30 December 2009

Goodbye 2009, Welcome 2010!


၂၀၀၉ ရဲ့နောက်ဆုံး ပို့စ်အနေနဲ့ ဒီနှစ် ခရစ်စမတ်မှာ ရိုက်ထားတဲ့အထဲက ပုံတချို့ကို တင်လိုက်ပါတယ်၊ ကျနော် ရိုက်ထားတဲ့ ပုံတွေ အများကြီးရှိပေမယ့် အများစိတ်ဝင်စားမယ်ထင်တဲ့ ပုံလေးတွေကိုပဲ ရွေးဖြစ်ပါတယ်၊ ဒါတွေကတော့ ခရစ်စမတ်သစ်ပင်မှာ ချိတ်ဆွဲလေ့ ရှိတဲ့ အလှဆင်ပစ္စည်းလေးတွေပါပဲ၊ ခရစ်စမတ် သစ်ပင်မှာ ချိတ်ထားတဲ့ ဒီဟာလေးတွေကို ရိုက်ရတာ နဲနဲလည်း စိတ်ဝင်စားဖို့ ကောင်းပါတယ်၊ သိတဲ့အတိုင်း ဒီသစ်ပင်မှာ ချိတ်ထားတဲ့ မီးဆိုင်း၊ မီးကြိုးတွေကြောင့် အလင်းရောင်က စူးတဲ့နေရာစူးပြီး၊ မှုန်တဲ့နေရာ မှုန်လေ့ရှိတော့ တခါတခါ Exposure ကသိပ်မမှန်ချင်ဘူး၊ တချို့အရုပ်လေးတွေဆို သုံးလေးခါ ပြန်ရိုက်ရတယ်၊

ဖြတ်သန်းခဲ့တဲ့ ဟောဒီ ၂၀၀၉ အတွက်တော့ တစ်နှစ်တာ ပြန်လည် ဆန်းစစ်ချက်တွေဘာတွေ လုပ်မနေတော့ပါဘူး၊ ဒီအလုပ်ကို Time မဂ္ဂဇင်းလိုမျိုး နာမည်ကြီးစာစောင်တွေ အတွက်ပဲ ထားလိုက်တော့မယ် :) ၊ ကျနော့်ရဲ့ ဘလော့ဂ်လေးအတွက်ပဲ သီးသန့်ကွက်ကြည့်ရင် တော့ အားရစရာ သိပ်မရှိလှပါဘူး၊ တကယ်တမ်း ရေးမယ်ဆိုရင် ရေးစရာတွေ အများကြီးပဲ၊ ခေါင်းထဲမှာ ပေါ်လာတာတွေလည်း အများ ကြီးရှိခဲ့တာပါပဲ၊ ကျနော်က နေ့ရွှေ့ညရွှေ့လုပ်နေတာနဲ့ အများစုက ပျောက်သွားကြတယ်၊ အင်မတန်ကို တဝဲလည်လည် ဖြစ်လွန်းမက ဖြစ်နေတဲ့ အကြောင်းအရာတချို့ပဲ မရေးရင် မနေနိုင်တာနဲ့ ဘလော့ဂ်ပေါ် ရောက်လာခဲ့တယ်၊ ဓါတ်ပုံတွေဆိုလည်း ရိုက်ထားခဲ့ပြီး မတင်ဖြစ်ခဲ့၊ မတင်ဖြစ်သေးတဲ့ဟာတွေ တော်တော်များပါတယ်၊ အလုပ်များတာနဲ့ ပျင်းနေတာနဲ့ ကွန်ပျူတာရှေ့မထိုင်ချင်တာနဲ့ ဟုတ်တိ ပတ်တိမတင်ဖြစ်ပြန်ဘူး၊ ၂၀၀၉ နှစ်ကုန်အထိ ရောက်လာတာကိုပဲ ကျေနပ်ရမလိုလို... ;)

ဒီလိုအခြေအနေတွေ ရှိလင့်ကစား ကျနော့်ဘလော့ဂ်လေးကို အမြဲတမ်းပုံမှန် လာဖတ်ကြတဲ့ ညီအစ်ကိုမောင်နှမတွေလည်း ရှိပါတယ်၊ တချို့က မှတ်ချက်လေးတွေ ချန်ထားလေ့ရှိပြီး တချို့ကျတော့လည်း တိတ်တိတ်လည်းလာ၊ တိတ်တိတ်လေး ပြန်ပေါ့လေ...၊ အခုလို အခါအခွင့်သင့်တဲ့ သမယမှာ အမည်နာမအားဖြင့် မဖော်ပြပေမယ့် အဲဒီညီအစ်ကိုမောင်နှမအယောက်တိုင်းကို ကျေးဇူးတင်တဲ့အကြောင်း တခုတ်တရ စကားဆိုပါရစေ၊ တခါတလေ ဘာမှမရေးချင်၊ မတင်ချင်တော့တဲ့ အချိန်တွေမှာ သူတို့ထားခဲ့တဲ့ ကွန်မန့်လေးတွေနဲ့ စီဘောက်စ်က နှုတ်ဆက်စကားလေးတွေက တဖန်ပြန်လည် အားဖြစ်စေခဲ့လို့ပါပဲ...၊

အားလုံးကို ကောင်းသော ၂၀၁၀ ဖြစ်ပါစေလို့ နှုတ်ခွန်းဆက်ပါတယ်ခင်ဗျား...။ ။


Christmas'09 (1)
IMG_6066n
Canon 450d, EF 24-105mm L, 97mm, f/4, 1/6, iso800

Christmas'09 (2)
IMG_6067n
Canon 450d, 24-105mm L, 60mm, f/4, 1/30, iso800

Christmas'09 (3)
IMG_6007n
Canon 450d, 24-105mm L, 32mm, f/4, 1/20, iso1600

Christmas'09 (4)
IMG_6068n
Canon 450d, 24-105mm L, 85mm, f/4, 1/15, iso800

Christmas'09 (5)
IMG_6010n
Canon 450d, 24-105mm L, 105mm, f/4, 1/40, iso1600

Christmas'09 (6)
IMG_6071n
Canon 450d, 24-105mm L, 90mm, f/4, 1/8, iso1600

ညီလင်းသစ်
၃၁ ဒီဇင်ဘာ၊ ၂၀၀၉

13 December 2009

ရွှေတိဂုံ


ကျနော် မြန်မာပြည်ရောက်ခိုက် ပထမပိုင်းရက်တွေမှာ ရွှေတိဂုံဘုရားတက်ဖို့ စဉ်းစားတယ်၊ ဒါပေမယ့် တခြားဦးစားပေးရမယ့် ကိစ္စတွေ ရှိတာရယ်၊ ပြန်ခါနီးမှ အေးအေးလူလူ တက်မယ်လို့ စိတ်ကူးတာရယ်ကြောင့် ချက်ချင်းမသွားဖြစ်ဘူး၊ ဒါနဲ့ ပုဂံကပြန်လာမှ ဘုရားသွားဖြစ် တယ်၊ အဲဒီမှာ ဘုရားကို ရွှေသင်္ကန်းပြန်ကပ်ဖို့ ပစ္စယံက ရွှေပြားတွေကို ခွာထားတာနဲ့ သွားတိုးတယ်၊ ရောက်,ရောက်ချင်းမှာ ချက်ချင်း မသွားဖြစ်လိုက်တာကို နဲနဲနောင်တရတယ်၊ ဘုရားကို ရွှေသင်္ကန်းအပြည့်နဲ့ မဖူးခဲ့လိုက်ရဘူး၊ ဒါပေမယ့် တဖက်ကကြည့်တော့လည်း တိုက်တိုက်ဆိုင်ဆိုင် ဘုရားကို သစ်ခေါက်ရောင်သင်္ကန်းနဲ့ ဖူးရတယ်လို့ တွေးလို့ရပါတယ်၊ ဘုရားရဲ့ အထက်ဖက်မှာ ကျန်နေသေးတဲ့ ရွှေရောင်နဲ့ အောက်ဖက် ပစ္စယံက သစ်ခေါက်သင်္ကန်းရောင်ရယ်က အတော်လေး contrast ဖြစ်ပြီး ကြည့်ရတာ တမျိုး သပ္ပါယ်ပါတယ်၊

ဒီက မထွက်ခွာခင် ကတည်းက ရွှေတိဂုံမှာ ဘယ်လိုတွေ ဓါတ်ပုံရိုက်ရင် ကောင်းမလဲလို့ ကြိုပြီး စဉ်းစားကြည့်တယ်၊ ရိုက်ချင်တဲ့ နေရာတွေ၊ ရိုက်လို့ကောင်းမယ် ထင်တဲ့ ရှုထောင့်တွေ အများကြီးပဲ ခေါင်းထဲပေါ်လာတယ်၊ ဒါပေမယ့် တကယ်တမ်း ရင်ပြင်ပေါ်လည်း ရောက်သွားရော အဲဒီအိုက်ဒီယာတွေ အားလုံးမေ့သွားတော့တယ်၊ ရင်ပြင်ပေါ်မှာ အမြင်၊ အကြား၊ အထိအတွေ့ အာရုံအားလုံးက ငြိမ်းချမ်း၊ တိတ်ဆိတ် မှုတွေနဲ့...၊ အနောက်ကမ္ဘာက ဖိစီးမှုတွေကို တဒင်္ဂမေ့သွားစေခဲ့တယ်၊ ရွှေတိဂုံမှာ အချိန်နာရီတွေဟာ ရပ်တန့်သွားခဲ့တယ်၊ ကျနော်ဟာ ကိုယ့်ကိုကိုယ် time and space အပြင်ဖက်မှာ ခဏလေး တွေ့လိုက်ရသလိုပါပဲ၊

တော်တော်လေး မိုးချုပ်မှ ပြန်ဆင်းလာခဲ့တယ်၊ မြန်မာပြည်သွားမယ် လုပ်တော့ tripod သယ်သွားရင်ကောင်းမလား လို့အကြာကြီး စဉ်းစားဖြစ်ပါတယ်၊ ပုဂံ sunset၊ ရွှေတိဂုံ ညရှုခင်း၊ ဒါတွေကို တွေးမိတော့ tripod ကို မဖြစ်မနေ သယ်မယ်လို့ တွေးထားတယ်၊ ဒါပေမယ့် တကယ်တမ်းမှာ မလွယ်ပါဘူး၊ ကျနော့် tripod က ကြီးလဲကြီးတဲ့အပြင် အတော်လည်း လေးတယ်၊ တော်ရုံနေရာမှာ အခြေခိုင် အောင်ဆိုပြီး ခပ်ကြီးကြီးဝယ်ထားမိတာ အခုမှ ဒုက္ခတွေ့တာပဲ၊ သေတ္တာထဲမှာ ကန့်လန့်ဖြတ် ထည့်တာတောင် အတိဝင်ရုံပဲ ရှိတယ်၊ ဒီကြားထဲ သေတ္တာက tripod မထည့်ရသေးတာတောင် ၂၆ ကီလိုကျော်နေပြီ၊ ဒီလိုနဲ့ သူ့ကို ထားခဲ့လိုက်ရတော့တယ်၊

အခု ရွှေတိဂုံမှာ tripod ကို အရမ်းသတိရနေခဲ့တယ်၊ ဒါပေမယ့်လည်း ဘာမှ မတတ်နိုင်ပါဘူး၊ ဒီလိုနဲ့ အခုပုံတွေကို handheld လက်တန်း ကြိုးစားပြီး ရိုက်ပါတယ်၊ အထူးသဖြင့် နေဝင်ချိန် အလင်းအားနည်း သွားတဲ့အချိန်မှာပေါ့...။ ။


ရွှေတိဂုံ (၁)
IMG_5576n


ရွှေတိဂုံ (၂)
IMG_5580n


ရွှေတိဂုံ (၃)
IMG_5581n


ရွှေတိဂုံ (၄)
IMG_5603n


ရွှေတိဂုံ (၅)
IMG_5630n


ရွှေတိဂုံ (၆)
IMG_5593n


ရွှေတိဂုံ (၇)
IMG_5629n


ရွှေတိဂုံ (၈)
IMG_5582n


ရွှေတိဂုံ (၉)
IMG_5590n


ရွှေတိဂုံ (၁၀)
IMG_5642n


ရွှေတိဂုံ (၁၁)
IMG_5655n


ရွှေတိဂုံ (၁၂)
IMG_5650n


ရွှေတိဂုံ (၁၃)
IMG_5637n


ညီလင်းသစ်
၁၄ ဒီဇင်ဘာ၊ ၂၀၀၉

06 December 2009

ကျနော်နှင့် မြန်မာစာ


ကျနော်ဆိုလိုတဲ့ မြန်မာစာဆိုတာက မြန်မာစာပေကို ပြောတာမဟုတ်ပါဘူး၊ တရုတ်စာ၊ ကုလားစာတို့လိုမျိုး မြန်မာတွေစားတဲ့ မြန်မာစာ ကိုပြောတာပါ၊ အမှန်တော့လည်း မြန်မာ့ အစားအစာအကြောင်း ပို့စ်တစ်ခုအနေနဲ့ အထူးတလည်ရေးဖို့ အစီအစဉ် မရှိပါဘူး၊ ရေးရလောက်အောင်လည်း ဘာမှထူးထူးထွေထွေ မရှိပါဘူး၊ ပြီးတော့ ကျနော်က ငယ်ငယ်က အစားနဲ့ ပတ်သက်ရင် နဲနဲဂျီးများခဲ့ပေမယ့် အခုတော့ စားလို့ရတာအကုန်စားတာမို့ မပုပ်မသိုးတဲ့ဟာမှန်သမျှ ကျနော့်အတွက်တော့ ကောင်းတာပါပဲ၊ ဒါပေမယ့် ဆယ်စုနှစ်ဝက် တစ်ခုစာ ကြာပြီးမှ ပြန်ပြီးစားဖြစ်ခဲ့တဲ့ မြန်မာပြည်တွင်းက မြန်မာတွေချက်တဲ့ မြန်မာ့ဟင်းပွဲတချို့ကို အမှတ်တရအနေနဲ့ တင်ချင်တာနဲ့ ရေးဖြစ်သွားပါတယ်၊

ဒီဖက်ကို ရောက်စက မြန်မာအစားအသောက်တွေကို သတိရပေမယ့် ကြာလာတော့လည်း ဒီမှာဝယ်လို့ရတာတွေနဲ့ တဖြည်းဖြည်း အစား ထိုးပြီး ချက်လို့ပြုတ်လို့ ဖြစ်လာတယ်၊ ပြီးတော့ ကျနော်က အားလုံးနီးပါး ကြိုက်လာတော့ အဆင်ပြေတယ်လို့ ဆိုပါစို့၊ ဒါပေမယ့် တခါတရံ သတိရမိတတ်တာကတော့ မုန့်ဟင်းခါးပါပဲ၊ သူ့ကိုတော့ လွယ်လွယ်နဲ့ မမေ့နိုင်ခဲ့ဘူး၊ ဒါနဲ့ ဒီတစ်ခေါက် ပြန်ရောက်ရင်တော့ အဝစားလိုက်မဟဲ့ ဆိုပြီး အားခဲထားလိုက်တယ်၊ ဒါပေမယ့် တကယ်တမ်း ပြန်ရောက်သွားတော့လည်း ဒီလောက်မစားဖြစ်ပြန်ဘူး၊ ရန်ကုန်ရဲ့လမ်းတွေထက်မှာ လျှောက်သွားရင်း သူ့ရဲ့ရနံ့လေး ရလိုက်ရင် ရင်ခုန်လာပေမယ့် သူ့ဆီကိုချက်ချင်း အရောက်သွားဖို့ကျတော့ သွေးအေးနေပြန်ရော...၊ ဒီလိုနဲ့ သူကို ၂ ခါပဲ ဆုံဆည်းလိုက်ရတယ်၊ အဲ...မရည်ရွယ်ဘဲ အကြိမ်တော်တော်များများ စားဖြစ်လိုက်တာက တော့ ကြေးအိုးပါပဲ၊ ကြေးအိုးကို ကျနော်က ဒီလောက်ကြီး ခရေဇီ မဖြစ်ပါဘူး၊ ဒါပေမယ့် ပေါ့ပေါ့ပါးပါးနဲ့ စားလွယ်ကြေလွယ်ထဲမှာ သူက ပါတာမို့ထင်ပါရဲ့၊ ဟိုနားသွားလည်း ကြေးအိုး၊ ဒီနားသွားလည်း ကြေးအိုး ဖြစ်သွားတယ်၊ ကြေးအိုးအားလုံးကို စားဖြစ်တာတော့ မဟုတ် ပါဘူး၊ ရန်ကင်းကြေးအိုး တစ်ခုပဲ စားဖြစ်တယ်၊ သူကလည်း ဆိုင်ခွဲတွေ များလာပြီး အတော်အောင်မြင်နေပုံရတယ်၊

မျှော်လင့်တောင့်တခဲ့ရပေမယ့် မှန်းချက်နဲ့ နှမ်းထွက်မကိုက်ခဲ့တာကတော့ မြန်မာဘီယာပါပဲ၊ ဟုတ်တယ်...မြန်မာဘီယာ အရည်အသွေး အတော်ကျသွားတယ်၊ အရင်ကဆို မျိုချလိုက်ရင် လည်ချောင်းထဲအားလုံး ကျသွားတဲ့နောက်မှာ မြင်းစားဂျုံနံ့လိုလို၊ မုယောစပါးနံ့လိုလို ရနံ့တမျိုးက နှာခေါင်းထဲကို သင်းသင်းလေး ဝင်လာလေ့ရှိတယ်၊ အခုတော့ ရေခဲရေ သောက်ရသလိုပဲ၊ ဘာနံ့မှ လိုက်မလာဘူး၊ ဒဂုံဘီယာကတော့ မဆိုစလောက်လေး တက်လာပြီး တိုက်ဂါးကတော့ အရင်ပုံမှန် အရည်အသွေးပါပဲ၊ ဘီယာအကြောင်းကို ရီဗျူးရေးဖို့ ကျနော်မရည်ရွယ်ပါဘူး၊ ဖြတ်သွားဖြတ်လာ မြင်လိုက်ရတာလေး တချို့ပါပဲ၊

အောက်ကပုံတွေကတော့ ပုဂံက အညာဆိုင်လေးတချို့မှာ စားရင်း ရိုက်ဖြစ်ခဲ့တာလေးတွေပါ၊ အညာနေခပ်ပြင်းပြင်းကို ထနောင်းရိပ် လေးနဲ့ကာကွယ်ရင်း တကယ့်ကို မြန်မာဆန်ဆန် စားခဲ့ရတဲ့ ထမင်းပွဲတချို့ဆိုပါစို့၊ ခင်းကျင်းမှုအနုပညာမှာ မကျွမ်းကျင်ပေမယ့် ကျေးလက်ရနံ့ အပြည့်ပါတဲ့ စားဖွယ်ရာတွေပါ၊ တော်ရုံဗိုက်မဆာတဲ့ လူတောင်ကြည့်လိုက်တာနဲ့ အင်း...စတိလောက်ဖြစ်ဖြစ်တော့ ဝင်စားသွားအုံးမှပဲ လို့အတွေးပေါက်လာစေမယ့် ဟင်းတွေပါ၊ မိတ်ဆွေအနေနဲ့ ပုံတွေကိုကြည့်ပြီး “အင်...ဒီဟင်းတွေကိုများကွာ...”လို့ အတွေးပေါက်ခဲ့မယ် ဆိုရင်တော့ ကျနော့်ရဲ့ ဓါတ်ပုံပညာ ညံ့ဖျင်းမှု သက်သက်ပဲ ဖြစ်ပါလိမ့်မယ် ခင်ဗျား...။ ။


မြန်မာစာ (၁)
IMG_5032n


မြန်မာစာ (၂)
IMG_5458n


မြန်မာစာ (၃)
IMG_5459n


မြန်မာစာ (၄)
IMG_5034n


မြန်မာစာ (၅)
IMG_5456n


မြန်မာစာ (၆)
IMG_5457n


ညီလင်းသစ်
၆ ဒီဇင်ဘာ၊ ၂၀၀၉