမယ့် ကျနော့်အတွက် ပထမဦးဆုံး ကွန်ပြူတာဆိုတော့ ဝယ်တုန်းက အဲဒီလို CD မျိုး ပါမလာတာ သတိမထားမိသလို မက်ဆေ့ခ်ျမှာ မေးသလို လုပ်ထားရ ကောင်းမှန်းလည်း မသိခဲ့ဘူး ဆိုပါတော့..၊ ဒါ့အပြင် ကျနော်က ရွှေ ဉာဏ်တော် စူးရောက်စွာနဲ့တွေးတယ်၊ ဘာပဲဖြစ်ဖြစ် အခုလို partition D အနေနဲ့ ထားတာက ပိုပြီးစိတ်ချရတယ်၊ တစ်ခုခုဖြစ်သည့်တိုင် အနည်းဆုံးတော့ အဲဒီကိုအရောက်သွားပြီး reinstall ပြန်လုပ်နိုင်မှာပဲ ဆိုပြီးတော့...၊

ခပ်တိုတို ပြောရရင် ဝရမ်တီလည်းမရှိ၊ ဝင်းဒိုးစ်ပြန်ဆင်ဖို့ တရားဝင်စီဒီလည်း မရှိတဲ့ ကျနော့်ကို ဆားဗစ်စင်တာက အင်တင်တင် လုပ်နေပါလေရော၊ ဒါနဲ့ပဲ ပြန်ပေးပါတော့ ဆိုပြီး ကွန်ပြူတာကို ပြန်တောင်းလိုက်တော့တယ်၊ ပြီးတော့မှ ပြင်သစ်မှာရှိတဲ့ ဥရောပတာဝန်ခံ HP ရုံးကို အကျိုးအကြောင်း ရှင်းပြ၊ ကွန်ပြူတာပေါ်က ဝင်းဒိုးစ်ရဲ့ original tag နံပါတ်ပြောပြီး reinstallation CD တစ်ချပ်လှမ်းတောင်းရတယ်၊ တော်သေးတာပေါ့၊ ဟိုက သဘောကောင်းစွာနဲ့ လှမ်းပို့ပေးတယ်၊ ဒါတောင် တစ်လခွဲလောက် စောင့်လိုက်ရတယ်၊ ဆိုတော့ ပျက်တဲ့အချိန်ကနေ ပြန်ပြင်ပြီးတဲ့အထိ စုစုပေါင်း ၄ လလောက် ကြာသွားခဲ့တယ်၊ အဲဒီ ဇတ်လမ်းထဲမှာ အဆိုးတကာ့ အဆိုးဆုံးကတော့ ကျနော်က မိုက်မဲစွာနဲ့ backup တစ်ခုမှ လုပ်မထားတာ ပါပဲ၊ ရှိသမျှ ဓါတ်ပုံတွေနဲ့ ပါစင်နယ်လ် ဖိုင်လ်တွေအားလုံး ဆုံးရှုံးသွားခဲ့တယ်၊

အဲဒီလို ဖြစ်ပြီးကတည်းက မှတ်သွားလိုက်တာ အခုဆို backup CD တွေအပြင် external HDD တွေ ၆ ခုလောက်နဲ့ backup လုပ်လေ့ ရှိ ပါတယ်၊ ဒါ့အပြင် အခု STEG ကွန်ပြူတာကိုဝယ်တော့ စကတည်းက ဝရမ်တီကို ၃ နှစ်အထိ တခါတည်း extension လုပ်ထားလိုက်တယ်၊ ကျနော် လေ့လာကြည့်မိသလောက် ပီစီတွေက အများအားဖြင့် မူလဝရမ်တီ ပေးထားတဲ့ ၁ နှစ်ကျော်ပြီးမှ ပျက်လေ့ရှိပါတယ်၊ အဲဒါကြောင့် ဒီတစ်ခါ ပြင်ဖို့ဖြစ်လာတော့ ကျနော့်မှာ အေးအေးလူလူ ရှိနေခဲ့တယ်၊ နောက်တစ်နေ့မှာပဲ ဆိုင်က ဖုန်းဆက်လာတယ်၊ သူတို့ရဲ့ စစ်ဆေးချက်အရ ကွန်ပြူတာရဲ့ RAM က ပျက်တာပါ-တဲ့၊ အဲဒါက ၃ နှစ်အာမခံ ရှိထားလို့ တစ်ပြားမှ ပေးစရာမလိုဘဲ အသစ်လဲပေးပါ့မယ် ဆိုပြီးတော့..၊ သူတို့ကတောင် အခုလို အချိန်မတိုင်မီ ပျက်သွားလို့ တောင်းပန်လိုက် သေးတယ်၊ အရင်တစ်ခေါက်က မျက်နှာငယ်ခဲ့ရသမျှ အခုမှပဲ ငါ ကပ်စတန်မာကွ ဆိုပြီး ခပ်တင်းတင်းနေရတဲ့ အဖြစ်ကို ကျနော့်မှာ သဘောတကျနဲ့...၊ ဆိုင်ကလူနဲ့ စကားပြောနေရင်း ပြင်ရမယ့်အတူတူ ကျနော့်မှာ ကွန်ပြူတာကို စွမ်းရည်ထပ်မြှင့်ဖို့ စိတ်ကူးဝင်လာခဲ့တယ်၊ အဲဒါနဲ့ မူလရှိ ထားတဲ့ RAM 8 GB အစား 16 GB အထိ တိုးလိုက်တယ်၊ ပြီးတော့ ကျနော့်စက်ထဲမှာ အရင်က ရှိထားတဲ့ HDD 1 TB အပြင် နောက်ထပ် SSD 256 GB တစ်လုံးပါ ထပ်ထည့်ဖို့ ပြောလိုက်တယ်၊ သိတဲ့အတိုင်း SSD က flash memory ဖြစ်လို့ ထုံးတမ်းစဉ်လာ HDD ထက် အများကြီး ပိုမြန်ပါတယ်၊ ဆိုတော့ ဝင်းဒိုးစ် အပါအဝင် ရှိသမျှ ပရိုဂရမ်တွေ၊ အပလီကေးရှင်းတွေကို အဲဒီ SSD ပေါ်မှာထား၊ ကျန်တဲ့ ဖိုင်လ်တွေနဲ့ ဓါတ်ပုံတွေ၊ ဗီဒီယိုတွေကို မူလ HDD ပေါ်မှာ ထားလိုက်တယ်၊ ကွန်ပြူတာ ပြန်ရလာတော့ ခလုတ်စဖွင့်ချိန်ကနေ အသုံးပြုဖို့ အသင့်ဖြစ်ချိန်အထိ အချိန်အားဖြင့် ဘယ်လောက်ကြာသလဲ ဆိုတာ သိဖို့ stopwatch နှိပ်ပြီး ကြည့်,ကြည့်တယ်၊ ပျမ်းမျှခြင်း ၅၅ စက္ကန့်လောက် ကြာပါတယ်၊ SSD တပ်ထားတဲ့ laptop တွေဆို စက္ကန့် ၃၀ အတွင်းမှာ ရယ်ဒီဖြစ်နေလေ့ ရှိတယ်၊ အခုကတော့ desktop ဖြစ်လို့ တစ်မိနစ်အောက်မှာ ချက်ခြင်းအသုံးပြုနိုင်တာ မဆိုးဘူးလို့ ဆိုရမှာပေါ့၊

ကွန်ပြူတာ ပြင်တာက ဘာပဲပြောပြော နှစ်ပတ်ခွဲလောက်တော့ စောင့်လိုက်ရတယ်၊ ကျနော်လိုချင်တဲ့ RAM 16 GB ရယ်၊ SSD 256 GB ရယ်ရဖို့ စောင့်ရတာကြောင့် ပိုကြာသွားခဲ့တာ..၊ ဖြစ်ချင်တော့ အဲဒီ နှစ်ပတ်ခွဲက ကျနော်ခွင့်ယူထားတဲ့ ရက်တွေဖြစ်နေတယ်၊ ဆိုတော့ အလုပ်က ကွန်ပြူတာလည်း သုံးလို့မရတော့ မေးလ်စစ်တာကော၊ စာတွေဖတ်တာကော ကျနော့်ရဲ့ စမတ်ဖုန်းလေးနဲ့ပဲ လုပ်ရပါတယ်၊ လက်တစ်ဝါးတောင် မရှိတဲ့ ဖန်သားပြင်လေးကိုပဲ ပြူးပြဲကြည့်ရင်း လက်ညှိုးနဲ့ ဟိုဖက်တွန်းလိုက်၊ ဒီဖက်ပြန်ဆွဲလိုက်၊ ခပ်ဆဆလေး ရိုက် ပြီး အကျယ်ချဲ့လိုက် လုပ်နေရင်း ငါ့ဒုက္ခကလည်း မသေးပါလားလို့ တွေးမိတယ်၊ တကယ်ဆို နွေရာသီ အားလပ်ရက် ခွင့်ယူထားတာနဲ့ တိုက်ဆိုင်နေတာပဲ၊ အိမ်က ကွန်ပြူတာလည်း ပျက်နေတာ အံကိုက်ပဲဆိုပြီး ဒီအရာတွေနဲ့ နှစ်ပတ်လောက်ကလေး အဝေးမှာ အေးအေးဆေးဆေး နေပါ့လား၊ အခုတော့ ဒီလိုမဟုတ်ဘူး၊ ဒီကွန်ယက်ကြီးထဲကိုပဲ ရသလောက် အပေါက်လေးကနေ တိုးဖို့ ကြိုးစားနေမိတယ်၊ ဘယ်သူတွေကများ ဘယ်လိုစာတွေ ပို့ထားပါလိမ့်၊ ဘယ်နေရာတွေမှာ ဘာတွေများ ဖြစ်ကုန်ပြီလဲ၊ ဘယ်သူတွေက ဘယ်လိုပို့စ်တွေ တင်နေကြသလဲ.. စသဖြင့် စသဖြင့်၊ အထူအပါး၊ ပုံသဏ္ဍန် မတူတဲ့ ကြိုးပေါင်းစုံတို့ ရောယှက်နေတဲ့ ဒီကွန်ယက်ကြီးထဲမှာ အမိခံပြီးတဲ့နောက် ပြန်ပြီးရုန်းထွက်ဖို့ ခက်ခဲပါတယ်၊ သတင်း၊ အချက်အလက် စီးဆင်းမှုကြီးရဲ့ အပြင်ဖက်ကို နှစ်ပတ်လောက်ကလေး ကျနော် ထွက်ထိုင်ပြီး မနေနိုင်ခဲ့ဘူး၊ ဘာပဲဖြစ်ဖြစ် အခုတော့ ဖွင့်ဖို့ခလုတ်ကို လက်လှမ်းရုံပဲ ရှိသေး..၊ ပွင့်ပြီးသား ဖြစ်သလောက် ရှိနေ တတ်တဲ့ ကွန်ပြူတာတစ်လုံး ပြန်ရောက်လာတာကြောင့် လက်ချောင်းတွေကလည်း ကီးဘုတ်ပေါ်မှာ ပြေးလွှားကခုန်ဖို့ စိတ်အားထက်သန်နေတယ်လို့ ဆိုပါတော့ဗျာ...။ ။

ညီလင်းသစ်
၂၂ သြဂုတ် ၂၀၁၂

တစ်ထမ်း၊ တစ်ရွက် (Behind the picture)

ပြီးခဲ့တဲ့ ပို့စ်မှာ အိမ်မှုကိစ္စတွေ အကြောင်း ရေးမယ်လုပ်တော့ သရုပ်ဖော်ပုံလေး တစ်ပုံလောက် ထည့်ရင်ကောင်းမယ်လို့ စိတ်ကူးမိ ပါတယ်၊ အိမ်မှုကိစ္စနဲ့ သက်ဆိုင်တဲ့ ပစ္စည်းတစ်ခုခု.. ဥပမာ- ဖုန်စုပ်စက်၊ အဝတ်လျှော်စက်၊ မီးပူ၊ တံမြက်စည်း၊ ဂေါ်ပြား၊ ထမင်းအိုး စတာတွေကို လိုက်ကြည့်ပြီး နောက်ဆုံးတော့ မီးပူကိုပဲ သရုပ်ဖော်ပုံအဖြစ် သုံးဖို့ ဓါတ်ပုံရိုက်မယ်လို့ ကျနော် ဆုံးဖြတ်လိုက်တယ်၊ အဲဒီလို ရိုက်မယ်ဆိုတော့ ဒီအတိုင်း ရိုးရိုးတန်းတန်း ရိုက်တာထက် effect လေး တစ်ခုခု ထည့်ရိုက်နိုင်ရင် ပိုကောင်းမယ်လို့ အကြံရပါတယ်၊ ဥပမာ- စတေ့ခ်ျရှိုး စင်ပေါ်မှာ သီချင်းဆိုနေတဲ့ အဆိုတော်အပေါ်မှာပဲ ဆလိုက်မီးက ကွက်ကွက်လေးကျပြီး သူ့ပတ်ဝန်းကျင်ကတော့ မှောင်နေတာ မျိုးပေါ့၊ အဲဒါဆိုရင် ကြည့်သူရဲ့ အာရုံဟာ ဘေးကို မပျံ့လွင့်တော့ဘဲ အဓိက subject ပေါ်မှာပဲ ရှိနေမှာပါ၊ အခု ဒီအောက်ဖက်က ဓါတ်ပုံထဲမှာလို အလင်းပေးပြီး ရိုက်ဖို့ စဉ်းစားမိတယ်၊

အဲဒီမှာ ကျနော် စမ်းလုပ်ကြည့်မယ်လို့ စိတ်ကူးထားပြီး အခုထိကို မလုပ်ရသေးတာတစ်ခု ခေါင်းထဲဝင်လာတယ်၊ Snoot လို့ခေါ်တဲ့ အလင်းကို ပုံသွင်းတဲ့ ပစ္စည်းလေးပါ၊ ကျနော်လိုချင်တဲ့ ဓါတ်ပုံကို ရဖို့ဆိုရင် Snoot လိုပါတယ်၊ Snoot ဆိုတာက မရင်းနှီးသူတွေ အတွက် အလွယ်ပြောရရင် ဖလက်ရှ်၊ ဒါမှမဟုတ် စတူဒီယိုမီးတွေ အရှေ့မှာ တပ်ရတဲ့ ရှည်မျောမျော ထုလုံးရှည်လေးပါ၊ ဈေးကွက်မှာတော့ ပလပ်စတစ်၊ ဖိုင်ဘာ၊ အလူမီနီယံ စတဲ့ ပစ္စည်းမျိုးစုံနဲ့ လုပ်ထားတာတွေ ရှိတယ်၊ ဘာနဲ့ပဲလုပ်လုပ် သူ့ရဲ့ တာဝန်က အလင်းကို ဖြာမသွားစေဘဲ တစ်နေရာတည်းကို စုပြီး ကျစေဖို့ပါပဲ၊ ကျနော် လုပ်ချင်နေတာက အဲဒီ DIY (Do-It-Yourself) snoot ပါ...၊

DIY snoot လုပ်ရတာ လွယ်ပါတယ်၊ စူပါမားကက်တွေမှာ ရောင်းတဲ့ ရေမြှုပ်ကဒ်ပြား တစ်ချပ်ဝယ်၊ ဖလက်ရ်ှရဲ့ အရွယ်အတိုင်းညှပ်၊ ပြီးတော့မှ အပေါ်က ပုံမှာ ပြထားသလို Velcro လို့ခေါ်တဲ့ ‘ကပ်ခွာ’ လေးတွေ အနားစွန်းမှာ လိုက်ကပ်ရုံပါပဲ၊ ဒါဆိုရင် ‘အလင်းဖြစ်စေ’ လို့ မပြောနိုင်ပေမယ့် ‘အလင်းပြောင်းစေ’ လို့တော့ ပြောလို့ ရသွားပြီ..၊း)

နောက်ထပ် လိုအပ်တာတစ်ခုက off-camera flash ပါ၊ ဖလက်ရ်ှကို ကင်မရာပေါ်မှာ မတပ်ဘဲ ဓါတ်ပုံရိုက်မယ့် subject အနားမှာ ထားဖို့ပါ၊ အဲဒီလို ထားခြင်းအားဖြင့် အလင်းကို subject ရဲ့ ဘေး၊ ဘယ်ညာ၊ အပေါ်၊ အောက်၊ အနောက်.. ကြိုက်တဲ့ဖက်ကနေ ပေးလို့ ရသွားပြီ၊ ဓါတ်ပုံပညာမှာတော့ Strobist လို့ခေါ်ကြပါတယ်၊ ဆိုတော့.. ကင်မရာရဲ့ အဝေးမှာ ရှိနေတဲ့ ဖလက်ရ်ှကို ကင်မရာခလုတ် နှိပ်တဲ့အခါ တပြိုင်နက်ထဲ ပွင့်စေဖို့ (Wireless) Flash trigger တစ်ခု လိုပါတယ်၊ အောက်မှာ ပြထားတဲ့ ပစ္စည်းလေးပါပဲ..၊

Flash trigger သုံးမျိုး ရှိပါတယ်၊ ကင်မရာနဲ့ ဖလက်ရ်ှကို ကြိုးနဲ့ဆက်ထားတဲ့ Wired flash trigger၊ ကင်မရာနဲ့ ဖလက်ရ်ှကြားမှာ ကြိုးမပါဘဲ အနီအောက် ရောင်ခြည်သုံး Remote Infrared flash trigger နဲ့ ရေဒီယိုလှိုင်းသုံး Remote Radio-frequency flash trigger တို့ပါ၊ ကျနော်သုံးတာက ရေဒီယိုလှိုင်းစနစ် တရုတ်လုပ် Yongnuo တံဆိပ်၊ မော်ဒယ်လ် RF-602 ပါ၊ ဈေးပေါတယ်၊ e-bay ကနေ တရုတ်ပြည်ကို လှမ်းမှာတာ ဒေါ်လာ ၃၀ ပဲပေးရတယ်၊ ကွာလတီကတော့ နည်းနည်းညံ့တယ်၊ ဒါပေမယ့် စီးပွားဖြစ် သုံးတာမဟုတ်လို့ သုံးပျော်ပါတယ်၊ ပုံထဲမှာပါတဲ့ ဘယ်ဖက်က အသေးလေးက transmitter ပါ၊ သူ့ကို ကင်မရာပေါ်မှာတပ်၊ ဘေးက receiver ကိုတော့ ဖလက်ရ်ှအောက်မှာ တပ်လိုက်ရင် မီတာ ၁၀၀ အကွာအဝေးလောက်အထိ ဖလက်ရ်ှကို ခိုင်းလို့ရပါတယ်၊

ဒါကတော့ အဲဒီပုံကို ရိုက်ခဲ့တဲ့ setting ပါ၊ ကျနော့်ရဲ့ DIY snoot ကို ဖလက်ရှ် ခေါင်းမှာစွပ်၊ Yongnuo receiver ကို ဖလက်ရ်ှအောက်မှာတပ်၊ ဖလက်ရ်ှက မီးပူအပေါ်တည့်တည့် ကျနေအောင် ထရိုင်ပေါ့ထ်ကိုချိန်၊ ကင်မရာပေါ်မှာ Yongnuo transmitter ကိုတပ်၊ ပြီးရင်တော့ ရိုက်ရုံပါပဲ၊ လိုလိုမယ်မယ် မီးပူရဲ့ ဘက်ဂရောင်းမှာ အနက်ရောင် ကဒ်ထူတစ်ပြားကိုလည်း ချထားလိုက်တယ်၊ အရေးကြီးတဲ့ တစ်ချက်က subject ဟာ နောက်ခံနံရံနဲ့ ကပ်မနေဖို့ပါ၊ မဟုတ်ရင် ဘက်ဂရောင်းဟာ ရာနှုန်းပြည့် မှောင်နေမှာ မဟုတ်ပါဘူး၊ အဲဒါကြောင့် မီးပူကို ခုံပေါ်တင်ပြီး အခန်းအလယ်မှာ ချထားတာပါ၊ ဒီပုံကိုရိုက်တာ အဲဒီပို့စ်မတင်ခင် ညနေလေးမှာပဲ ရိုက်ခဲ့တာ ဖြစ်ပါတယ်၊ ပုံမှာတွေ့တဲ့အတိုင်း အခန်းက မှောင်မနေပါဘူး၊ ဒါပေမယ့် ကင်မရာကို manual mode မှာထား၊ အလင်းတံခါးကို ပွင့်တယ် ဆိုရုံလေးပဲ ဖွင့်ပြီး အဲဒီလို ပွင့်တဲ့အခိုက်လေးမှာ ဖလက်ရ်ှကနေ မီးခပ်မှိန်မှိန်လေး ပေးလိုက်တော့ မီးပူတစ်ခုပဲ လင်းပြီး သူ့ပတ်ဝန်းကျင် တစ်ခုလုံးက မှောင်နေတဲ့ ပုံကိုရပါတယ်၊

ဒီပုံကတော့ ပြီးခဲ့တဲ့ ပို့စ်အတွက် ရိုက်ထားတဲ့ ပုံတွေထဲကမှ နောက်ဆုံး ဇကာတင် အဆင့်မှာ ပြုတ်ကျကျန်ခဲ့တဲ့ ပုံပါ...၊ ဓါတ်ပုံ Exif လည်း စိတ်ဝင်စားသူတွေ သိရအောင် ဖော်ပြလိုက်ပါတယ်၊

Camera: Canon EOS 5D mark II
Lens: Canon EF 50mm f/1.4 USM
Focal length: 50 mm
Aperture: f/8
Speed: 1/200
ISO: 100
Strobist: Canon Speedlite 580Ex II, 90° above subject, snooted, powered 1/32, zoomed to 24mm

ရုပ်ရှင်တွေထဲက အနုပညာမြောက်တဲ့ ဇတ်ဝင်ခန်းတွေ၊ စိတ်ဝင်စားစရာ ဓါတ်ပုံတွေ တွေ့ရင် အဲဒီလိုတွေ ဖြစ်လာဖို့ ကင်မရာ နောက်ကွယ်မှာ ဘာတွေလုပ်ခဲ့ သလဲဆိုတာ ကျနော်အမြဲပဲ စိတ်ဝင်စားမိပါတယ်၊ အခုလည်း snoot နဲ့ရိုက်ထားတဲ့ ကျနော့်ရဲ့ ပထမဦးဆုံး ဓါတ်ပုံကို ဘယ်လို ဖန်တီးခဲ့သလဲဆိုတာ ဘလော့ဂ်မှာ မှတ်တမ်းတင်ရင်း မောင်နှမတွေနဲ့ ဝေမျှလိုက်တဲ့ သဘောပါပဲ၊ ဝေဖန်စရာ၊ အကြံပေး ဆွေးနွေးစရာ ရှိခဲ့ရင်လည်း ပွင့်ပွင့်လင်းလင်းသာ ပြောခဲ့ဖို့ ဖိတ်ခေါ်ပါတယ်ဗျာ..။ ။

Bonus: Strobist နဲ့ပတ်သက်လို့ စိတ်ဝင်စားတယ်ဆိုရင် သူ့တစ်ခုတည်းနဲ့တင် ပြီးပြည့်စုံသလောက် ရှိတယ်လို့ ပြောနိုင်တဲ့ အကောင်းဆုံး ဝက်ဘ်ဆိုဒ်တစ်ခုကို ညွှန်းပါရစေ..၊ ဒီမှာ သွားကြည့်လို့ ရပါတယ်..။

ညီလင်းသစ်
၂၆ ဇူလိုင်၊ ၂၀၁၂

တစ်ထမ်း၊ တစ်ရွက်

'အိမ်ထောင်ရေးဆိုတာ တစ်ယောက်တည်းနေရင် ဘယ်တော့မှ ရှိလာမှာမဟုတ်တဲ့ ပြဿနာတွေကို နှစ်ယောက်ပေါင်းပြီး ဖြေရှင်းနေရတာ ဖြစ်တယ်'ဟူသော ရွှတ်နောက်နောက် ဆိုရိုးလေးကို ကျနော် ဖတ်ရတုန်းက သဘောတကျနှင့် အတွေးများစွာ သီခဲ့ဖူးပါသည်၊ ကျောင်းသားဘဝမှာ ရှိစဉ်တုန်းက ကျနော်၏ အီးမေးလ်ထဲသို့ ဝင်လာသော စာကလေးတစ်စောင် ဖြစ်သည်၊ အိမ်ထောင်ရေးအပေါ် အနက်ဖွင့်ထားသည့် အခြားအခြားသော အဓိပ္ပါယ်တူ ဟာသများဖြင့် အတူတွဲလျက် ဖတ်လိုက်ရသည့် အတွက်သာ ရွှတ်နောက်နောက် ဆိုရိုးဟု ကျနော်က ဆိုလိုက်သော်လည်း တကယ်တမ်းမှာတော့ မှားသည် ဟုလည်း ယတိပြတ် ပြောလို့မရနိုင်ပေ...၊ ကျနော် ကိုယ်တိုင်လည်း တစ်ကိုယ်ရည်ဘဝမှာ ယောင်လို့မှ တွေးမကြည့် ဖူးသော ကိစ္စများကို နှစ်ယောက်ပေါင်းပြီး ဖြေရှင်းနေရသူပဲ ဖြစ်ပါသည်၊

လင်ရယ်မယားရယ် လို့မှ ဖြစ်လာတော့လည်း တစ်ဦးနှင့် တစ်ဦးကြားက မတော်၊ မတည့်တာတွေကို ညှိကြ၊ ပြုကြ၊ ဖြတ်တောက်၊ စွန့်ပစ်ကြ၊ ပြုပြင် ဖာထေးကြ... စသဖြင့် တဖက်နှင့်တဖက် အံဝင်အောင် ကြိုးစားရမည်မှာ သဘာဝ ကျပါသည်၊ လူလွတ်ဘဝနှင့် အိမ်ထောင်သည်ဘဝ အကြား ကွာခြားမှုက တစ်ဦးချင်းစီ၏ ပြင်ပဘဝ လုပ်ငန်းခွင်မှာ သိပ်မသိသာ သော်လည်း တစ်မိုးတည်းအောက်က တူနှစ်ကိုယ် တိုင်းပြည်လေးမှာတော့ ကိုယ်ပိုင်ပြဌာန်းခွင့် ကိုယ်စီဖြင့် အေးချမ်း သာယာအောင် ထပ်တူ အားထုတ်ဖို့ လိုမည်ဟု ကျနော်ထင်ပါသည်၊ အချစ်ဆိုသော ဆုံမှတ်လေး တစ်ခုအပေါ်မှာ စွဲနစ်သွားစေဖို့ နှစ်ဖက်စလုံးက လှမ်းလာခဲ့ကြသလို ထိုမှတဆင့်တက်ပြီး စွန့်စွန့်စားစားနှင့် ထူထောင်လိုက်သော အိမ်ထောင်ရေး အုတ်မြစ်ကလေးကိုလည်း ခိုင်မြဲအောင် ဆက်ပြီး ကြိုးစားဖို့ လိုပါလိမ့်မည်၊ ထိုအခါ အင်မတန် လေးလံသည့် အိမ်ထောင့်တာဝန်ဆိုသော အထုပ်ကြီးသည် ကျနော်တို့ ပုခုံးပေါ်သို့ ဘုတ်ကနဲ ပြုတ်ကျလာတော့သည်၊

ဤနိုင်ငံကလေးသို့ ရောက်စ,က ကျနော့်မှာ အလုပ်လုပ်ခွင့်၊ ကျောင်းတက်ခွင့် မရှိသေးသဖြင့် ပါမစ်ရရန် သုံးလခန့် စောင့်ဆိုင်းနေခဲ့ ရသည်၊ ထိုကာလ ကလေးက ကျနော့်အဖို့ အတော်လေး လွတ်လပ်ပါသည်၊ ရောက်တာ မကြာသေးသော ရေမြေသစ်မှာ ဒေသန္တရ ဗဟုသုတအတွက် ဟိုဟိုဒီဒီ လျှောက်သွား ဖြစ်သလို နေ့လယ်နေ့ခင်းများတွင် အိမ်မှုကိစ္စများကို တဖက်တလမ်းမှ လုပ်ဖြစ်သည်၊ မနက်မနက် မအိမ်သူက အလုပ်သွားသည်နှင့် နှစ်ဦးတည်းရှိသော တိုက်ခန်းကလေးမှာ ကျနော်တစ်ယောက်တည်း ကျန်ရစ်ခဲ့တော့သည်၊ ထိုအခါ မနက်စာ စားထားသော ပန်းကန်ခွက်ယောက်တွေ ဆေးကြော၊ သိမ်းဆည်း၊ အိပ်ရာသိမ်း၊ အဝတ်လျှော်၊ အိမ်ရှင်း၊ မီးပူတိုက် စသည့် ဗာဟီရများကို စိမ်ပြေနပြေ လုပ်ဖြစ်သည်၊ ထိုစဉ်က ကွန်ပြူတာလည်း မရှိ၊ ဘလော့ဂ်ဆိုတာလည်း မသိ..၊ အပန်းဖြေစရာ ဆိုလို့ မြန်မာပြည်က လောလောလတ်လတ် သယ်လာသော စာအုပ်များနှင့်အတူ နှစ်ပေါင်း ၁၄ နှစ်ခန့် သက်တမ်း ရှိနေပြီ ဖြစ်သော တီဗီ အဟောင်းကြီး တစ်လုံးသာ ရှိပါသည်၊ နေ့လယ်စာကို တစ်ယောက်တည်း စားရမှာ ပျင်းသည့်အလျောက် တချို့ရက်တွေမှာ ဘာမှမချက်ဘဲ ကော်ဖီနှင့် ပေါင်မုန့်မီးကင်သာ စားဖြစ်သည်၊ ကိုယ့်အစာအိမ်နှင့် ကိုယ့် ကိုယ်ပိုင်အချိန်...၊ ကျနော်လွတ်လပ်စွာ ဆုံးဖြတ်ခွင့် ရှိသည် မဟုတ်လား၊ အိမ်ထောင်သည်ဘဝ ရောက်နေသော်လည်း တစ်ယောက်တည်း ရှိသောအခါ ကိုယ်ပိုင်အုပ်ချုပ်ခွင့် အပြည့်နှင့် ကျနော် နေထိုင်ပါသည်၊

နောက်ပိုင်းမှာတော့ ကျနော့်အဖို့ နေ့ရက်များက လျင်မြန်စွာပဲ ရွေ့လျား၊ ကုန်ဆုံးသွား ခဲ့ကြသည်၊ ကျောင်းစာများ၊ စာမေးပွဲများ အကြားမှာ အိမ်နှင့်ကျောင်း၊ ကျောင်းနှင့်အလုပ်.. ကူးချည်သန်းချည်ဖြင့် မမောမပန်းနိုင်ဘဲ ရှိခဲ့ရသည်၊ ရပ်သစ်ရွာသစ်မှာ နေထိုင်ရတာ တဖြည်းဖြည်းနှင့် အသားကျလာသလို အိမ်ထောင့်တာဝန် ဆိုတာကလည်း လုပ်ရိုးလုပ်စဉ် တစ်ခုနှယ်...၊ အစတုန်းက ကြက်ဥလောက်ကိုပင် အဖြစ်သဘော ပြုတ်တတ်သူက အခုတော့ ဟင်းအမယ်လေးတွေ သုံးလေးမျိုး ချက်တတ်လာခဲ့သည်၊

"အမေ...ဒီတစ်ခါတော့ နှစ်ခု မေးမလို့..၊ ပထမတစ်ခုက ဘဲဥချဉ်ရည်ဟင်း ဘယ်လိုချက်သလဲ-လို့၊ ဒုတိယ တစ်ခုကတော့ ဝက်သား အချိုချက်...၊ အဲဒီ ချက်နည်းလေးတွေ ပြောပြပါဦး" ...၊

နှစ်ပတ်တစ်ခါ၊ သုံးပတ်တစ်ခါလောက် အမေ့ကို ဖုန်းဆက်ပြီး ဟင်းချက်နည်းတွေ တောင်းရတာကလည်း ဓလေ့ထုံးစံလို ဖြစ်လာခဲ့ပြီ၊ ထူထောင်မိသော အိမ်ထောင်တစ်ခု၏ side effect ဆိုတာတွေ များလား၊ အမေကတော့ 'အေး..အေး၊ နင့်မှာ လိုက်မှတ်စရာ ဘောပင်နဲ့စာရွက် အဆင်သင့်ပဲလား'ဟု ဆိုကာ မမောနိုင်၊ မပန်းနိုင် ပြောရှာသည်၊ ဘဲဥမစားကြသော နိုင်ငံမှာ ဘယ်မှာမှ ဘဲဥ ဝယ်မရသည့် အတွက် ကျနော့်လက်ရာက ကြက်ဥ ချဉ်ရည်ဟင်း ဖြစ်သွားသလို ဝက်သားကလည်း မီးနေသည် ဝက်ကို ပေါ်ထားသည့် အလား နနွင်းတွေ ဝါထိန်လို့...၊ သို့ပေမယ့် ကျနော်တို့ ထမင်း မြိန်ခဲ့ကြပါသည်...၊

ဤသို့ ခရီးဆက်နေကြရင်း အိမ်ထောင့်တာဝန်များ၊ ဗာဟီရ ကိစ္စများကို ခွဲဝေလုပ်ကိုင်ရာတွင် ဟန်ချက်ညီခဲ့သော ကျနော်တို့မှာ သားကလေး ဝင်ရောက်လာသည့် အချိန်မှ စ၍ အခြေအနေကို လိုက်လျောညီထွေ ရှိအောင် ပြန်လည် ပြုပြင်ရတော့သည်၊ ထိုအခါ နှစ်ဦးတည်း ရှိစဉ်တုန်းက ဦးစားပေး ဆိုသော အရာများ အဆင့်လျှောကျ ကုန်တော့သည်၊ ကြိုတင်တွက်ချက်၍ ရသော အနေအထားမှာ လုပ်စရာ အငန်းအတာများကို အစီအစဉ် တကျ ထားသို ဆောင်ရွက်နိုင်ခဲ့သော်လည်း ယခုမှာမူ သားကလေး၏ တဝါးဝါး ငိုသံအောက်မှာ အားလုံးက ရှေ့နောက်ပြောင်းပြန် ဖြစ်ခဲ့ကြသည်၊ လူသား သေးသေးလေး တစ်ဦး ဤမြေကမ္ဘာသို့ ဝင်ရောက်လာမှုက သူ့ထက် နှစ်ပေါင်းများစွာ စော၍ ရောက်နေကြသော လူအကြီး,ကြီး နှစ်ယောက်၏ နေထိုင်မှု ပုံစံကို ပြောင်းလဲစေသည်မှာ တွေးကြည့်လျှင် အံ့သြစရာ ကောင်းပါသည်၊

လေ့လာ သင်ယူစရာတွေ များသလို စိတ်ဖိစီးမှုလည်း များသည့် ခေတ်သစ် လူနေမှု အဖွဲ့အစည်း အတွင်းမှာ ခေါင်းဖော် စီးမျောနိုင်ဖို့ ကြိုးစားရင်း ကျနော်တို့၏ အချိန်များ လျင်မြန်စွာ တိုက်စားခံခဲ့ ရသည်၊ တစ်နေ့နှင့် တစ်နေ့ အလျင်မီအောင် ကြိုးစားရသည့်အခါ ဗာဟီရ ကိစ္စများတွင် သဘာဝကျစွာပဲ လစ်ဟင်းမှုများ ရှိလာ တော့သည်၊ ရေချိုးခန်း ဆေးဖို့၊ ဖုန်သုတ်ဖို့၊ အဝတ်လျှော်ဖို့၊ မီးပူတိုက်ဖို့ ပျက်ကွက်မှုတွေက ကြိုကြား၊ ကြိုကြား ဖြစ်လာခဲ့သည်၊ တစ်ရက်မှာတော့ ကျနော် ကွန်ပြူတာရှေ့ ထိုင်နေတုန်း...

"ကဲ..ပြော၊ အဝတ်လျှော်တာနဲ့ မီးပူတိုက်တာ.. ဘယ်ဟာကို ရွေးမလဲ" ...၊

လှည့်ကြည့်လိုက်တော့ မအိမ်သူ...၊ လက်ထဲမှာလည်း ဘောပင်တစ်ချောင်း စာရွက်လွတ် တစ်ရွက်နှင့်၊ ကျနော်က နားမလည်နိုင်စွာဖြင့် 'ဘာလုပ်မလို့လဲ' ဟုမေးတော့ ပြုံးစိစိနှင့် 'တာဝန်တွေခွဲဖို့ ဂျူတီရိုစတာ ဆွဲမယ်' ဆိုပဲ..၊ ကျနော်က ခဏစဉ်းစားလိုက်ပြီး 'မီးပူတိုက်တာပဲ ယူမယ်' ဟု ဖြေလိုက်သည်၊ အရမ်း, အရမ်းလည်း ဖြေလို့မဖြစ်..၊ သူမ,က နှုတ်တစ်ရာ စာတစ်လုံး လုပ်နေသည် မဟုတ်လား၊ သူမ စာရွက်ပေါ်မှာ တစုံတခု ချရေးလိုက်တော့ ပြီးပြီဟု ကျနော် ထင်လိုက်မိသည်၊ သို့သော်.. ထို ကြိုက်ရာရွေးပါ အစီအစဉ်က ဤမျှနှင့်မရပ်..၊ ရေချိုးခန်း၊ အိမ်သာ ဆေးတာနှင့် တစ်အိမ်လုံးကို ဖုန်စုပ်၊ မီးဖိုချောင် သန့်ရှင်းတာ ဘယ်ဟာရွေးမလဲဟု ဆက်လာပြန်သည်၊ ဒီတစ်ခါလည်း စဉ်းစားရပြန်သည်၊ အိမ်ထောင်ပြု၊ ဘုရားတည်၊ ဆေးမှင်ရည် စုတ်ထိုး၊ ဤသုံးချက် မပိုင်က၊ နောင်ပြင်ရန် ခက်သည့် အမျိုး ဆိုတာ ဒါကိုများ ဆိုလိုတာလား မသိ၊ အမေးရှိမှတော့ ဖြေရတော့မည်၊

'ကိုယ်က နားအေးပါးအေး နေချင်တော့ ဖုန်စုပ်စက်ကြီး တဝူးဝူးနဲ့ မဖြစ်ပါဘူး၊ ရေချိုးခန်းပဲ ဆေးပါ့မယ်လေ' ဟု လုပ်လိုက်ရသည်၊

ထို့နောက် ဘာများ ထပ်လာဦးမလဲဟု ရင်တမမနှင့် စောင့်နေချိန်မှာ မှန်ပြူတင်းပေါက်တွေ သန့်ရှင်းရေး ကိုတော့ သူပဲလုပ်လိုက်ပါ့မယ်-ဟု သဘောကောင်းစွာဖြင့် သူ့ဟာသူ ဘောနပ်စ်ယူပြီး ထွက်သွားသည့် အခါမှ ကျနော့်မှာ အသက်ဝဝ ရှူရဲတော့သည်၊ ပြောရလျှင်တော့ ကျနော်တို့၏ တူနှစ်ကိုယ် တိုင်းပြည်လေးမှာ စက္ကူဖြူ စီမံကိန်း တစ်ခုက ဤသို့ဤနှယ် ဝင်ရောက်လာခဲ့ လေသည်၊

မအိမ်သူက သူ့ရဲ့ ဂျူတီရိုစတာကို Excel ဖြင့် အကျအန ဇယားဆွဲ၊ ပရင့်ထုတ်ပြီး မီးဖိုချောင် တံခါးဝမှာ ကပ်ထားလိုက်သည်၊ ကျနော့်ကို ဝန်ခံသိရှိပြီး သဘောတူကြောင်း လာပြီး လက်မှတ်မထိုးခိုင်းတာကိုပဲ ကျေးဇူး တင်ရမည်၊ သူ လုပ်နေတာတွေကို ကြည့်ရင်း ကျနော်တို့ လက်ထပ်ပြီးကာစ မြေနီကုန်းက တိုက်ခန်းလေး တစ်ခုမှာ နေစဉ်တုန်းက အဖြစ်အပျက် တစ်ခုကို သတိရမိပါသည်၊ ထိုစဉ်က ကျနော်က ဧည့်လမ်းညွှန် အလုပ်ဖြင့် မကြာခဏ ခရီးထွက်ရလေ့ ရှိသည်၊ တစ်ရက်မှာ ခရီးကပြန်လာတော့ ကျနော်၏ ခရီးဆောင်အိတ်ကို သူမ,က ယူပြီး 'ဒီအင်္ကျီက လျှော်ဖို့လား၊ ဒီလုံချည်ကကော လျှော်ရမှာလား' စသဖြင့် မေးလိုက်၊ အပုံတွေ ခွဲလိုက်ဖြင့် ရှင်းပေးနေသည်၊ ဇနီးသည်က အလိုက်တသိဖြင့် ရှင်းပေးတာကို သဘောကျသလို တဖက်ကလည်း နှစ်ပတ်လောက် ဝတ်ထားခဲ့သော အဝတ်အစားများမို့ သူ့ခမျာ လျှော်စရာတွေ တပုံကြီး ဖြစ်နေတော့မှာဟု တွေးပြီး ကျနော်က အားနာနေမိသည်၊ ထို့ကြောင့် အိတ်ထဲမှ အဝတ်အစားများ ကုန်သွားသောအခါ 'အင်း.. လျှော်စရာတွေ များနေပြီနော်၊ ခရီးက ချက်ချင်း ပြန်ထွက်စရာ မရှိသေးပါဘူး၊ တခါတည်း မလျှော်ဘဲ နှစ်ခါသုံးခါ ခွဲလျှော်လည်း ရပါတယ်'ဟု အားတုံ့အားနာ ပြောတော့ သူမ,က 'အာ.. နှစ်ခါသုံးခါတွေ ဘာတွေ လုပ်မနေပါနဲ့၊ မနက်ဖြန် လောန်ဒရီ ဆိုင်ကိုသွားဖို့ ရည်ရွယ်ထားတာ..၊ တခါတည်း အကုန်လျှော်လိုက်တော့ ပြီးတာပဲပေါ့'ဟု ပြောပြောဆိုဆိုဖြင့် အဝတ်အစားများကို ခြင်းကြီးထဲ ထည့်ကာ အခန်းထဲမှ ထွက်သွားတော့သည်၊ သူ့ဟာသူ လျှော်မယ်မှတ်ပြီး အားနာ နေမိသော အဖြစ်ကို ပြန်တွေးကာ ကျနော့်မှာ တဟားဟားနှင့် ရယ်ပြီး ကျန်ခဲ့ရသည်၊

အခုတစ်ခါတော့ သူတာဝန် ယူထားသည့် အဝတ်လျှော်ခြင်း ဆိုတာ ဘယ်လို လျှော်မှာလဲဟု ကျနော် သိသွားခဲ့ပြီ၊ ကျနော့်အတွက်တော့ ရွေးကြစတမ်း ဆိုလျှင် မီးပူတိုက်တာကို ပိုနှစ်သက်ပါသည်၊ ဤနေရာတွင် အဖေတူသည်ဟုများ ဆိုရမလား မသိ..၊ ကျနော့်အဖေကလည်း အမေ့ကို ကူသည့် အနေဖြင့် မကြာခဏ မီးပူတိုက်ပေးလေ့ ရှိပါသည်၊ အမေက ကျနော်တို့ မောင်နှမတွေ ဝတ်ထားသည့် အဝတ်တွေကို စုလျှော်၊ နေလှန်းပြီး ခြောက်တော့ အဖေက သွားရုတ်လာပြီး မီးပူတိုက်..၊ ကျနော်တို့ တတွေက အစန့်သား ပြန်ဝတ်..၊

'မင်းတို့ အမေက အဝတ်လျှော်တာကို ပိုပြီး ဝါသနာပါတယ်၊ ငါကတော့ မီးပူတိုက်တာကွ'...၊

စိတ်လိုလက်ရ ရှိသည့်အခါ အဖေက ပြောတတ် ပါသေးသည်၊ တခါတုန်းက ကျနော့်အလုပ်မှာ ကော်ဖီ ဝိုင်းဖွဲ့ သောက်နေကြရင်း စကားစပ်မိရာမှ တီရှပ်တွေကို မီးပူတိုက် ဝတ်သည့်အကြောင်း ကျနော်ပြောတော့ အားလုံးက တအံ့တသြနှင့် ဝိုင်းကြည့်ကြသည်၊ တီရှပ်ဆိုတာ မီးပူတိုက် ဝတ်ရသည့် အစားဟု သူတို့တခါမှ မစဉ်းစားဖူးပါ-တဲ့၊ ကျနော်ကတော့ မီးပူတိုက်သည့်အခါ တီရှပ်များသာမက အဝတ်ခြင်းထဲမှ လျှော်ပြီးသား အဝတ်မှန်သမျှ အတွင်းခံ၊ ခြေစွပ်၊ လက်အိတ်၊ ညဝတ်အင်္ကျီပါ မကျန် အကုန်တိုက်လေ့ ရှိပါသည်၊ ကျနော့် မျက်စိထဲတွင် လျှော်ဖွပ်ပြီးသား အဝတ်များက မီးပူတိုက်လိုက်မှ စန့်စန့်ပြန့်ပြန့်နှင့် သပ်ရပ်သွားသည်ဟု ထင်မိတတ်သည်၊ ထိုသို့ တွေ့သမျှ အဝတ်အစား အကုန် မီးပူတိုက်တတ်သော ကျနော်၏ ဉာဉ်ကြောင့် မအိမ်သူ၏ အကြေသား အင်္ကျီ သုံးလေးထည်မှာ စန့်စန့်ပြန့်ပြန့် ဖြစ်သွား ခဲ့ရဖူးသည်၊

"ဟာ... အင်္ကျီတွေတော့ သွားပါပြီ၊ ဒါတွေက မီးပူတိုက်ရတာ မဟုတ်ဘူးလေ..."

သူ့အင်္ကျီများကို နှမြောတသစွာဖြင့် ကိုင်ကြည့်နေချိန်မှာ ကျနော်က အပြစ်လုပ်မိသော ကလေးတစ်ယောက်လို အသာလေး ဇက်ပုနေရသည်၊ ထိုအင်္ကျီများကို မီးပူတိုက်နေစဉ်မှာ 'ဒီ အင်္ကျီတွေ ကလည်း ကြေလိုက်တာ၊ ခြင်းတောင်း အောက်ဆုံးမှာ ထိုးသိပ် ထည့်ထားတာ ထင်တယ်' ဟုပင် ကျနော်က တွေးလိုက်သေးသည်၊ ကျနော်ငယ်စဉ်က မြန်မာပြည်မှာ ခေတ်စားခဲ့ဖူးသော အနှီ အကြေသားကို ယခုလို နှစ်ပေါင်းများစွာ ကြာပြီးမှ ကျနော့်မီးပူအောက်မှာ ပြန်တွေ့ရလိမ့်မည်ဟု မထင်ခဲ့ခြင်းမှာ ကျနော့်အမှားပင်...၊ ထိုနေ့မှ စ၍ ကျနော် မီးပူတိုက်သောအခါ မအိမ်သူက မလှမ်းမကမ်းမှနေပြီး အလွတ်မပေးဘဲ အရိပ် တကြည့်ကြည့် လုပ်နေတတ် တော့သည်၊ အထူးသဖြင့် သူ့အင်္ကျီတွေကို ကျနော်က ပြောင်းပြန် မလှန်ဘဲ တိုက်နေသလား၊ ပိုးသားအင်္ကျီ၊ သိုးမွှေးအင်္ကျီတွေကို မီးအပူကြီးဖြင့် တိုက်နေသလား၊ အကြေသားတွေကို အမှတ်မရှိဘဲ တိုက်နေပြန် သလား၊ မျက်လုံးက မီးပူအောက်က အဝတ်အစားပေါ်မှာ မရှိဘဲ အရှေ့က တီဗီ ပေါ်မှာပဲ ရောက်နေသလား.. စသဖြင့် အကဲခတ် နေတတ်သည်၊ ရေချိုးခန်း၊ အိမ်သာ၊ ကြွေဘေစင်များကို ကျနော် တိုက်ချွတ်ဆေးကြော ချိန်မှာ ဘာမှ မဖြစ်သလောက် မီးပူကိုင်တာနှင့် သူ့ခမျာ ရင်တမမ ဖြစ်ရလေ့ ရှိသောကြောင့် နောက်ပိုင်းမှာ သူတန်ဖိုးထားသော အဝတ်အစား တချို့ကို သူ့ဟာသူပဲ မီးပူတိုက်ဝတ် တော့သည်၊

စင်စစ် ဤသို့သော ဗာဟီရ ကိစ္စများကို လူတိုင်း၊ မိသားစုတိုင်း အစဉ်တစိုက် လုပ်ကြရသော်လည်း ရေးကြီးခွင်ကျယ် စကားထဲ ထည့်ပြောကြလေ့ မရှိပါ..၊ သို့သော် ရိုမန်တစ် ဝတ္ထုတချို့တွင် တွေ့ရတတ်သည့် 'အိမ်ထောင်ရေးဆိုတာ အချစ်ရဲ့ သင်္ချိုင်းဖြစ်တယ်' ဟူသော အယူအဆတွင် အချစ်ကို သင်္ချိုင်းသို့ ပို့သော အရာများစွာထဲတွင် ယခုလို ဗာဟီရ၊ အိမ်မှုကိစ္စ များလည်း အနည်းနှင့်အများ ပါဝင်လိမ့်မည်ဟု ကျနော် ယူဆမိ ပါသည်၊ ဖုန်စုပ်စက်သံ တဝူးဝူး၊ မီးပူသံ တရှဲရှဲနှင့် ရေချိုးခန်း ကြွေပြားတွေပေါ်မှ ဆပ်ပြာမြှုပ်များ အကြားမှာတော့ အချစ်သည် ခုံတန်းပြာတွေပေါ်က လတ်ဆတ်မှုမျိုးနှင့် မဟုတ်တော့ဘဲ မောဟိုက် ပင်ပန်းစွာ ရှိနေပေ လိမ့်မည်၊ တခါက ဖတ်ခဲ့ဖူးသော စာစုလေး တစ်ခုကို ကျနော် သတိရမိ ပါသည်၊

"မိန်းကလေးများက သူတို့ချစ်သော ယောက်ျားလေးများသည် အတူနေရသောအခါ ပြောင်းလဲလိမ့်မည်ဟု မျှော်လင့်ပြီး လက်ထပ်ကြသည်၊ ယောက်ျားလေးများ မှာမူ သူတို့ချစ်သော မိန်းကလေးများ ဘယ်တော့မှ မပြောင်းလဲနိုင်ဟု တွေးပြီး လက်ထပ်ကြသည်၊ လက်တွေ့တွင် နှစ်ဖက်စလုံး မှားကြလေသည်..၊"

စင်စစ် ဤစကားစုလေးက ဟာသရသ ပိုပိုသာသာဖြင့် ပြောထားသော်လည်း ကျနော့်ဆိုလိုရင်းမှာ ပြောင်းလဲခြင်း ဖြစ်ပါသည်၊ ကိုယ် ငါးဆယ်ရာခိုင်နှုန်း ပါဝင်စိုက်ပျိုးခဲ့သော ချစ်ခြင်း၏ သစ်ပင်ကလေး.. ဗာဟီရ မြက်ရိုင်းတို့ကြားမှာ ဖုံးအုပ်၊ သေဆုံး မသွားစေဖို့ ကောင်းသော ပြောင်းလဲခြင်းဖြင့် အိမ်မှုကိစ္စများကို တက်ညီလက်ညီ ဖြေရှင်းဖို့ လိုပါလိမ့်မည်၊ အမျိုးသမီးများ လေထီးခုန်ပြီး အမျိုးသားများ နေ့ကလေးထိန်းကျောင်း ဝန်ထမ်း လုပ်နေကြသော ခေတ်သစ် လူနေမှု စနစ်ထဲတွင် လိုအပ်ပါက မယ်တစ်ထမ်း၊ မောင်တစ်ရွက်လည်း ဖြစ်ခွင့် ရှိပါသည်၊ ထမ်းခြင်း၊ ရွက်ခြင်းသည် သည်လောက် အဓိက မကျပါ၊ အရေးကြီးသည်မှာ လက်ညီဖို့ပင် ဖြစ်ပါသည်၊ လောကအကြောင်း၊ ချစ်ခြင်းမေတ္တာ အကြောင်း သင်ကြားစရာ၊ တည်ဆောက်စရာ တပုံတပင် အကြားမှာ အပေးအယူ မျှမျှဖြင့် ခရီးဆက်နိုင်ဖို့သာ ကျနော် မျှော်တွေးမိပါသည်၊

ပြောကြစတမ်း ဆိုလျှင်ဖြင့် မီးပူတိုက်ခြင်းသည် ဘဝနေထိုင်နည်း တစ်ခုနှင့်ပင် တူပါသည်၊ ကြုံတွေ့ရသော အခက်အခဲ၊ အဖုအကြိတ်၊ ပြဿနာများကို တခါတရံ မီးပြင်းပြင်းတင်ပြီး အားနှင့်မာန်နှင့် ဖိတိုက်ဖို့ လိုသလို တခါတရံတွင်လည်း အလိုက်သင့်၊ အလျားသင့် မီးအပူရှိန် ငွေ့ငွေ့ကလေး ဖြင့်သာ တိုက်သင့်ပါသည်၊ တခါတလေ မှာတော့ ရေစက်၊ ရေပေါက်ကလေးတွေဖြင့် အေးသွားအောင် အရင်လုပ်ပြီးမှ မီးအပူရှိန် မနည်းမများ၊ လက်ဆ,လက်န မှန်စွာဖြင့် ဖြေရှင်းရသော သိမ်မွေ့သည့် ကိစ္စရပ်များလည်း ရှိတတ်ပါသည်၊ မည်မျှပင် တွန့်ခေါက်၊ ကြေမွနေသည့် အခက်အခဲ မဆို.. အဆုံးမှာတော့ စိတ်ရှည်ရှည်နှင့် ယုံကြည်မှု မီးအပူချိန် မှန်သည့် စိတ်မီးပူ တစ်လက်၏ အောက်တွင် ပြန့်ပြန့်စန့်စန့်နှင့် သပ်ရပ်သွားရမည်မှာ သေချာပါသည်...။ ။

ညီလင်းသစ်
၂၀ ဇူလိုင်၊ ၂၀၁၂

လူပျင်းကလေး

ပုံပြင်တွေရဲ့ အစမှာ ပြောလေ့ ရှိသလို 'တခါတုန်းက...' လို့ပဲ ဆိုကြပါစို့၊ လူပျင်းကလေး တစ်ယောက် ရှိတယ်၊ ဘာမှ မလုပ်ချင်၊ မကိုင်ချင်ဘဲ လေးလံနှေးကွေးတဲ့ ပျင်းရိပျင်းတွဲ လူကလေး တစ်ယောက်ပေါ့၊ နေ့စဉ်ပုံမှန် ဘဝမှာ မိုးလင်းကမိုးချုပ် ပုံမှန်ဖြစ်စဉ်တွေနဲ့ လည်ပတ်နေတဲ့ ပုံမှန်လူသား တစ်ဦး..၊ ရုပ်ပိုင်း ဆိုင်ရာမှာ သူလိုငါလို ခန္ဓာကိုယ် တည်ဆောက်ပုံနဲ့အတူ စိတ်ပိုင်းဆိုင်ရာ မှာလည်း စိတ်ပညာ ရှုထောင့်က စံသွေ၊ စံလွဲခြင်း တွေနဲ့ ကင်းပါတယ်၊ ပျင်းရိတာကို စံသွေခြင်းလို့ မသတ်မှတ်ဘူး ဆိုရင်ပေါ့လေ...၊

လူပျင်းကလေးဟာ သူ့ပတ်ဝန်းကျင်ကို ပျင်းရိတဲ့ အကြည့်နဲ့ ကြည့်တယ်၊ သူ့အလုပ်ကို ပျင်းရိစွာနဲ့ လုပ်တယ်၊ သူ့စိတ်ကူးစိတ်သန်းတွေကို ပျင်းရိစွာနဲ့ လွှတ်ပေးထားတယ်၊ မနက်မနက်ဆို အိပ်ရာကနေ မထချင်ဘူး၊ ညညကျ ပြန်တော့ အိပ်ရာဝင်ဖို့ ပျင်းနေပြန်ရော၊ အိပ်ဖို့ပျင်းသလို ထဖို့လည်း ပျင်းတဲ့ သူ့ကို သူ့ရဲ့ နှိုးစက်ကတော့ အဆူအဆဲခံပြီး မပျက်မကွက် နှိုးပေးရှာတယ်၊ ရောင်စုံ ချောကလက် အယ်လ်ဘမ်ထဲက 'ငပျင်း' သီချင်းလို နေဖို့ပျင်း၊ သေဖို့ပျင်း၊ ပျင်းရမှာလည်း ပျင်းတဲ့ အဆင့်ထိ မရောက်ပေမယ့်လည်း သူ့အထွာနဲ့သူတော့ အတော်လေး ပျင်းတဲ့ လူပျင်းကလေးပေါ့...၊

အရင်တုန်းကတော့ သူဟာ လူပျင်းကလေး မဟုတ်ခဲ့ဘူး၊ သူ့ဘဝ တစ်လျှောက်လုံးမှာ ကြိုးစားခြင်းတွေ နဲ့သာ တချိန်လုံး ပြည့်နေခဲ့တယ်၊ လုံ့လ၊ ဝီရိယ ရှိစွာနဲ့ သူကျောင်းသွားတယ်၊ အကျအရှုံး ဆိုတာကို ဝေးနိုင်သမျှ ဝေးအောင် မနားမနေ ကြိုးစားတယ်၊ လူနဲ့ပညာ၊ ပညာနဲ့အလုပ်၊ အလုပ်နဲ့လူ.. သုံးဦးသုံးဖလှယ် တေ့လွဲ လွဲနေတဲ့ ရွဲ့စောင်းစောင်း တြိဂံလူနေမှု စနစ်ကြီးထဲမှာ ကြီးပြင်းခဲ့သူပီပီ သူ့ကိုယ်သူပဲ တတ်နိုင်သမျှ တည့်မတ်အောင် ရပ်ကြည့်တယ်၊ သင်ကြားမှုနဲ့ အသုံးချမှု ဆိုတဲ့ နယ်ပယ်နှစ်ခုကြားမှာ အံဝင်ခွင်ကျ ဆိုတဲ့ တံတားတစ်စင်း ထိုးဖို့ သူအိပ်မက်တွေ မနားတမ်း မက်ခဲ့တယ်၊ ကောင်းကင်နဲ့ချီတဲ့ စိတ်ကူး၊ ရူပါရုံတွေ တသီကြီး ရက်လုပ်ခဲ့တယ်၊ အဲဒီအချိန်တုန်းကတော့ သူဟာ တလောကလုံးကို ပြောင်းပြန်လှန်ပစ် နိုင်တယ် ဆိုတဲ့ ရဲရင့်၊ ယုံကြည်မှုတွေနဲ့ အလျှံညီးညီး လူငယ်လေး တစ်ယောက်ပေါ့၊

သူ့လက်နဲ့ ကိုယ်တိုင် ရက်ဖောက်တဲ့ အိပ်မက်ဝတ်ရုံကို ခြုံပြီး စိတ်ကူးရွက်လှေကြီး ပေါ်မှာ ဟိုး..ပင်လယ်ဆီ အထိရောက်အောင် ရွက်တိုက်ဆင်း သွားဖို့ သူရင်တွေ ခုန်နေခဲ့ ဖူးတယ်၊ သူစီးဆင်း ခဲ့ရာ တစ်လျှောက်မှာ တဝုန်းဝုန်း ပြိုနေတဲ့ ကမ်းပါးတွေအောက် ရောက်မသွားအောင် သတိကြီးစွာ ထားခဲ့တယ်၊ ကြီးမား ကျယ်ပြန့်တဲ့ သဲသောင်တွေပေါ် မေ့လျော့ပေါ့ဆပြီး တင်မသွားအောင် အားစိုက်ခဲ့တယ်၊ တခါတခါ အနီးကပ်မှ ဘွားကနဲ မြင်ရတဲ့ မြစ်ကျိုးအင်းတွေထဲ လမ်းမှားပြီး ဝင်မသွားအောင် သူ လုံ့လပြုခဲ့တယ်၊ ဒီလိုနဲ့ စီးဆင်းရွေ့လျား နေတဲ့သူက ရပ်တန့်နေတဲ့ အရာများစွာကို သဘာဝ ကျစွာပဲ ထားခဲ့ရတယ်၊ သူ့ထက်ပိုပြီး မြန်မြန်ဆန်ဆန် အရှေ့ရောက်နေတဲ့ အရာများစွာ နောက်ကိုတော့ အမောတကော ပြေးလိုက်ခဲ့ရ ပြန်တယ်၊ တချို့တွေကို လွှတ်ချခဲ့သလို တချို့တွေကိုတော့ လိုက်ကောက်ခဲ့တယ်၊ တချို့တွေကို စိုက်ပျိုးခဲ့သလို တချို့ကိုတော့ ရိတ်သိမ်းခဲ့တယ်၊ တချို့အချိန်မှာ ထွန်းညှိခဲ့သလို တချို့အချိန်မှာတော့ ငြှိမ်းသတ်ခဲ့တယ်၊ တချို့အချိန်မှာ အလိုက်သင့် အလျားသင့် နေခဲ့သလို တချို့အချိန် မှာတော့ အတိုက်အခံ လုပ်ပစ်ခဲ့တယ်၊ ဒါပေမယ့် ဘယ်လိုပဲ မှောင်မိုက်ခဲ့ ပါစေ၊ ဓူဝံကြယ်ကို ပျောက်မသွားအောင်တော့ သူ့ခေါင်းထဲမှာ အချက်ပေး ခေါင်းလောင်းတွေ တပ်ဆင်ထားခဲ့တယ်...၊

အခုတော့ တောင်ပေါ် မရောက်သေးပေမယ့် တောင်အောက်ကို သူလှည့်ကြည့်ချင် မိပြီ၊ သူ့ဖဝါးအောက်က တောင်တွေထက် သူ့အရှေ့မှာ တသီတတန်းကြီး ကျန်နေသေးတဲ့ တောင်စဉ်တောင်ထွတ်တွေကို သက်ပြင်း ချပြီး ကြည့်မိတယ်၊ သူ့လှေအောက်က လှိုင်းတွေထက် သူ့လှေဆီကို ထိုးခွဲ၊ ပြေးဝင်လာနေတဲ့ လှိုင်းလုံးကြီး တွေကို ပင့်သက်ရှိုက်ပြီး ကြည့်မိတယ်၊ ဒါတွေ ဘယ်တော့များမှ ဆုံးမှာလဲ၊ ဒီလိုနဲ့ပဲ သူ ငြိမ်ကျသွားတယ်၊ အချီပြည့် ထိုးလိုက်ရပေမယ့် သရေသာ ကျသွားတဲ့ လက်ဝှေ့သမားလို သူ့လက်တွေ လေးလံသွားတယ်၊ ရုတ်တရက် လေငြိမ်သွားတဲ့ ပင်လယ်ပြင်က ရွက်လှေတစ်စင်းလို သူ လည်ပြီး ရန်တန့်သွားတယ်၊ အဲဒီမှာပဲပေါ့...၊ အရှိန် လျော့သွားတဲ့ သူ့ ကိုယ်ပေါ်ကို ပျင်းရိခြင်းတွေက တစ်ကောင်ခြင်းဆီ တွားသွား တက်လာခဲ့ကြတာ..၊

ဒီကမ္ဘာမှာ လူပျင်းတွေသာ ရှိနေရင် ကျောက်ခေတ်ကကို တက်လာမှာ မဟုတ်ဘူး-ဆိုတဲ့ ခပ်နှိမ်နှိမ် စကားမျိုးတွေကို မသိကျွိုးကျွံ ပြုပေမယ့် စစ်ပွဲတွေကို လူပျင်းတွေက ဖန်တီးခဲ့တာ မဟုတ်ဘူး-ဆိုတဲ့ စကားမျိုး ကိုတော့ လူပျင်းကလေးက ကျိတ်ပြီး သဘောကျတယ်၊ သူကငြိမ်းချမ်းရေး လိုလားသူလေ..၊ သံပေါက်တွေ၊ ဆုံးမစာ တွေမှာ ပျင်းတာကို ရောဂါတမျိုးလို တင်စားပြောပြီး အမြန်ကုဖို့ တိုက်တွန်းကြတာ ဖတ်ရတဲ့အခါ လူပျင်းကလေးက ခေါင်းခါတယ်၊ စရိတ်မျှပေး ကျန်းမာရေး ခေတ်ကြီးထဲမှာ သူက ပိုက်ဆံမရှိတာ အကြောင်းပြပြီး ဗိန္ဒောဆရာနဲ့ပဲ ကုဖို့ ကျိတ်ကြံနေ မိတယ်၊ သူ့မှာ စွဲကပ်နေတဲ့ အပျင်းရောဂါ ဆိုတာ တကယ်တော့ သူတို့ကလေးဘဝက ကြုံဖူးတဲ့ 'စပါးညှင်း' ဆိုတာလောက်ပဲ ဖြစ်မှာပါလို့ လူပျင်းကလေးက သဘောထားတယ်၊ စပါးပေါ်ချိန်မှာ ပေါက်တတ်တဲ့ ညှင်းကွက်ကလေး တွေလိုပဲ အချိန်တန်တော့ ပြန်ပျောက် သွားမှာပါပဲ၊ သူက ပျင်းရိပေမယ့် ငြီးငွေ့တာမှ မဟုတ်တာ..၊ လောကအပေါ် နေပျော်တဲ့ စိတ်နဲ့ ပါးပါးလေး ပျင်းနေချင်တာ တစ်ခုတည်းပါ၊ သစ်ရိပ်ဝါးရိပ်မှာ ကျောခင်းပြီး ကောင်းကင်ပြာကြီးထဲ တရွေ့ရွေ့ ခရီးနှင်နေကြတဲ့ တိမ်ဆုပ်၊ တိမ်ဖွေးတွေကို အေးအေးလူလူ ထိုင်ကြည့်နေချင်တဲ့ လူပျင်းကလေးပေါ့...။ ။

ညီလင်းသစ်
၁၁ ဇူလိုင်၊ ၂၀၁၂

စိတ်မပါသော နေ့စွဲများ

အားလုံးလည်း ဖြစ်ဖူးကြမယ် ထင်ပါတယ်၊ ကိုယ် ပုံမှန်လုပ်နေကျ အလုပ်တစ်ခု၊ စဉ်ဆက်မပြတ် လုပ်လာတဲ့ အရာတစ်ခုအပေါ် တခါတလေမှာ သက်ဝင်ယုံကြည်မှု နည်းပါး၊ ခမ်းခြောက်နေတတ်တဲ့ အဖြစ်မျိုးလေ..၊ ဘယ်လိုပြောရမလဲ၊ လုံးဝယတိပြတ် စိတ်ကုန်သွားတာ မျိုးတော့ မဟုတ်ပေမယ့် အာရုံတွေ မလာတာ၊ စိတ်မပါတာ၊ ပျင်းရိငြီးငွေ့ နေတာ...၊ အဲ.. အဲဒီလိုပဲ ဆိုရမယ်ထင်တယ်..၊

ဟုတ်တယ်ဗျာ၊ ကျနော် အခုတလောမှာ ဘလော့ဂ်ရေးဖို့ အာရုံဝင်စားလို့ မရဘူး ဖြစ်နေတယ်၊ ဘလော့ဂ်ရေးခဲ့တဲ့ တလျှောက်မှာ တော်ရုံကိစ္စတွေနဲ့တော့ ဘလော့ဂ်ကို မထိခိုက် ဖြစ်ခဲ့ပါဘူး၊ ပျော်ခဲ့ချိန်တွေ၊ ဝမ်းနည်းခဲ့ ချိန်တွေ၊ ပျင်းနေချိန်တွေ၊ အလုပ်များနေ ချိန်တွေ..၊ ဘယ်လိုပဲ ရှိရှိ ဘလော့ဂ်မှာ တစ်ခုမဟုတ် တစ်ခုလောက်တော့ တင်လိုက်ဦးမှပဲလို့ အာရုံလေးကတော့ ကပ်နေခဲ့တာ ချည်းပဲ၊ တခါတလေ လက်ကသာ နောက်က ပါမလာလို့ ပို့စ် တွေ ကျဲနေပေမယ့် စိတ်ကတော့ ရှေ့က ဦးဆောင်ပြေးရင်း တစ်ပုဒ်ပြီးတစ်ပုဒ် အစီအစဉ်တွေ ဆွဲနေတတ်တာ ကလား၊ အခုကျတော့ ဒီလိုမဟုတ်ဘူး၊ အဲဒီစိတ် ကိုယ်တိုင်က ဘယ်ရောက်နေမှန်းကို မသိတာ..ကဲ၊ လက်ပါဖို့ ဆိုတာတော့ ဝေလာဝေး..၊

တကယ်တော့လည်း ဒီလို စိတ်မပါ၊ လက်မပါ ဖြစ်တယ်ဆိုတာ ကျနော့်လို ပါမွှား မပြောပါနဲ့..၊ ဆရာကြီး ဒေါက်တာသန်းထွန်းတို့လို လူမျိုးတောင် လွတ်တာ မဟုတ်ဘူး မဟုတ်လား၊ 'တခါတလေမှာ ငါ ဒါတွေ ရေးနေတာ အလကားပဲ၊ ရေးလို့ ဘာမှ မဖြစ်ဘူး၊ မရေးလို့လည်း ဘာမှ မဖြစ်ဘူး' တဲ့..၊ ဆရာကြီးက အင်တာဗျူး တစ်ခုမှာ ပြောသွားတာ၊ ဒါတောင် သူက စာရေးဖို့ အင်မတန် လွယ်တဲ့လူ..၊ စာကို 'သူများတွေလို ဘယ်က စ,ရေးရမှန်း မသိဘူးဆိုတာ မရှိဘူး' လို့ ပြောထားတဲ့လူ..၊ သူများ မသိသေးတာကို သုတေသနလုပ်၊ စာတမ်း၊ ဆောင်းပါးရေးပြီး အမြဲတမ်း ဝေမျှနေချင်တဲ့လူ..၊ ကျနော့်လို ဟိုမရောက်၊ ဒီမရောက် ပို့စ်တွေ မဟုတ်ဘဲ လူအများ အကျိုးရှိမယ့် သမိုင်းဆိုင်ရာတွေ ရေးနေတဲ့လူ...၊

ဘာ့ကြောင့် စိတ်မပါတာလဲလို့ လိုက်ရှာကြည့်တော့ အကြောင်းတွေ စုဆုံနေတာကြောင့်လို့ သွားတွေ့တယ်၊ ပထမဦးဆုံးကတော့ နိုင်ငံရေး..၊ ရခိုင်မှာ ဖြစ်တဲ့ကိစ္စတွေ လိုက်ဖတ်ရင်းနဲ့ စိတ်မကောင်းစရာတွေ ကြားမှာ စာရေးဖို့ စိတ်မပါတော့ဘူး၊ အဲဒါတွေ နောက်ကို လိုက်ရင်းနဲ့ သွားနေမကျတဲ့ ဖေ့စ်ဘွတ်ခ်တောင် အခုတလောမှာ ရောက်,ရောက်သွားသေးတယ်၊ ရွှေဝါရောင် တော်လှန်ရေးလို၊ နာဂစ်လို၊ ဖယောင်းတိုင် ထွန်းပွဲလို၊ ရိုဟင်ဂျာ အဓိကရုဏ်းလို.. တိုင်းပြည်မှာ အရေးအခင်း၊ အကြောင်းကြီးငယ်တွေ ဖြစ်နေချိန်ဆို ကျနော့်အတွက် ပုံမှန်ပို့စ် တစ်ပုဒ် တင်ဖို့ တကယ်ပဲ ခက်ခဲပါတယ်၊ ဟိုမှာက မိုးထဲရေထဲ အသေအကြေ ဖြစ်နေချိန်မှာ ကိုယ်က ဒီဖက်ကနေ သွားလာ၊ စားသောက်တဲ့ အကြောင်းတွေ၊ ခရီးသွားပုံတွေ တင်ရတာ တစ်ကိုယ်ကောင်း ဆန်နေသလိုပဲ၊ ဒါ.. ကျနော့် တစ်ယောက်တည်း အတွက် ပြောတာပါ၊ ကျနော့်မှာ ဖြစ်လေ့ရှိတဲ့ စိတ်အတင်အချ အကြောင်းကို ပြောတာပါ၊ အမှန်တော့ ဘာမှမဆိုင်ဘူးလို့ ပြောမယ်ဆိုလည်း ရပါတယ်၊ ကိုယ်က ဟိုးအဝေးကြီးမှာ နေရတော့ အဲဒီကနေ လုပ်ပေးနိုင်တာ ရှိရင်လုပ်ပေး၊ ပြီးရင် ပုံမှန်ဘဝ အကြောင်းကို ပုံမှန်ပဲ ဆက်ပြောသွားတဲ့ ကိစ္စမဟုတ်လား၊ ပုံမှန်စိတ်နဲ့ နေသွားရုံပါပဲ၊ ခပ်လှုပ်လှုပ်ဖြစ်တိုင်း ပို့စ်အသစ် မတင်နိုင်ဘူး ဆိုတာ အတော်ကြောင်တဲ့ ကိစ္စပဲလို့ ပြောရင်လည်း ခံရမှာပါပဲဗျာ၊ ဒါပေမယ့် အဲဒါဟာ ကျနော့်တစ်ဦးတည်းရဲ့ ပဋိပက္ခဆိုတာတော့ အမှန်ပါ...၊

နောက်တော့ တခြား အကြောင်းတွေလည်း အများကြီးပါပဲ၊ ဥရောပဖလား ဘောလုံးပွဲထဲ နတ်က,ရာ ကြည့်မောနေတာ၊ ဝင်ဘယ်လ်ဒန်ကို ကြိုတင်ခန့်မှန်း နေတာ၊ ကွန်ပြူတာ ရှေ့က မခွာဘဲ အမေစုနောက်ကို လိုက်နေတာ၊ ဘယ်တုန်းက ဝယ်မိမှန်းတောင် မမှတ်မိတော့တဲ့ စာအုပ်တွေကို ဖတ်ဖို့ ကြိုးစားနေတာ၊ ဘယ်တော့မှ ရှင်းလို့ မပြီးတဲ့ အလုပ်ကြွေးတွေ ရှုပ်နေတာ.. စသဖြင့်ပေါ့၊ ဒါတောင် တခါတလေ တီဗီမှာ ရုပ်ရှင်ကောင်းတဲ့ ချန်နယ်လ်တွေကို မျက်စောင်းလှမ်းထိုးတာ မပါသေးဘူး၊ ကျနော် စဉ်းစားကြည့်တယ်၊ ဒီလိုမျိုး စိတ်မပါဘူး ဖြစ်လာတာဟာ ဘလော့ဂ်တစ်ခုရဲ့ ဇတ်သိမ်းခန်းများလား-လို့၊ အင်မတန် စာရေးကောင်းတဲ့၊ ပို့စ် တင်တာစိတ်တဲ့ ဘလော့ဂ်တွေ ရပ်သွားတာ မြင်တော့ ကျနော်တို့တွေ စိတ်မကောင်း ဖြစ်ရတယ်၊ တစ်ခုပြီး တစ်ခုပါပဲ..၊ ရပ်သွားကြသူတွေ ထဲမှာ အကြောင်းမျိုးစုံ ရှိမှာဖြစ်သလို အဲဒီထဲက အကြောင်းတစ်ခုက စိတ်မပါခြင်း သက်သက်များ ဖြစ်လေမလား...၊

တခါတုန်းက ကျနော့်စီဘောက်စ်မှာ မခင်ဦးမေက ခရီးသွားဟန်လွှဲ ဝင်ပြီး အကြံပေးသွားဖူးတယ်၊ 'ပို့စ်အသစ် ရေးချင်တယ်ဆို ဘာသတင်း၊ ဘာဝက်ဘ်ဆိုဒ်မှ မဖတ်ခင်မှာရေး၊ အဲဒါတွေ လိုက်ဖတ်ပြီးရင် စာရေးဖို့ စိတ်မပါတော့ဘူး ဖြစ်တတ်တယ်၊ ဒို့ဆို ခဏခဏ ဖြစ်တယ်' တဲ့၊ ဒါလည်း မှန်တာပါပဲ၊ အဲဒီနည်းကို ကျင့်သုံးရင် သူ့လိုပဲ ပို့စ်တွေကို ကရားရေလွှတ် တစ်နေ့တစ်ပုဒ်နှုန်း တင်နိုင်မလားလို့ တွေးမိတယ်၊း) လောလောဆယ်မှာတော့ ကျနော့်ရဲ့ စိတ်မပါခြင်းဟာ ဇတ်သိမ်းခန်း တစ်ခုရဲ့ အစမဟုတ်ဘဲ အထက်မှာ ပြောခဲ့သလို နှစ်ဆယ့်တစ်ရာစုရဲ့ သတင်း လှိုင်းတံပိုးတွေ ရိုက်ခတ်မှုကြောင့်လို့ပဲ ယုံကြည်မျှော်လင့် ကြည့်ချင်ပါတယ်၊ ဘာဖြစ်လို့လဲ ဆိုတော့ စိတ်မပါလို့ စာမရေးဖြစ်တဲ့ အကြောင်းကို အခုလို စိတ်ပါလက်ပါနဲ့ စာရေးပြီး ပြောချင်စိတ်ကလေး ရှိနေသေးလို့ ပါပဲ...။ ။

ညီလင်းသစ်
၂၆ ဇွန်၊ ၂၀၁၂

သူမ, လိုချင်တဲ့ မွေးနေ့လက်ဆောင်

ပြီးခဲ့တဲ့ ဇွန် ၁၄ နဲ့ ၁၅ ရက်တွေမှာ လူက အလုပ်သာ လုပ်နေရပေမယ့် စိတ်က အလုပ်မှာ မရှိဘဲ မတည်မငြိမ် ဖြစ်နေခဲ့တယ်၊ လုပ်နေကျ အလုပ်တွေမို့ လက်က အလိုအလျောက် လှုပ်ရှားနေပေမယ့် အာရုံတွေကတော့ ၅၅ ကီလိုမီတာ အကွာမှာ ရှိတဲ့ ဂျီနီဗာမြို့ကို ရောက်နေ ခဲ့ပါတယ်၊ ဒီအချိန်ဆို သူမ စကားပြောနေပြီလား၊ အချိန်အပြောင်းအလဲမှာ သူမရဲ့ ကျန်းမာရေးကကော...၊ နှုတ်ဆက်ဖို့ သွားကြတဲ့ သူငယ်ချင်းတွေက သူမနဲ့တွေ့ဖို့ အခွင့်အရေး ရမှ ရပါ့မလား..၊ စတဲ့ အတွေးတွေ ဖြန့်ကျက်၊ အုပ်မိုးထားခဲ့တဲ့ ရက် ၂ ရက်ပါပဲ...၊

ဇွန်လ ၁၃ ရက်နေ့ ညလေယာဉ်နဲ့ အမေစု ဂျီနီဗာကို ရောက်မယ့်အကြောင်း ၃ ရက်လောက် ကြိုပြီး သတင်းရတယ်၊ ရောက်မယ့် အချိန်က ည ၁၀ နာရီခွဲ ဝန်းကျင်လောက်..၊ ဟိုတယ်ကို ၁၁ နာရီလောက်မှာ ရောက်မယ်၊ ခင်မင်ရာ အချင်းချင်း လက်တို့ပြီး လေဆိပ်နဲ့ ဟိုတယ်မှာ သွားကြိုကြဖို့ မေးမြန်း၊ တိုင်ပင်ကြတယ်၊ ဒါပေမယ့် ကျနော့်အတွက်တော့ အဆင်မပြေပါဘူး၊ အိမ်ကနေ နာရီဝက်လောက် ကားနဲ့ သွားရတဲ့ ခရီးဖြစ်တဲ့ အပြင် ညဖြစ်တာက တကြောင်း၊ အများအားဖြင့် လေဆိပ်တွေမှာ ဗီအိုင်ပီ ဧည့်သည်ဆိုရင် လေယာဉ်ကနေ ဆင်းပြီးတာနဲ့ ကားနဲ့ တခါတည်း တန်းပြီး ခေါ်သွားကြလေ့ ရှိလို့ မတွေ့ရဖို့ များတာက တကြောင်းဆိုတော့ ကျနော် မသွားဖြစ်ခဲ့ဘူး၊ နောက်ရက်ဖြစ်တဲ့ ဇွန် ၁၄ နဲ့ ၁၅ မှာလည်း တိုက်တိုက်ဆိုင်ဆိုင် အလုပ်မှာ အရေးကြီးတဲ့ ချိန်းဆိုမှုတွေ၊ အဲဒီနေ့မှာ မဖြစ်မနေ လုပ်ရမယ့် ဟာတွေ ရှိနေပြန်တယ်၊ ဘယ်လိုများ ရွှေ့လို့၊ ပြောင်းလို့ ရနိုင်မလဲလို့ ကျနော် အတန်တန် ကြိုးစား ကြည့်ပါသေးတယ်၊ မဖြစ်နိုင်တဲ့ အဆုံးမှာတော့ အမေစုကို ကိုယ်တိုင်ကိုယ်ကျ သွားပြီး နှုတ်ဆက်၊ ဂါရဝ ပြုခွင့်ကို စိတ်မကောင်းစွာပဲ လက်လျှော့လိုက်ရ တော့တယ်..၊

ှဆွစ်ဇာလန်မှာ အမေစု နေသွားတဲ့ တစ်ရက်ခွဲက တကယ့်ကို တိုလွန်းပါတယ်၊ ပြီးတော့ ထုံးစံအတိုင်း အာဂျင်ဒါကလည်း အပြည့်ပေါ့၊ ၁၄ ရက်နေ့မှာ အိုင်အယ်လ်အိုမှာ မိန့်ခွန်းပြောတယ်၊ နေ့လယ်ပိုင်းမှာ ဆွစ်အာဏာပိုင်တွေနဲ့ တွေ့တယ်၊ ပြီးတော့ သတင်းစာ ရှင်းလင်းပွဲ လုပ်တယ်၊ အဲဒီမှာ Jet lag ရော၊ ခရီးပန်းတာရော ပေါင်းပြီး အမေစု အန်တဲ့အထိ နေမကောင်း ဖြစ်သွားသေးတယ်၊ နောက်နေ့မှာတော့ ဆွစ်လွှတ်တော်ကို သွားလေ့လာတယ်၊ အဲဒါအပြီး နော်ဝေကို ခရီးမဆက်ခင် လေးမှာ ဆွစ်တီဗီလိုင်း တစ်ခုကို အင်တာဗျူး ပေးပါတယ်၊ မေးခွန်းလေး ခြောက်ခု၊ ခုနှစ်ခုလောက်နဲ့ အင်တာဗျူး တိုတိုလေးပါ၊ ကိုယ်နေတဲ့ နေရာနဲ့ နာရီဝက်လောက် ကားစီးရတဲ့ နေရာကို ရောက်လာခဲ့ပေမယ့် သွားတွေ့ဖို့ မကြုံလိုက်တဲ့ အမေစုကို အင်တာဗျူးကနေ တဆင့်ပဲ ကျနော်ငေးရင်း သူ့စကား တွေကို နားထောင်နေမိတယ်၊

ကျနော့်ရှေ့ တီဗီဖန်သားပြင်မှာ တစ်ကမ္ဘာလုံးက လေးစားကြတဲ့ အမျိုးသမီးကြီး တစ်ယောက်..၊ ဥရောပ နွေဦးရဲ့ ခပ်နွေးနွေး နေရောင်ခြည်တန်းတွေ အောက်မှာ မြန်မာဝတ်စုံနဲ့ သွက်လက်ဖြတ်လတ် နေတယ်၊ မျက်နှာပေါ်က အရေးအကြောင်း တချို့နဲ့ နားသယ်စပ်က အဖြူရောင် ဆံခြည်မျှင်တွေက ဇရာရဲ့ စုတ်ချက်တွေကို စပြီး ပြနေခဲ့ပြီ၊ ဒီအမျိုးသမီးကြီးရဲ့ ဘဝဟာ ကင်းဗတ်စ တစ်ခုဆိုရင် စုတ်ချက်ကြမ်းကြမ်းတွေ၊ ဆေးရောင်စုံ အရင့်၊ အမှောင်တွေ စဉ်ဆက်မပြတ် ကျရောက်နေခဲ့တဲ့ ကင်းဗတ်စ တစ်ခုပဲ ဖြစ်ပါ လိမ့်မယ်၊ တစ်လျှောက်လုံးမှာ မျဉ်းကွေးတွေက အနားသတ်ဖို့ အကြိမ်ကြိမ် ကြိုးစားတာ ခံရပေမယ့် အဲဒီဆေးရောင်စုံ အစွန်းအထင်းတွေနဲ့ပဲ ပြီးပြည့်စုံတဲ့ တန်ဖိုးကြီး ပန်းချီကား တစ်ချပ် ဖြစ်လာခဲ့တဲ့ ကင်းဗတ်စ တစ်ခုပါ၊ နှစ်တွေ ကြာညောင်းခဲ့ပေမယ့် ယုံကြည်မှု၊ ရိုးသားမှု အပြည့်နဲ့ ကြီးမြတ် နေဆဲပဲ..၊ ကျနော် ငေးနေမိတယ်...၊

အင်တာဗျူးတဲ့ သတင်းထောက်က 'ခင်ဗျား အနေနဲ့ တာဝန်ယူမှု၊ တာဝန်ရဲ့ အရေးပါပုံကို ပြောလည်းပြော၊ လက်တွေ့လည်း ကျင့်သုံး ပြတာ ကျနော့်အနေနဲ့ လေးစားမိပါတယ်၊ အဲဒီတာဝန်ယူမှုကပဲ ခင်ဗျားရဲ့ စိတ်ဓါတ်ကို ခိုင်မာစေသလို ကိုယ်နေဟန်ကိုလည်း အမြဲတမ်း ကျော့မော့နေစေခဲ့တာ လို့များ ပြောရင် ရနိုင်မလား' လို့ တစ်နေရာမှာ ခပ်ရွှန်းရွှန်းလေး မေးတော့ အမေစုက 'ကျမက သေးသေးသွယ်သွယ် ဆိုတော့ လူကြားထဲမှာ အရပ်ရှည်တယ်လို့ ထင်ရအောင် အမြဲတမ်း ခပ်မတ်မတ်နေတဲ့ အကျင့်လုပ်ထားလို့ အဲဒီလို ဖြစ်နေတာပါ' လို့ အရွှန်း ဖောက်ပြီး ပြန်ဖြေသွားတယ်၊ သူ့ရဲ့ ပေးဆပ်မှု၊ စတေးမှု တွေအကြောင်း ပြောတော့ အမေစုက ပြောနေကျ အတိုင်း 'ဒါဟာ ကျမအတွက်တော့ စတေးမှု မဟုတ်ပါဘူး၊ ဒါဟာ ရွေးချယ်မှုပါပဲ၊ ဒါပေမယ့် ကျမရဲ့ ခင်ပွန်းနဲ့ သားတွေက သာလျှင် တကယ့်ကို ပေးဆပ်ခဲ့ရ၊ စတေးခဲ့ရတာပါ' တဲ့..၊ သူချစ်လွန်းတဲ့ နိုင်ငံအတွက် လင်ဆုံး၊ သားကွဲနဲ့ မိသားစု ဘဝတွေ ကျိုးကြေခဲ့ရတဲ့ အမျိုးသမီးကြီးကို ကြည့်နေတဲ့ ကျနော့်ရဲ့ မျက်ဝန်းတွေ ဝေဝါးသွားတယ်၊ မျက်တောင်ကို ပုတ်ခတ်၊ ပုတ်ခတ် လုပ်နေရင်း ရင်ဘတ်ထဲ ဆို့နေတယ်၊ သူကတော့ အထုအနှက် များစွာ ခံခဲ့ရတဲ့ ပေတုံးတစ်တုံးလို မာကျော၊ ကျစ်လစ်လို့...၊ ခပ်ပြုံးပြုံးပဲ ပြောနေလိုက်တာ...၊

အင်တာဗျူးက ပြင်သစ်လိုမေးပြီးတော့ အမေစုက အင်္ဂလိပ်လို ဖြေပါတယ်၊ အဆုံးသတ်မှာတော့ သတင်းထောက်က 'ခင်ဗျား အနေနဲ့ နေအိမ် အကျယ်ချုပ် ကျနေတုန်းမှာ ကက်ဆက်ခွေတွေ နားထောင်ပြီး ပြင်သစ်စာကို တစ်ယောက်တည်း လေ့ကျင့်ခဲ့တယ်လို့ သိရပါတယ်၊ ကျနော်တို့ကို ပြင်သစ်လို တစ်ခွန်း၊ နှစ်ခွန်းလောက် ပြောပါဦး' ဆိုတော့ အမေစုက မဆိုင်းမတွဘဲ 'ကျမ အရမ်း စိတ်လှုပ်ရှား နေတယ်၊ ကျမရဲ့ ပြင်သစ်စကားက မကောင်းပါဘူး၊ ဆွစ်ဇာလန်ကို ကျမ သိပ်သဘောကျသလို ဆွစ်လူမျိုးတွေကိုလည်း နှစ်သက် ပါတယ်' လို့ ပြင်သစ်လို ခပ်ဝဲဝဲလေး ဖြေသွားခဲ့တယ်၊ သတင်းထောက်က 'မကြာခင် ကျရောက်မယ့် မွေးနေ့ အတွက် ကျနော်တို့ ဘာများ ဆုတောင်းပေးရမလဲ' လို့ နောက်ဆုံးမေးခွန်း မေးတော့ အမေစုက ခဏလေး တွေကနဲ စဉ်းစားလိုက်တယ်၊ ပြီးမှ ပြင်သစ်လို 'Le bonheur pour mon pays' လို့ ခပ်ပြုံးပြုံးလေး ပြန်ဖြေလိုက်တယ်၊ 'The happiness for my country' တဲ့....၊ ဒါက အဲဒီ အင်တာဗျူးပါ၊

Credit: rts.ch

သူချစ်တဲ့ တိုင်းပြည်ကလေးက လူတွေ စိတ်ချမ်းသာ၊ ပျော်ရွှင်တာကို မွေးနေ့လက်ဆောင် အဖြစ်လိုချင်တဲ့ အမေစု.. မိသားစုနဲ့ အတူ ကျင်းပခွင့်ရတဲ့ ရှားရှားပါးပါး မွေးနေ့မှာ ကျန်းမာခြင်း၊ ငြိမ်းချမ်း၊ အေးမြခြင်းတို့ဖြင့် ပြည့်စုံပါစေလို့ ဆုမွန်ကောင်း တောင်းပါတယ်...။ ။

ညီလင်းသစ်
၁၉ ဇွန်၊ ၂၀၁၂

အာရုံများ ပျံသန်းရာ နိုင်ငံကလေးသို့ (၈)

အားလုံးပဲ မင်္ဂလာပါဗျာ...၊ မထင်မှတ်ဘဲနဲ့ ကျနော့်ရဲ့ မြန်မာပြည်ပြန် အခန်းဆက်တွေက အပိုင်း(၇) ကာတွန်းတွေမှာ ရပ်သွားခဲ့တယ်၊ နိုင်ငံကလေးဆီကို ပျံသန်းသွားတဲ့ အာရုံတွေက ကာတွန်းပြပွဲမှာ အတောင်ညောင်းသွားတယ် လို့တောင် ဆိုရမလိုပါပဲ၊ ခန်းမထဲကကို ဆက်မထွက် နိုင်ဘူး ဖြစ်နေတာ...၊ အခုလို မကြန့်ကြာစဖူး ကြန့်ကြာသွားတဲ့အတွက် ဘလော့ဂ်ကို လာလည်ပြီး စိတ်ပျက်လက်ပျက် ပြန်သွားခဲ့ရတဲ့ မိတ်ဆွေ၊ သူငယ်ချင်းတွေကို တောင်းပန်ပါတယ်၊

ဖြစ်ပုံက ဒီလိုဗျ၊ ပြီးခဲ့တဲ့ မေလထဲမှာ ရုံးပိတ်ရက်တွေ နည်းနည်းများတယ်၊ အဲဒီမှာ ခရီးတိုလေးတွေ ၃ ခုလောက် ဆက်တိုက် သွားဖြစ်နေတာရယ်၊ မြန်မာပြည်က ပြန်လာကတည်းက နှစ်ဆပိုလာတဲ့ အလုပ်ကြွေးတွေကို ရှင်းနေတာရယ်၊ ပြီးတော့ သတင်းတွေ လိုက်ဖတ်ပြီး မုဒ်ပျောက်နေတာရယ်၊ နောက်ဆုံး မဆိုစလောက်ကလေး ပျင်းနေတာရယ်..၊ အဲဒါတွေ စုဆုံသွားတာပါ၊ ခရီးတိုလေးတွေက ပြည်တွင်းခရီးလေး တွေပါ၊ တောင်ပေါ်ကျေးလက် ရွာတွေဆီကို သွားခဲ့တာ..၊ အဲဒီမှာ ရိုက်လာတဲ့ ပုံတွေကိုတော့ နောက်မှပဲ ပြန်ရှယ်တာပေါ့ဗျာ..နော၊ အခုတော့ ကျနော်တို့ ချစ်တဲ့ အဲဒီနိုင်ငံကလေး ဆီကိုပဲ ဆက်လက် ပျံသန်း ကြည့်ကြရအောင်..၊ အတောင်ပံပါရင် မင်းဆီကို လို့ပဲ ဆိုပါတော့လေ..၊

တစ်ရက်မှာတော့ ဟိုသားအမိကို ထားခဲ့ပြီး ကျနော် တစ်ယောက်တည်း မြို့ထဲကို ထွက်လာခဲ့တယ်၊ လုပ်စရာ စာရွက်စာတမ်း ကိစ္စတချို့ကို လုပ်ရင်း၊ စာအုပ်လေး ဘာလေးလည်း ဝယ်ရင်း၊ ဓါတ်ပုံလည်း ရိုက်ရင်း ဆိုတဲ့ စိတ်ကူးနဲ့ပါ၊ ရန်ကုန်မှာ ကားတွေ များသထက် များလာတာ သတိမပြုမိလို့ မရအောင် ကိုပါပဲ၊ အမြဲလိုလို ယာဉ်ကြောပိတ်တာတွေ တစ်နေရာမဟုတ် တစ်နေရာမှာ တွေ့ရတယ်၊ တချိန်တည်းမှာပဲ ဒါတွေကို ဖြေရှင်းဖို့ လမ်းတွေချဲ့တာ၊ ဂုံးကျော်တံတားတွေ ဆောက်တာတွေကို လုပ်နေကြတယ်၊

မြို့တော်ခန်းမကြီးကတော့ အရင်အတိုင်း မလှုပ်မယှက် ငိုက်မြည်းဆဲပါပဲ၊ အရင်လို အဝါရောင် မဟုတ်တော့ဘဲ ခရမ်းရောင်သန်းတဲ့ အဖြူရောင်နဲ့ဆိုတော့ ကိုလိုနီ အငွေ့အသက်ကလေးတောင် နည်းနည်းပျောက်သွား သလိုလို..၊ သူ့ရှေ့က မြင်ကွင်းတွေကလည်း အရင်လိုပါပဲ၊ ဘတ်စ်ကားတွေ၊ ခေါင်းရွက်ဗျပ်ထိုး ဈေးသည်တွေ၊ ဥဒဟို သွားနေကြတဲ့ လူတွေ၊ တိုးရစ်စ် ကားကြီးတွေ..၊ အားလုံးဟာ ကောင်းကင်ပြာကြီးရဲ့ အောက်မှာ သက်ဝင်လှုပ်ရှားလို့..၊ မဟာဗန္ဓုလ ပန်းခြံ သံတိုင်တွေကို မှီရင်း ကျနော် ငေးကြည့်နေမိတယ်၊ နာမည်ဆိုးနဲ့ ကျော်ကြားတဲ့ ဒေါ်လာငွေ လဲတဲ့ ပုဂ္ဂိုလ်တွေကလည်း ငါးမိနစ် တစ်ခါလောက် 'ဒေါ်လာ လဲမလို့လား၊ ဘယ်လောက်ပါလဲ' ချည်း လာလာမေးနေတယ်၊

ဟောဒီရုံးက ထုတ်ပေးလိုက်တဲ့ စာအုပ်အနီကလေးက ကျနော့်ကို ကီလိုမီတာတွေ ထောင်ချီဝေးတဲ့ အရပ်ကို ပို့ပေးခဲ့တယ်၊ ပုံမှန်ဆို ပွဲစားတွေ၊ ပတ်စ်ပို့စ် လျှောက်မယ့် သူတွေနဲ့ အမြဲခြေချင်း လိမ်နေတဲ့ နေရာ..၊ ဟော.. ကြည့်ပါဦး၊ အခုတော့လည်း သံတံခါးကြီးပိတ်ပြီး တိတ်ဆိတ်လို့၊ သွားမေးကြည့်တော့ ပြည်ထဲရေး ရုံးကို ပြောင်းသွားပြီ-တဲ့၊ ဖြစ်နိုင်ရင် အဲဒီသံတံခါးကြီးကို တွန်းဖွင့်ပြီး ရုံးထဲကို ကျနော်ဝင်ထိုင် ကြည့်ချင်တယ်၊ ဘယ်သူမှ မရှိတော့တဲ့ အခန်းတွေထဲမှာ နံရံတွေက ဘာတွေများ ပြောမလဲလို့ နားထောင်ကြည့်ချင်တာပါ၊ သူတို့ သိထားတဲ့ ဇတ်လမ်းတွေ အများကြီး ရှိမှာ အသေအချာပါ၊ နံရံတွေမှာ နားရှိတယ်လို့ ဆိုရိုးရှိတယ် မဟုတ်လား..၊

ပန်းဆိုးတန်းဟာ နည်းနည်းစိမ်းကား သွားသလိုပဲ၊ ကျနော့်အပေါ် တခါမှ မသိကျွမ်းဖူးတဲ့ လူတစ်ယောက်လို ဆက်ဆံနေလိုက်တာ..၊ တကယ်ဆို မီးလောင်သွားတဲ့ ညာဖက်က ဟောဒီရုံးကြီး အောက်က စာအုပ် အဟောင်းတန်းတွေမှာ ကျနော့်ရဲ့ နာရီလက်တံတွေ တမေ့တမော အကြိမ်ကြိမ် ရပ်တန့်ခဲ့ဖူးတာ သူ ပြန်အမှတ်ရဖို့ ကောင်းတာပေါ့၊

ပန်းဆိုးတန်းနဲ့ ကမ်းနားလမ်း ထောင့်က တယ်လီဖုန်း ရုံကလေးပါ၊ လက်ကိုင်ဖုန်းကိုယ်စီနဲ့ သွေးကြီးနေတဲ့ ရန်ကုန်သားတွေကို မျက်နှာငယ်လေးနဲ့ လိုက်ကြည့်နေရတဲ့ ဘဝပေါ့၊ အရင်တုန်းကတော့ သူ့ဆီမှာ လူတွေ တရုန်းရုန်းနဲ့ စည်ကားခဲ့ဖူးတယ်၊ အခုတော့လည်း ဒလ ဖက်ပြန်မယ့် တစ်ယောက်စ၊ နှစ်ယောက်စ လောက်ပဲ လာတော့တယ်၊ မကြာခင် အဖျက်ခံရမှာ သေချာသလောက် ရှိတဲ့ တယ်လီဖုန်း ရုံကလေးက ကျနော့်ကို အမြဲရှိတဲ့ မမြဲခြင်းတရား အကြောင်း လှမ်းပြောလိုက်တယ်..၊

ကမ်းနားလမ်းကတော့ အရင်အတိုင်း စည်ကားမြဲပါပဲ၊ တလောကလုံးက အလုပ်တွေ သူတစ်ယောက်တည်း ဒိုင်ခံ လုပ်နေရသလိုမျိုး အချိန်ပြည့် အလုပ်ရှုပ်နေတဲ့ပုံ..၊ ခပ်လှမ်းလှမ်းက မြန်မာ့ဆိပ်ကမ်း အာဏာပိုင်ရုံး၊ မြန်မာ့လေကြောင်းရုံးနဲ့ စထရင်းန်းဟိုတယ် တို့ကို ကျနော် ခပ်ကြာကြာလေး ရပ်ငေးနေ ဖြစ်တယ်၊ မြန်မာ့ ခရီးသွားလုပ်ငန်း နှစ်ဦးကာလ တွေမှာတော့ ရန်ကုန်မြို့ရဲ့ တစ်ခုတည်းသော ကိုလိုနီခေတ်ဟိုတယ် ဆိုပြီး တစ်ည ဒေါ်လာ ၁၀၀၀ ဝန်းကျင်ပေးရတဲ့ အခန်းတွေနဲ့ သွေးကြီးခဲ့တဲ့ စထရင်းန်းဟိုတယ်က အခုတော့လည်း အနည်ထိုင်သွားပုံ ပါပဲ၊ စိတ်ထင် ပြောတာပါ...၊

ဘာရယ် မဟုတ်ပါဘူးဗျာ၊ သဘောကျလို့ ရိုက်လာခဲ့တာ..၊ ကားကတော့ လေးဘီးပဲ၊ ဒါပေမယ့် တံခါးမှာ ကပ်ထားတာက အမေရိကန် အလံနဲ့ နာဆာ-တဲ့၊ တစ်ပြားမှ မလျှော့ဘူး၊ ခပ်တည်တည်ပဲ..၊း)

စာတိုက်ကြီးကို ရောက်တယ်၊ ပုဂံကနေ ဝယ်လာတဲ့ ပို့စကတ်တွေကို မိတ်ဆွေ၊ သူငယ်ချင်းတွေဆီ ပို့ဖို့ပါ၊ ကျနော် နောက်ဆုံး စာထည့်တာက လွန်ခဲ့တဲ့ ၁၂ နှစ်လောက်က..၊ အဲဒီတုန်းက တံဆိပ်ခေါင်းတစ်ခု ၃၀ ကျပ် ဆိုတာတော့ မှတ်မိတယ်၊ အခုဆိုရင်တော့ လွန်ရောကျွံရော ၁၀၀ လောက်တော့ ရှိရောပေါ့လို့ တွေးထားခဲ့တယ်၊ ဟိုရောက်တော့ ဘယ်ဟုတ်မလဲ၊ တစ်ခု ၅၀၀ ကျပ်တဲ့၊ ကျနော်က ပို့စကတ် ၃၂ ခု ပို့ဖို့ဆိုတော့ တံဆိပ်ခေါင်းဖိုးချည်းပဲ ၁၆၀၀၀ ကျသွားတယ်၊ မျက်လုံးကို ပြူးရောပဲ..၊ ဒါပေမယ့် ဒီပြန်ရောက်တော့ ပို့ခဲ့သမျှ ပို့စကတ်တွေ အားလုံး ရောက်တယ်ဆိုတာ သိရလို့ ဘာပဲပြောပြော ပေးရတာ တန်ပါတယ်၊

ရန်ကုန်မှာ ရုပ်ရှင်မကြည့်ဖြစ်တာ အတော်လေးကို ကြာခဲ့ပြီ၊ နောက်ဆုံး ကြည့်ခဲ့တာ ကျနော် အမှတ်မမှားဘူးဆိုရင် မင်းသမီး ဒယ်မီမိုးပါတဲ့ Ghost ဇတ်ကားပါ၊ ကဲ- ဘယ်လောက် ကြာပြီလဲဆိုတာ တွက်သာကြည့်တော့၊ ကျနော့်အသက်က အဲဒီတုန်းက ၁၆ နှစ်လောက်ပဲ ရှိသေးတယ်၊ အဲဒီတုန်းကတော့ အဲဒီ Ghost ကားမှ မကြည့်ဖူးရင် လူရာမဝင်တဲ့ သဘောမျိုးတောင် ဖြစ်နေတာကိုး၊ ဒယ်မီမိုး ဆံပင်ပုံစံ ဆိုပြီးတောင် ခေတ်စားလိုက်သေးတယ် မဟုတ်လား၊ အခု ရှေ့ဆောင်ရုံမှာ ပြနေတာကတော့ Journey 2: The Mysterious Island တဲ့၊ တိုက်တိုက်ဆိုင်ဆိုင် ပါပဲ၊ ဒီမိုကရက်တစ် နိုင်ငံတော်သစ်ကြီးဆီ ချီတက်နေတဲ့ အသွင် ကူးပြောင်းစ ကာလမှာ သွားရမယ့် ခရီးက ရှည်လျားလှတယ်၊ Journey တောင်မှ အပိုင်း-၂ တဲ့၊ ပြီးတော့ အဲဒီ ခရီးက လျှို့ဝှက် ဆန်းကြယ်သော ကျွန်းဆိုပဲ၊ ဟုတ်မှာပါ၊ အခုလောလောဆယ်မှာ ကိုပဲ လျှို့ဝှက်သည်းဖို၊ ဝိုးတဝါး ဖြစ်ရပ်တွေ တွေ့နေရတယ် မဟုတ်လား...၊

လူထုချစ်တဲ့ ခေါင်းဆောင်တွေကတော့ လူထုကြားထဲကို တဖန်ပြန်ရောက်လာ ခဲ့ပြီ၊ ရန်ကုန်မြို့ရဲ့ မညီမညာ ပလက်ဖောင်းတွေ ထက်မှာ အရောင်စုံ၊ အသွေးစုံနဲ့ တညီတညာတည်းကို တင့်တယ်လို့...၊

ပြည်သူ့ဥယျာဉ်ထဲကိုလည်း မရွယ်ရွယ်ဘဲ ရောက်သွားသေးတယ်၊ ဒီမိုးပျံ ရထားလေးကို မြင်တော့ သားက ကလေးတို့ထုံးစံ ပူဆာပါလေရော၊ ဒါနဲ့ ကျနော်နဲ့သူနဲ့ နှစ်ယောက်သား စီးကြတယ်၊ ဂျာမနီက Europa Park မှာလည်း ဒီလိုမျိုး တစ်ခုရှိတော့ သူက မှတ်မိပြီး စီးမယ်လုပ်တာ..၊ စက်ဘီးခြေနင်းလို နင်းဖို့ လုပ်ထားတယ်၊ မနင်းလည်း သွားနေတာပါပဲ၊ နင်းရင်တော့ နည်းနည်း ပိုမြန်တယ်၊ ရီရတာက စထွက်တဲ့ ဂိတ်ကို ပြန်ရောက်တော့ ဘရိတ်ဖမ်းဖို့ကို အဲဒီမှာ စောင့်နေတဲ့ ဝန်ထမ်း သုံးလေးယောက်က တွဲတွေကို လက်နဲ့ အတင်းလိုက်ဆွဲ ကြတာ..၊ လျှပ်စစ်ဘရိတ်က ပျက်နေတာလား၊ မရှိတာပဲလားတော့ မသိဘူး၊ ကျနော်တို့က ဒုတိယတွဲဆိုတော့ သူတို့လက်နဲ့ ဆွဲပေမယ့် ပလက်ဖောင်းမှာ မရပ်ဘဲ အပြင်ဖက် ဟင်းလင်းပြင်ကို တခါ ကျွံထွက်သွားပြန်ရော၊ နောက်မှ ဝန်ထမ်းတစ်ယောက်က အသာ ပြန်လာဆွဲတယ်၊ တခြား ရေလွှာလျှောစီးတာ၊ တိုက်ကားမောင်းတာ၊ အစရှိသဖြင့် တော်တော် စုံအောင် လုပ်ထားတယ်၊ ကျနော် လေ့လာမိသလောက် မိသားစုတွေ၊ ကလေးတွေကလည်း အားလုံး အေးအေးဆေးဆေးနဲ့ အပန်းဖြေလို့..၊ သူတို့ကို ကြည့်ပြီး ကျနော်လည်း စိတ်လက်ပေါ့ပါး လာတယ်၊ ကစားကွင်းတွေက အရည်အသွေးပိုင်း ဆိုင်ရာမှာ လိုနေသေးပေမယ့် မြန်မာ ကလေးငယ်တွေလည်း တခြားနိုင်ငံတွေ မှာလိုပဲ အထိုက်အလျောက် ကစားခွင့် ရတာကို သဘောကျနေ မိတယ်၊ ကျနော်တို့ ငယ်ငယ်တုန်းက ဒီလိုမျိုးတွေ မရှိတဲ့အပြင် အဖေနဲ့အမေကလည်း ပန်းခြံတို့၊ ကစားကွင်းတို့ကို လိုက်ပို့ဖို့ အဆင်မပြေတာက ခပ်များများရယ်...၊

'မြေကြီးပေါ်မှာ ရနိုင်တဲ့ ပရဒိသုဘုံက ကော်ဖီတစ်ခွက်'..တဲ့၊ ခွက်ရဲ့ အတွင်းထဲက စာတန်းလေးကို သဘောကျနေ မိတယ်၊ တကယ်လည်း ကောင်းပါတယ်၊ Black Canyon ကော်ဖီကို မှာတဲ့အခါ ဘီစကစ်လေး တွေရယ်၊ ရေနွေးကြမ်းလေး တစ်ခွက်ရယ်ပါ တွဲချပေးတယ်၊ ခါးသက်သက် ကော်ဖီမှာ ဘီစကစ်က ဂျုံအရသာရယ်၊ ရေနွေးကြမ်းက စံပယ်ပန်း လက်ဖက်ခြောက်နံ့ရယ် ရောလိုက်တော့ မြေကြီးပေါ်ကနေ ပရဒိသုဘုံကို ရောက်သွားသလိုပဲ..၊ အထူးသဖြင့် ပျင်းရိ၊ လေးတွဲပြီး ငိုက်မြည်းချင်စရာ ရန်ကုန်ရဲ့ နေ့လယ်ခင်းတွေကို ထုတ်ချင်းခတ် ဖြတ်ဝင်သွားဖို့ အကောင်းဆုံး အဖော်မွန် ပါပဲ၊ Summit Parkview ဟိုတယ်ဘေးက ကော်ဖီဆိုင်လေးပါ၊ ဆိုင်နာမည် ကလည်း Black Canyon ပါပဲ၊

ဗိုလ်ချုပ်ဈေးကို ရောက်ရင် တီရှပ်ဆိုင်တွေကို ကျနော် သွား,သွားငေး ဖြစ်ပါတယ်၊ ဝယ်တာ မဝယ်တာထက် အရောင်စုံတာ၊ တီရှပ်ပေါ်က ပန်းချီ၊ ကာတွန်းလေးတွေကို သဘောကျလို့ပါ၊ တစ်ခါတုန်းကတော့ ချက်ပလက်လို့ ကျနော်တို့ ခေါ်ကြတဲ့ ဘတ်စကားအိုကြီးမှာ လူတွေ တိုးလို့တွဲလောင်း စီးနေကြတဲ့ ကာတွန်းပုံ ပါတဲ့ တီရှပ်လေး တစ်ထည် ဝယ်ခဲ့ဖူးတယ်၊ ကာတွန်းလေးက တကယ်ချစ်စရာ ကောင်းတယ်၊ ဆရာ စိုးသော်တာရဲ့ လက်ရာပါ၊

ဒီဆိုင်ကတော့ ကျနော် သွား,သွားငေးတဲ့ဆိုင် မဟုတ်ပါဘူး၊း) အဲဒီမှာ အမှတ်တရ ပစ္စည်း သွားဝယ်တာလည်း မဟုတ်ရပါဘူး၊ ဒီဆိုင်ရဲ့ အရှေ့ကဆိုင်မှာ မအိမ်သူက ဆွဲကြိုးလေး၊ လက်စွပ်လေး ကြည့်နေတုန်း ကျနော်က ဘေးမှာရပ်စောင့်ရင်း ဒီဆိုင်းဘုတ်ကို တွေ့လိုက်တာပါ၊ ဇာဘော်လီ ညွန့်ညွန့်ဆိုတာ တချိန်က နာမည်ကြီးလို့ ထင်တာပဲ၊ အဒေါ်တွေ ပြောတာ တခါတလေ ကြားဖူးတယ်၊ အခု ရန်ကုန်မှာ အမျိုးသမီးတွေ ကြီးကြီးငယ်ငယ် ဂျင်းဘောင်းဘီ အတိုအရှည်နဲ့ ဖြစ်ကုန်ကြတော့ ဒီလို ဇာဘော်လီ ဆိုတာမျိုးကော ဝတ်ကြသေးရဲ့လား မသိဘူး၊ ကြိုးပျောက်တို့၊ တစ်ချောင်းတို့၊ နှစ်ချောင်းတို့ ကြားမှာ ဇာဘော်လီ ညွန့်ညွန့်ရဲ့ ဈေးကွက်က ဘယ်လောက်အထိ ထိခိုက်မှု ရှိနိုင်သလဲ၊ ဒါမှမဟုတ် ဒါဟာ ပါစင်နယ်လ်ဖြစ်လို့ ကိုယ်တိုင်းနဲ့မှ စိတ်တိုင်းကျတယ်လို့ ဆိုသူတွေကော ရှိသလား၊ သွားမေးလို့ ကောင်းတဲ့ကိစ္စ မဟုတ်လို့ ဓါတ်ပုံလေး တစ်ပုံပဲ ရိုက်ပြီး ကျနော် တိတ်တိတ်ကလေးပဲ နေလိုက်ပါတယ်၊း)

ဗိုလ်ချုပ်ဈေးရဲ့ နာမည်ကြီး ပေါင်ချိန်စက်..၊ ကျနော် ခပ်ငယ်ငယ်တုန်းက ဒီစက်ပေါ်မှာ တစ်ခါ တက်ရပ်ဖူးတယ်၊ ထွက်လာတဲ့ လက်မှတ်က အချစ်ရေး မကောင်းနိုင်ဘူး-တဲ့၊ ဘိုဘိုဟန်ရဲ့ သီချင်းထဲကလို ပါပဲ၊ နှစ်တွေ အများကြီး အကြာမှာ ရန်ကုန်မြို့ကြီးက အလေးချိန်တွေ တိုးလာပေမယ့် ဒီပေါင်ချိန်စက်ကတော့ ဒီအရောင်၊ ဒီနေရာမှာ ပါပဲ၊ အဲ.. အခုနေ ချိန်ကြည့်ရင် အပြောင်းအလဲသို့ ဦးတည်နေသော ကာလဖြစ်သည်ဆိုတဲ့ လက်မှတ်များ ထွက်လာလေ မလား..၊

ဇော်ဂျီဟောက်စ်မှာ ထိုင်နေတုန်း ဝင်းအပြင်ဖက်ကနေ ပို့စကတ် လှမ်းရောင်းနေတာ...၊ ဟိုး အရင်အတိုင်းပါပဲ၊ ပုဂံဘုရား ပုံတွေကို ၁၀ ခု၊ အခု ၂၀ တွဲပြီးတော့ တစ်ဒေါ်လာ၊ နှစ်ဒေါ်လာ စသဖြင့် ရောင်းကြတယ်၊ သူ့ရဲ့ ဘယ်ဖက် လက်ထဲက အကြွေစေ့တွေကို ကျနော် လှမ်းငေးနေ မိတယ်၊ ကျနော်တို့ ကလေးဘဝ တုန်းက အဲဒီ အကြွေတွေ တကယ်ပဲ သုံးခဲ့ဖူးတာ အခုပြန်တွေးတော့ အိပ်မက်လိုလိုနဲ့..၊ ဆင်ရုပ်စုဗူးထဲက တစ်မတ်စေ့တွေ ခိုးထုတ်ပြီး ဇီးထုပ်တစ်ထုပ် တစ်မတ်နဲ့ အများကြီး သွားဝယ်စားတာ ပြန်အမှတ်ရတယ်..၊

ဒဂုံဘီယာကို အခုလို နှစ်တွေကြာပြီး ပြန်များ ကောင်းလာမလား ဆိုတဲ့ မျှော်လင့်ချက်လေးနဲ့ သောက်ကြည့်တာ..၊ ဇော်ဂျီက ဆေးကြိမ်လုံးနဲ့ လှမ်းတို့ပြီး အဖတ်ဆယ်တာတောင် မရပါဘူးဗျာ..၊း)

ကျနော်က ကွမ်းမစားပေမယ့် ကွမ်းယာဆိုင်လေး တွေကိုတော့ သဘောကျတတ် ပါတယ်၊ တချို့ကွမ်းယာဆိုင် တွေက စိတ္တဇပန်းချီ ဆရာတစ်ယောက်ရဲ့ အလုပ်ရုံနဲ့ တူတယ်၊ အဲဒီမှာ အဖြူရောင်၊ အနီရောင်၊ အစိမ်းရောင်.. ဆေးရောင်စုံတွေ ပေပွပြီး အစီအစဉ်မကျ ရှိနေလိမ့်မယ်၊ တချို့ဆိုင်လေး တွေကျတော့ သန့်သန့်ရှင်းရှင်းနဲ့ သပ်ရပ်လို့..၊ ဒီဆိုင်လေးကတော့ ရန်ကုန်ရဲ့ ခြစ်ခြစ်တောက် နေရောင်အောက်မှာ နှင်းဆီတစ်ပွင့်နဲ့ ရဲရဲနီနေ ခဲ့တယ်..၊

ဟိုး ခပ်လှမ်းလှမ်းက ရန်ကုန်မြစ်ဝကို ကျနော် လှမ်းငေးနေ မိတယ်၊ မှုန်မှိုင်းမှိုင်း ကောင်းကင်အောက်မှာ ရန်ကုန်မြစ်ဟာ သဲကန္တာရထဲက မြွေတစ်ကောင်လိုမျိုး ခွေဝိုက်တွန့်လိမ်လို့..၊ ပင်လယ်ဖက်ကို ခေါင်းတည်ပြီး တငြိမ့်ငြိမ့်နဲ့ တွားသွားနေတယ်၊ ရန်ကုန်မြစ်၊ ပဲခူးမြစ်၊ ပုဇွန်တောင်ချောင်း သုံးခုဆုံရာ နေရာကို စိတ်မှန်းနဲ့ ရှာနေမိတယ်၊ ဓမ္မစေတီမင်း ခေါင်းလောင်းကြီး ရှိနေတာ အဲဒီနေရာမှာ မဟုတ်လား၊ အဖွဲ့ပေါင်းများစွာ ရှာခဲ့ကြ ပြီးပြီ၊ ရှေ့မှာလည်း စိတ်ဝင်စားတဲ့ အဖွဲ့တွေ အများကြီး စောင့်နေသေးတယ်၊ အခုချိန်ထိတော့ ခေါင်းလောင်းကြီးက ရေအောက်ကနေ စိန်ခေါ်နေဆဲပဲ၊

အိုမင်းနေတဲ့ တိုက်ဟောင်း၊ တိုက်သစ်နဲ့ ဆောက်လုပ်ဆဲ တိုက်တွေကြားမှာ ဗဟိုတရားရုံးကြီးက ဥပဒေတွေနဲ့ ပိကျလေးလံပြီး ဝပ်စင်းလို့...၊ ဟိုးအရင် ကိုလိုနီ ခေတ်တုန်းကတော့ ဘေးပတ်ဝန်းကျင်မှာ အဆောက်အဦး ကြီးကြီးမားမား မရှိဘဲ သူ့တစ်ခုတည်း ခန့်ထည်နေခဲ့ လိမ့်မယ်၊ ဟိုး ခပ်လှမ်းလှမ်း မှာတော့ မြန်မာ့ဆိပ်ကမ်း အာဏာပိုင်းရုံးရဲ့ ရေကြောင်းမျှော်စင်ကို လှမ်းမြင်နေရတယ်၊ ကိုလိုနီခေတ်မှာ အင်္ဂလိပ်တွေဟာ ဒီ ရန်ကုန်မြစ်ကြောင်း အတိုင်း သင်္ဘောတွေနဲ့ စုန်ချည်ဆန်ချည် ဝင်ထွက်သွားလာ နေခဲ့ကြ လိမ့်မယ်၊ ဘာ့ကြောင့်လဲတော့ မသိဘူး၊ ရန်ကုန်ကို ငှက်တစ်ကောင်ရဲ့ နေရာကနေ ကြည့်ရတဲ့အခါ ဟိုးခေတ်ဟောင်း ကာလတွေကို စိတ်မှန်းနဲ့ မြင်ယောင်ကြည့်နေ မိခဲ့တယ်၊ အထူးသဖြင့် ကိုလိုနီခေတ်ကို...၊ မြင်းစီး အင်္ဂလိပ်တွေ၊ သူတို့ရဲ့ဘေးက အင်္ကျီဗလာနဲ့ ခြေကျင်လျှောက် အသားမည်းမည်း ဗမာတွေ၊ အိန္ဒိယ အနွယ်တွေ၊ ကုန်သည်တွေ၊ စစ်ပုလိပ်တွေ...၊ ဒီလူတွေဟာ အခုလို တိုက်တာတွေ မရှိတဲ့ ရန်ကုန်ရဲ့ လမ်းတွေပေါ်မှာ၊ ဖုန်လုံးကြီးတွေ ကြားမှာ လျှောက်သွားနေခဲ့ ကြမှာပဲ..၊

ကြည့်ပါဦး၊ ဟောဒါ ကျနော်ချစ်တဲ့ ရန်ကုန်ပေါ့၊ ရန်ကုန်ဟာ ကျနော့်ရဲ့ အောက်ဖက် ခပ်နိမ့်နိမ့်မှာ ရှိနေပေမယ့် အပေါ်စီးကနေ ကျနော် မကြည့်ရက်ပါဘူး၊ သူ့မှာက သူ့ဟာနဲ့သူတောင် ဒုက္ခတွေ ပင်လယ်ဝေနေ ခဲ့ရတာပါ..၊ ဒီမြို့ဟာ သူ့ကို အယောင်ဆောင် ချစ်ခဲ့သူတွေကို ကြုံခဲ့ရတယ်၊ လူ,လူချင်း ဖျံကျချင်သူတွေ တက်နင်းတာ ခံရတဲ့မြို့၊ မေးစေ့နှစ်ထပ် ရှိတဲ့ လူဝကြီးတွေရဲ့ ပါတိတ်အင်္ကျီ အိတ်ထဲ အထည့်ခံရတဲ့မြို့၊ ကာရာအိုကေမှာ မူးမူးနဲ့ ဟိုကိုင်ဒီကိုင် လုပ်တာ ခံရတဲ့မြို့၊ ပိုက်ဆံ အထုပ်လိုက် ကိုင်သုံးသူတွေကို ညှိုးညှိုးငယ်ငယ်နဲ့ မော့ကြည့်နေရတဲ့မြို့၊ မညောင်းမညာဘဲ အနှိပ်ခန်းသွားဖို့ ချောင်းနေတဲ့မြို့၊ အထည်ကြီးပျက် ပါကွာလို့ ယိုးစွပ်ခံရတဲ့မြို့၊ ဗိုက်ဟောင်းလောင်းနဲ့ ကလေးတွေ အော်ငိုနေတဲ့မြို့၊ ပုန်ကန်တဲ့ကောင်လို့ အညှိုးအတေး အထားခံရတဲ့မြို့၊ မိုးကလေး တဖြိုက်လောက် ရွာတိုင်း ရေတွေအိုင်ထွန်းပြီး မရှူနိုင် မကယ်နိုင် ဖြစ်ရတဲ့မြို့၊ ချစ်သူတွေက စွန့်ခွာ ချန်ခဲ့ တာကို ရင်စည်းခံနေရတဲ့မြို့၊ ..... .....မြို့၊ .... .... မြို့၊ .....၊

ဦးအောင်ဇေယျကတော့ ရန်အပေါင်း ကုန်စင်ပါစေတော့ ဆိုပြီး ဟောဒီ တံငါရွာလေးကို စေတနာ ထားခဲ့မှာ သေချာပါတယ်၊ မြစ်နား၊ ချောင်းနား နီးလို့လည်း ကုန်းလမ်း၊ ရေလမ်းနဲ့ သွားလမ်း၊ လာလမ်း ဖြောင့်ဖြူးခဲ့ပေ လိမ့်မယ်၊ ကိုလိုနီခေတ် အင်္ဂလိပ်က မြို့ကွက်ရိုက်ပြီး စနစ်တကျ တည်ပေးလိုက်တော့ ရန်ကုန်ဟာ နေ့ချင်းညချင်း မြို့ကြီးသား ဖြစ်လာခဲ့တယ်၊ မြစ်တွေ၊ ချောင်းတွေ ရှိတဲ့၊ ပင်လယ်ဆိပ်ကမ်း ရှိတဲ့ မြို့တွေကို ကျနော် သဘောကျတယ်၊ မြစ်တွေ၊ ချောင်းတွေ ခြံရံပြီး စိမ်းစိမ်းစိုစို ရှိတဲ့ ရန်ကုန်ဟာ ကျနော့်အတွက်တော့ လှတဲ့ မြို့တစ်မြို့ပါပဲ၊ ဒါပေမယ့် အဲဒီလို မြစ်နား၊ ပင်လယ်နား နီးနေတာကပဲ သူ့ကို မြို့တော် အဖြစ်က လျှောကျ စေခဲ့သလားလို့ တခါတရံ တွေးချင်စရာ...၊ ဘာပဲဖြစ်ဖြစ် အိုင်းနာကြီး၊ အမှိုက်ပုံကြီး စသဖြင့် တချို့တွေက စိတ်နာနာနဲ့ ခေါ်တတ်တဲ့ ဟောဒီ ရန်ကုန်မြို့ကို ကျနော်ကတော့ ချစ်ခင်တွယ်တာ နေတုန်းပါပဲ...၊ ကျားပေါက်သီချင်း ထဲကလို 'ပြန်အဆင်ပြေ မှာပါ၊ စိတ်မကောင်း မဖြစ်လိုက်နဲ့..' လို့ပဲ နှစ်သိမ့်ချင် ပါတယ်၊

ကျနော့်ရဲ့ အာရုံတွေ ပျံသန်းလူးလွန့် ခဲ့တဲ့ နိုင်ငံကလေးက ခရီးစဉ်ကို ချစ်သောရန်ကုန်ရဲ့ ပို့စ်နဲ့အတူပဲ အဆုံးသတ်ပါတယ်၊ ရွှေတိဂုံ သွားခဲ့တဲ့ အကြောင်းကတော့ နောက်မှ သီးသန့်ပို့စ် အနေနဲ့ တင်ဖို့ စဉ်းစားထား ပါတယ်၊ အခုဒီ နောက်ဆုံးပို့စ်ကျမှ ကပ်ပြီး တစ်နေ၊ ကြန့်ကြာနေတာကို စိတ်ရှည်ရှည်နဲ့ စောင့်ဆိုင်း၊ နားလည်ပေးကြတဲ့ ညီအစ်ကို၊ မောင်နှမ အယောက်တိုင်းကိုလည်း ကျေးဇူးတင်ပါတယ် ခင်ဗျား...။ ။

ညီလင်းသစ်
၈ ဇွန်၊ ၂၀၁၂