19 August 2013

စားကျက်မြေမှာ တစ်ညတာ ...


ပြီးခဲ့တဲ့ သောကြာတစ်ရက်က အဲ့လ်ပ်စ် တောင်တန်းတွေပေါ်က စားကျက်မြေတစ်ခုကို သွားဖြစ်ပါတယ်၊ အိမ်ကနေ တစ်နာရီခွဲလောက် သွားရတဲ့ အဲဒီနေရာက ဆွစ်-အီတာလျံ နယ်စပ်က အယ်လ်ပိုင်း စားကျက်မြေတစ်ခု ဖြစ်သလို တောင်ပေါ် trekking သွားသူတွေ ဖြတ်သွားဖြတ်လာ လုပ်ကြတဲ့ နေရာတစ်ခုလည်း ဖြစ်ပါတယ်၊ စိတ်ဝင်စားစရာ ကောင်းတာတစ်ခုက အဲဒီတောင်ပေါ် စခန်းလေးမှာ ညအိပ်ရပ်နားဖို့အတွက် Yurt လို့ခေါ်တဲ့ မွန်ဂိုရွက်ဖျင်တဲ လေးတွေ ရှိတာပါပဲ၊ ပုံမှန်တည်းနေကျလို အခန်းထဲမှာ မဟုတ်ဘဲ ကွင်းပြင်ထဲက မွန်ဂိုတဲမှာဆိုတော့ တမျိုးလေး စိတ်ဝင်စားဖို့ ကောင်းပါတယ်၊ တောင်ပေါ်ကို မသွားခင် အင်တာနက်ပေါ်မှာ မွန်ဂိုတဲပုံကို သားကိုပြတော့ သူက ပျော်ပြီး အခုထ,သွားမယ် လုပ်နေလို့ ခဏစောင့်ဖို့ ဖျောင်းဖျနေရသေးတယ်၊ ဒီလိုနဲ့ မူလကြိုတင် မှန်းထားတဲ့ သောကြာနေ့ နေ့လယ်ပိုင်းမှာတော့ ညအိပ်ခရီးအတွက် ပစ္စည်းအချို့ကို ယူပြီး မိတ်ဆွေမိသားစုနဲ့အတူ ကျနော်တို့ တောင်ပေါ် စားကျက်မြေကို ထွက်ခဲ့တော့တယ်...၊


တောင်ပေါ်စခန်းလေးရဲ့ နာမည်က Alpage de la Peule လို့ ခေါ်ပါတယ်၊ ဆိုင်းဘုတ်ပေါ်မှာ ပြင်သစ်၊ ဂျာမန် ၂ ဘာသာနဲ့ ရေးထားတာက ကောက်ရိုးပေါ်က စွန့်စားခန်း/တစ်ညတာ-တဲ့၊


ဒီနေရာက ကားပါကင်ပါ၊ အိမ်ကနေ ဒီနေရာလေးအထိကို တစ်နာရီခွဲလောက် လာရတယ်၊ ကားကို ဒီမှာထားခဲ့ပြီးတော့ တောင်ပေါ်ကို ခြေကျင် ဆက်တက်ရပါတယ်၊ တဆောင်းတွင်းလုံး ခဲနေခဲ့တဲ့ နှင်းတွေက အခုတော့ တောင်ကျချောင်းလေး အဖြစ်နဲ့ တသွင်သွင် စီးဆင်းနေပြန်ရော...၊ ကင်မရာအိတ်တဖက်၊ ထရိုင်ပေါ့ထ်အိတ် တဖက်အပြင် ညမှာအိပ်ဖို့ sleeping bag တွေထည့်ထားတဲ့ ကျောပိုးအိတ်ကို လွယ်လို့ တောင်တက်ခရီးကို အစ,ပြုလိုက်တယ်၊


လွန်ခဲ့တဲ့ သုံးပတ်လောက်ကတည်းက ထူးထူးဆန်းဆန်း နေ့တိုင်းသာနေတဲ့ နေဟာ ဒီနေ့လည်း ခေါင်းပေါ်မှာ လင်းလင်းထိန်ထိန်နဲ့ ရှိနေပြန်တယ်၊ ကားရပ်ခဲ့တဲ့ နေရာကနေ တောင်ပေါ်အထိကို အမြင့် မီတာ ၄၀၀ လောက် ထပ်တက်ရပါတယ်၊ လမ်းခရီးမှာ တက်သူထက် ဆင်းလာတဲ့သူတွေ အများကြီးနဲ့ ဆုံရတယ်၊ အကွေ့အကောက် လူသွားလမ်းလေးအတိုင်း အသက်ရှူမမှားအောင် အာရုံစိုက်ပြီး တစ်လှမ်းချင်းတက်တယ်၊ ကလေးတွေလည်းပါလို့ လမ်းမှာ ၃ ခါလောက် နားရတယ်၊ တောင်တက်ချိန် စုစုပေါင်း ၁ နာရီနဲ့ ၁၀ မိနစ် ကြာပါတယ်၊


နောက်ဆုံးမှာတော့ တောင်ပေါ်စခန်းလေးကို ရောက်သွားပါတယ်၊ အုတ်နဲ့ဆောက်ထားတဲ့ ဟောဒီအိမ်ရှည်လေးထဲမှာ စားသောက်ဆိုင်အပြင် dormitory (စုပေါင်းအိပ်ခန်း)လည်း ရှိပါတယ်၊ ဟိုးတဖက်မှာတော့ မွန်ဂိုတဲ (Yurt) ၂ လုံးရှိတယ်၊ အဲ့လ်ပ်စ် တောင်တန်းပေါ်မှာ ရှိတဲ့ ဒီစခန်းလေးက ၂၀၇၁ မီတာ (၆၇၉၄ ပေ) အမြင့်မှာ ရှိပါတယ်၊


ကျနော်တို့ ညအိပ်တည်းခဲ့တဲ့ မွန်ဂိုတဲလေး ဖြစ်ပါတယ်၊ ဒီလိုတဲမျိုး ၂ လုံးရှိပြီးတော့ ဒီတစ်လုံးမှာ ၁၀ ယောက်တည်းလို့ ရပါတယ်၊ နောက်ထပ်တစ်လုံးကတော့ ပိုကြီးပြီး ၁၅ ယောက်စာ ဖြစ်ပါတယ်၊ အဲဒီနေ့ကတော့ ဒီတဲထဲမှာ ကျနော်တို့အပြင် နယ်သာလန်က တစ်ကိုယ်တော် တောင်တက်သမား တစ်ယောက်လည်း ရှိတယ်၊ ဒီလူက အမှန်ဆို သူ့မှာပါတဲ့ တဲထိုးပြီး ကွင်းပြင်ထဲမှာ အိပ်ချင်တာ...၊ ပြင်သစ်၊ အီတလီ၊ ဆွစ်ဇာလန် ၃ နိုင်ငံကို ဖြတ်ကျော်ပြီး လမ်းလျှောက်နေတဲ့ လူပါ၊ ပြင်သစ်မှာ ကြုံသလို ကွင်းပြင်ထဲ တဲထိုးပြီး အိပ်ခဲ့ပေမယ့် အခုဒီဖက်က တောင်ပေါ်မှာတော့ အဲဒီလို ခွင့်မပြုလို့ ဒီမှာလာအိပ်ရတာပါ၊ ပိုက်ဆံပေးပြီး အိပ်ရလို့ သူ့ပိုက်ဆံတွေကို နှမြောနေတယ်...၊


Yurt တဲလေးထဲမှာ ကောက်ရိုးအပြည့် ခင်းထားပြီးတော့ စစ်သုံးစောင်တွေ၊ ခေါင်းအုံးတွေနဲ့ အောက်ခံအခင်းတွေ ထားပေးပါတယ်၊ ဒါပေမယ့် အားလုံးကတော့ စောင်တွေခင်းပြီးမှ အဲဒီအပေါ်မှာ ကိုယ်စီယူလာတဲ့ sleeping bag တွေနဲ့ အိပ်ကြတာပါပဲ၊ ကျနော်သိတဲ့ တကယ့် မွန်ဂိုတဲတွေထဲမှာတော့ အိပ်လည်း ဒီနေရာ၊ ထမင်းဟင်းချက်လည်း ဒီနေရာ၊ တီဗီကြည့်လည်း ဒီနေရာနဲ့ မိသားစုအားလုံး ခွေးတိုးဝက်ဝင် နေကြလေ့ ရှိတာပါ၊ ဘယ်လိုပဲဖြစ်ဖြစ် ကျနော်တို့ရဲ့ မွန်ဂိုတဲလေးက မွန်ဂိုးလီးယား စတက်ပ်မြက်ခင်းတွေပေါ်မှာ မဟုတ်ပေမယ့် ကောက်ရိုးတွေနဲ့ နွေးနွေးထွေးထွေးတော့ ရှိလှပါတယ်၊


တကယ်တော့ ဟောဒီလို တောင်ပေါ်စခန်းတွေက နွေရာသီမှာ နွားတွေ၊ သိုးတွေ လှန်ထားလေ့ရှိတဲ့ စားကျက်မြေတွေပါ၊ ဆွစ်ဇာလန် တစ်နိုင်ငံလုံးမှာ အခုလို စားကျက်မြေ တောင်ပေါ်စခန်းတွေ ရှိပါတယ်၊ နွေရာသီဆိုရင် နွားတွေ၊ သိုးတွေကို မောင်းတင်လာပြီးတော့ စခန်းအနီးက မြက်ခင်းပြင်တွေမှာ လှန်ထားရင်း ပိုင်ရှင်တွေ၊ သူရင်းငှားတွေကလည်း အခုလို စခန်းတွေမှာပဲ နေကြတယ်၊ တစ်နွေတွင်းလုံးမှာ နွားနို့၊ ဆိတ်နို့တွေ ညှစ်ပြီး နို့်အဖြစ် ရောင်းတန်ရောင်း၊ ဒိန်ခဲအဖြစ် လုပ်တန်လုပ်ပြီး မြို့မှာ သွား,သွား ရောင်းကြတယ်၊ ဒါပေမယ့် ဒီဖက်ခေတ်ရဲ့ ကြပ်တည်းလာတဲ့ ဈေးကွက်စီးပွားရေးမှာ အခုလိုလုပ်ကြတဲ့ တောင်သူလယ်သမားတွေအဖို့ အမြတ်ဘယ်လောက်မှ မရကြပါဘူး၊ သူတို့တွေ အတော်လေး ချို့တဲ့ကြတယ်၊ ဒီလိုနဲ့ ဖွံ့ဖြိုးလာတဲ့ ခရီးသွားလုပ်ငန်းနဲ့အတူ တောင်ပေါ်ကို လမ်းလျှောက်ကြတဲ့ ခရီးသွားတွေ များလာတဲ့အခါ ညအိပ်စခန်းလေးတွေ တစထက်တစ ဖွင့်ရင်းနဲ့ တဖက်တလမ်းကနေ ဆွစ်လယ်သမားတွေဟာ ဝင်ငွေရှာလာ ကြတယ်၊ အဲဒီကနေမှ ဆွဲဆောင်မှုကောင်းအောင် တချို့တွေက အခုလို မွန်ဂိုတဲလေးတွေနဲ့ ငှားစားတာမျိုးတွေ လုပ်လာကြတာ ဖြစ်ပါတယ်၊ ဟောဒီ Alpage de la Peule စခန်းကတော့ နှစ်စဉ် ဇွန်လလယ်မှာ တက်လာပြီးတော့ စက်တင်ဘာလလယ်အထိ ၃ လလောက် နေကြလေ့ ရှိတယ်၊ အဲဒါပြီးရင်တော့ ဆောင်းတွင်းတစ်တွင်းလုံး နေသူမရှိဘဲ စခန်းကို ပိတ်ထားလိုက်ရော...၊


ညစာအဖြစ် စားခဲ့တဲ့ Croûte au fromage...၊ ဒီအစားအစာက တကယ်တော့ ဆွစ်ကျေးလက် အစားအစာပါ၊ တောသူတောင်သားတွေ စားကြတဲ့ ဟင်းပွဲလို့ ဆိုကြပါစို့၊ ပေါင်မုန့်ညို အကြမ်းကြီးတွေကို အချပ်လိုက် ဝိုင်အဖြူနဲ့ စိမ်ပါတယ်၊ အဲဒီ အပေါ်မှာမှ ဝက်ပေါင်ခြောက်အလွှာ ခင်းပြီး မီးဖိုပေါ်မှာ အပူပေးထားတဲ့ ဒီန်ခဲအနှစ်တွေ လောင်းချလိုက်တာပါ၊ ပြီးတော့မှ အပေါ်ကနေ ကြက်ဥကြော်နဲ့ အအီပြေ ကြက်သွန်ချဉ်တို့၊ သခွားချဉ်တို့ ဖြူးလိုက်ရင် Croûte au fromage ရပါပြီ၊ လယ်သမားတွေ ဖွင့်ထားတဲ့ တောင်ပေါ်စခန်း ဖြစ်တဲ့အလျောက် ဒီပန်းကန်ထဲက ပေါင်မုန့်အပါအဝင် ဟင်းအမယ်တွေ အားလုံးက ခြံထွက်နဲ့ သူတို့ကိုယ်တိုင် လုပ်ထားတဲ့ အော်ဂဲနစ် အစားအစာ စစ်စစ်တွေပါပဲ...၊း)


အဲ.. အချိုပွဲက အသီးတွေကတော့ သူတို့စိုက်ထားတာ မဟုတ်ပါဘူး၊း) တောင်ခြေက စိုက်ခင်းတွေမှာ ဆင်းဝယ်ထားတဲ့ အေပရီကော့၊ ကီဝီ၊ စပျစ်၊ ငှက်ပျော... စတာတွေပါ၊ ဒီတောင်ကြောကြီး တစ်ခုလုံးမှာ ညအိပ်စခန်းဆိုလို့ ဒီတစ်ခုပဲ ရှိတာဖြစ်လို့ တည်းခိုခနဲ့ ညစာအပါအဝင် half board ရောင်းကြပါတယ်၊ တည်းသူတွေအားလုံးကလည်း တစ်နေကုန်တစ်နေခန်း လမ်းလျှောက်ထားကြသူတွေ ဖြစ်လို့ အားလုံးက ညစာပါ စားကြတယ်၊ ဈေးနှုန်းစိတ်ဝင်စားသူတွေ အတွက် ပြောရရင် တစ်ညတာတည်းခ ကောက်ရိုးမွေ့ရာ၊ ညစာ၊ မနက်ခင်းစာ အတွက် လူကြီးတစ်ယောက်ကို ၄၇ ဒေါ်လာ ကျပါတယ်၊


ဒီတောင်ပေါ် စခန်းလေးက တကယ်တော့ ဥရောပရဲ့ အမြင့်ဆုံးတောင်ထွတ်ဖြစ်တဲ့ Mont Blanc နဲ့ သိပ်မဝေးတော့ပါဘူး၊ နွေရာသီမှာ Mont Blanc ကို တစ်ပတ်,ပတ်တဲ့ လမ်းလျှောက်ခရီးစဉ်တွေ ရှိပါတယ်၊ Mont Blanc က ပြင်သစ်နိုင်ငံ ပိုင်နက်ထဲမှာ ရှိပေမယ့် ဆွစ်ဇာလန်နဲ့ အီတလီတို့ရဲ့ နယ်နိမိတ်နဲ့လည်း ကပ်နေတယ်၊ ဆိုတော့ Mont Blanc ကို တစ်ပတ်လျှောက်တဲ့ ခရီးစဉ်က ဒီသုံးနိုင်ငံကို ဖြတ်သွားရပါတယ်၊ အများအားဖြင့် တောင်တစ်ပတ် လျှောက်ဖို့ကို ၁၀ ရက်ကြာပြီးတော့ တစ်ရက်ကို ၈ နာရီလောက် လျှောက်ရပါတယ်၊ ဆိုတော့ ဟောဒီ La Peule စခန်းလေးက အဲဒီလို လမ်းလျှောက်သူတွေ ဝင်လိုက်ထွက်လိုက်နဲ့ စည်ကားနေတော့တယ်...၊


ဒီတောင်ပေါ်ခရီးမှာ ကျနော့်ရဲ့ အဓိကရည်ရွယ်ချက်က ကြယ်တွေကို ဓါတ်ပုံရိုက်ဖို့ ဖြစ်ပါတယ်၊ အဲဒါကြောင့် အိမ်ကနေ ထရိုင်ပေါ့ထ်မှအစ လိုအပ်တဲ့ ပစ္စည်းကိရိယာတွေ အားလုံး ယူလာခဲ့တယ်၊ ညရောက်တော့ သူများတွေ အိပ်ရာဝင်သွားကြချိန်မှာ ကျနော်က ကြယ်တွေနဲ့အတူ ရှိနေခဲ့တယ်၊ အဲဒီဓါတ်ပုံရိုက်တဲ့ အကြောင်းကို ရှေ့လာမယ့် ပို့စ်မှာ သီးသန့်ရေးဖို့ ရှိပါတယ်...၊


နောက်တစ်နေ့ မနက်မှာတော့ စခန်းကနေ နောက်ထပ်ပိုမြင့်တဲ့ တောင်ပေါ်ကို ကျနော်တို့ ဆက်တက်ကြတယ်၊ လမ်းတွေက မတ်စောက်တဲ့ နေရာတချို့ ရှိပေမယ့် အများအားဖြင့်က ခပ်ပြေပြေနဲ့ မြင့်တက်သွားတာ များပါတယ်၊ သုံးလေးနှစ်အရွယ် ကလေးတွေပါတဲ့ မိသားစုတွေလည်း အများကြီး တွေ့ရတယ်၊ ဒီနိုင်ငံရဲ့ တဝက်ကျော်ကျော်လောက်က တောင်တန်းတွေပေါ်မှာ မေးတင်ထားတာဆိုတော့ ယေဘုယျအားဖြင့် ကလေးရောလူကြီးပါ လမ်းလျှောက်ခြင်းနဲ့ ရင်းနှီးကြတာ များပါတယ်၊ အနောက်ဖက်ကို လှည့်ကြည့်မိတော့ တစ်ညတာ အိပ်စက်ခဲ့တဲ့ မွန်ဂိုတဲနဲ့ တောင်ပေါ်စခန်းလေးက ဟိုးအောက်ဖက် ခပ်လှမ်းလှမ်းမှာ ကျန်ခဲ့လေရဲ့...၊


တောင်ပေါ်ကို ဆက်တက်လာတယ် ဆိုပေမယ့် သိပ်တော့လည်း ဝေးဝေးသွားဖို့ မရည်ရွယ်ပါဘူး၊ တောင်ပေါ်မှာ ညအိပ်ရုံပဲ အိပ်ပြီး ပြန်ဆင်းလာတယ် ဆိုတာမျိုး မဖြစ်အောင်၊ ကလေးတွေ အတွက်လည်း ကိုယ်လက်လှုပ်ရှားဖြစ်အောင် နောက်ထပ် တစ်နာရီ သာသာလောက် ဆက်လျှောက်ဖြစ်တဲ့ သဘောပါပဲ၊ နွေရာသီဆိုပေမယ့် တစ်နှစ်ပတ်လုံး အရည်မပျော်တဲ့ ရေခဲဂလေစီယာတွေလည်း ဟိုတစ်ကွက်၊ ဒီတစ်ကွက်နဲ့ ရှိနေကြတယ်၊ ကျနော်တို့ ခပ်ငယ်ငယ်က သူငယ်ချင်း အချင်းချင်းနောက်ကြသလို ̔ဒီတောင်ကို မောင်ကျော်နိုင်မယ် မထင်ပါဘူး̕ လို့ တစ်ယောက်က ပြောရင် နောက်တစ်ယောက်က ̔ကျော်မနေပါနဲ့ကွာ၊ ကျော်လည်း ဟိုဖက်မှာ နောက်ထပ်တောင်တစ်လုံးပဲ ထပ်တွေ့မှာပဲ̕ လို့ ပြောကြသလို တောင်စဉ်တောင်ဆက်က မြင်ရသလောက် မျက်စိတဆုံး ပါပဲ...၊ အဆင်ပြေတဲ့ တောင်စောင်းလေး တစ်ခုမှာထိုင်ပြီး နေ့လယ်စာအဖြစ် အသင့်ယူလာတဲ့ ပေါင်မုန့်၊ အသားခြောက်နဲ့ အသီးတစ်ချို့ကို စားပြီးတာနဲ့ ကျနော်တို့ တောင်အောက်က ကားရပ်ခဲ့တဲ့နေရာကို ပြန်ဆင်းလာကြ တော့တယ်၊ ဘာပဲဖြစ်ဖြစ် မြို့ပြရဲ့ အလင်းရောင်တွေ၊ ဆူညံသံတွေ ကနေ ကင်းကွာပြီး ကြယ်ရောင်ဆမ်းတဲ့ တောင်တန်းတွေဆီမှာ ခိုလှုံခွင့်ရခဲ့တဲ့ တစ်နေ့နဲ့ တစ်ညတာ အခိုက်အတန့်လေးက အမှတ်တရပါပဲ...။ ။


ညီလင်းသစ်
၁၉ သြဂုတ်၊ ၂၀၁၃

18 comments:

Anonymous said...

ဟေး ပျော်စရာကြီးနော်၊၊ စိမ်းနေတဲ့ မြက်ခင်းတွေမြင်ရတာ မျက်စိကိုအေးပြီး ရင်ထဲပါ အေးသွားတယ်၊၊ Croûte au fromage ဆိုတာကြီး စားဖူးချင်တယ်၊၊ ကျေးဇူးအများကြီးပါ ကိုညီလင်းသစ်ရေ :)
တိမ်ပြာ(မနောမြေ)

AH said...

ကျေးဇူးပါ အကို.... သဘာဝရဲ့ ရနံ၊ တောတောင်တွေရဲ့ ရနံတွေ အပြည့်အ၀ကြီးကို ရှုရှိုက်လိုက်ရတယ်...

Anonymous said...

Wanna go there!

Nyi

Thandar Lwin said...

သာယာလိုက်တာနော်
ကားရပ်ထားတဲ့နေရာကနေကြည့်ရတဲ့ တောင်ကြောတွေကိုလဲသဘောကျတယ်
ဖိနပ်ထဲ အပင်လေးထည့်စိုက်ထားတာလဲသဘောကျတယ်
ညစာကိုသဘောကျပေမယ့် ကျမဆိုစားတတ်မှာမဟုတ်ဘူး ။ပေါင်မုန့်ကိုဝိုင်နှစ်တော့ ......

Anonymous said...

အိမ်ကနေတစ်နာရီခွဲမောင်းတာနဲ့ အဲလိုနေရာလှလှကုိုရောက်တာတော့အရမ်းမိုက်တယ်ကွာ။
လှလွန်းလို့ ချစ်ချစ်ကုိုအတင်းခေါ်ပြီး ပြရသေးတယ်။
လျှပ်စစ်မီးရောင်မမြင်ရတဲ့နေရာကနေကြယ်တွေကြည့်ရတာမှအရမ်းကောင်းတာနော်။ တဲလေးနဲ့ ပုံမှာသိပ်မမှောင်သေးတာတောင်ကြယ်တွေကတော်တော်စုံနေပြီနော်။
နောက်တစ်ခါသွားရင်အရုိုင်းပန်းလေးတွေ ကလို့ စ်အပ် ရုိုက်ခဲ့ပေးပါလား။
ကျမအဲလို အရုိုင်းပန်းသေးသေးလေးတွေကိုသေသေချာချာအနီးကပ်ကြည့်ရတာသဘောကျလို့ ပါ။ ကျေးဇူး။
အုိုင်အိုရာ

Aunty Tint said...

တစ်ရက်နဲ့တစ်ညခရီးလေးကို မောင်ညီလင်းနဲ့အတူ စာဖတ်သူတို့ကို လိုက်ပို့နေသလိုပါပဲ... မနေ့က ဇာတ်လမ်းတစ်ပုဒ်ထဲက စနိုးတောင်ကြီးကို ကြည့်ရင်း မောင်ညီလင်းတင်ခဲ့ဘူးတဲ့ ပို့စ်ဟောင်းလေးဆီ စိတ်ရောက်သွားသေးတယ် :)
စိတ်ဓာတ်အစဉ် ကြည်လင်အေးမြပါစေကွယ်။

မေတ္တာဖြင့်
အန်တီတင့်

Anonymous said...

ဆွစ်တောင်တန်းတွေပေါ်က စားကျက်မြေကို ညီလင်းတို့မိသားစုနဲ့အတူတစ်ညအိပ်ရောက်ဖူးသွားပါပြီ၊ ကျေးဇူးတင်ပါ တယ်။ ကြယ်တွေစုံ တဲ့ညချမ်း အလှ မှာ အေးချမ်းတိတ်ဆိတ်နေ တဲ့မွန်ဂိုတဲလေးက အသက်ဝင်နေတယ်၊ အထီးကျန်ဆန်မနေဘူး။ ညီလင်းခရီးသွားနေသည်ကို အားကျလျက်-
ငြိမ်း

Cameron said...

ဒီလိုတောတောင်သဘာဝနဲ့ကင်းကွာနေတာ ဘယ်လောက်ကြာခဲ့ပြီလဲ...။ အစ်ကို့ပို့စ်တွေဖတ် ပုံတွေကိုကြည့်ရတာ လူကိုယ်တိုင်ရောက်သွားသလိုခံစားရမြဲဖြစ်တတ်တာ စာရေးသူရဲ့ ကလောင်ထက်လို့လို့ပဲမှတ်ပါတယ်...း)

Anonymous said...

သားပုံ ပါမယ်ထင်နေတာ ။

အဲ့လို ခရီး ခဏခဏ ထွက်ချင်တာ ခုတော့ မထွက်ရပါဘူးးး ထွက်ရင်လည်းပျော်စရာကောင်းမှာမဟုတ်ဘူး တစ်ယောက်တည်း ဦးလေးကြီးလို သားနဲ့ မယားနဲ့မဟုတ်တော့ နေရတာ ဘ၀မှာ ဟာတာတာကြီးရယ် ဆားမပါတဲ့ ဟင်းလိုပဲ မုန်းစရာကြီးးး အဟုတ် ။

မောင်မျိုး

San San Htun said...

အတော့်ကို သာယာတာပဲ...တောင်ပေါ်က ရွက်ဖျင်တဲ ကောက်ရိုးပုံမှာ တခါလောက် အိပ်ချင်စမ်းပါဘိ..း)

စံပယ်ချို said...

ကိုညီလင်းရေ ပုံတွေကိုမြင်ရတာ တကယ်သွားချင်မိပါတယ် အဆင်ပြေတဲ့တနေ့နေ့တော့ ရောက်ဖြစ်အောင်ကိုသွားအုန်းမယ်လို့ စိတ်ကူးထားတယ်......

Anonymous said...

So, this is an another place in Suisse where you can find the Yurts apart from Rochers De Naye?

ညီလင်းသစ် said...

မနောမြေက တိမ်ပြာ...
အမြဲတမ်း ပုံမှန်လာလည်တဲ့ အတွက်ရော၊ အခု ကွန်မန့်လေး အတွက်ရော ကျေးဇူး တင်ပါတယ်ဗျာ...၊း)

ကိုအောင်ထွဋ်...
ကျနော်ကလည်း လာအားပေးတဲ့အတွက် ကျေးဇူးပါဗျား...၊

Nyi...
Just go for it...! :)

မသန္တာ...
ဝိုင်ထဲမှာ နှစ်ထားတယ် ဆိုပေမယ့် တကယ်တမ်း စားတဲ့အခါမှာတော့ ဝိုင်အနံ့ရော၊ အရသာရော မရှိတော့ပါဘူး၊ တချို့တွေလည်း ဝိုင်ထဲမနှစ်ဘဲ လုပ်ကြတယ်၊ ဥပမာ- ကလေးတွေ စားဖို့အတွက် ဆိုရင်လေ...၊ :)

မအိုင်အိုရာ...
အင်း.. ချစ်ချစ်တော့ စိတ်ညစ်သွား မလားပဲ၊း) အိုကေ.. နောက်တစ်ခါ တောင်ပေါ် ရောက်လို့ အရိုင်းပန်းလေးတွေ တွေ့ရင် (သတိလည်း ရရင်) ဓါတ်ပုံရိုက်ခဲ့ မယ်နော်၊း)

တီတင့်...
ဟုတ်... သတိတရ ရှိတာကျေးဇူးပါ တီတင့်ရေ....၊

ငြိမ်း...
“ညီလင်း ခရီးသွားနေသည်”... ဟားဟားဟား၊းD မလုပ်ပါနဲ့ဗျာ..၊ ကိုလွင်မိုးက မူပိုင်ခွင့်နဲ့ လာပြီး တရားစွဲနေ ပါ့မယ်၊း) အမြဲတမ်း လာလာလည်တဲ့ အတွက်လည်း ကျေးဇူး..၊

ညီမမိုး...
ကွန်ပျူတာ အရှေ့ကနေ မခွာဘဲ ခရီးတွေကို ခေါ်သွားပေးနိုင်တယ် ဆိုရင်တော့ အတိုင်းထက်အလွန် ဝမ်းမြောက်စရာပေါ့ ညီမရေ...၊း)

မောင်မျိုး...
တခါတလေ တစ်ယောက်ထဲကလည်း ကောင်းတာပဲဗျ..၊ ကိုယ်လုပ်ချင်တာ ရှိရင် ဘယ်သူ့မှ ငဲ့နေစရာ မလိုဘူး..၊း) စိတ်သွားတိုင်း ကိုယ်ပါတဲ့ ဘဝ...၊း)

ညီမစန်းထွန်း...
ဒါဆို ဆူနမ်တို့နဲ့ တိုင်ပင်ပြီး တစ်ခေါက်လောက် အလည်လာခဲ့လေ...၊း)

မစံပယ်...
ဒါပေါ့ဗျာ..၊ အလည် မရောက်နိုင်ဘူး ဆိုတာတော့ မရှိပါဘူး၊ ကျနော် ကူညီနိုင်တာ ရှိရင်လည်း ပြောပါနော်...၊

Anonymous...
Yes, indeed. Actually, there are quite a number of places where there are yurts. Another place with yurt I know is above Bex which you have to go beyond Rochers de Naye.

သိ င်္ဂါ ရ said...

Photo တွေ က ကြည်စိမ့်နေတာပဲဗျာ ...

သဘာဝ ရဲ့ အလှတရားတွေ ကို ကြည့်ရတာအတွက် ... ကျေးဇူးပါ ... ကို ညီလင်းသစ် ရေ ...

Kabyar said...

တိတ်ဆိတ်အေးချမ်းနေမယ့် ညလေးမှာ ကြယ်တွေကို အကြာကြီး ငေးကြည့်.....ပြီးတော့ ရွက်တဲလေးထဲ ၀င်ပြီး အနားယူ အိပ်စက်.....။။။။ မနက်နိုးလာတော့ လတ်လတ်ဆတ်ဆတ် အစားအစာလေးတွေစား......။။။။။။
၁ ပတ်လောက် စိတ်အေးလက်အေး အာ့လိုနေရာမျိုးလေးမှာ သွားနေလိုက်ချင်ပါရဲ့ .....။။း)

blackroze said...

ဆွစ်ဇာလန်က တော်တော်လှတယ်နော်အကို

ညီလင်းသစ် said...

သိ င်္ဂါ ရ...
လာအားပေးတာ ကျေးဇူးတင်ပါတယ်ဗျာ...၊

ညီမ,ကဗျာ...
အဲဒါဆို ဒီကို ရောက်အောင်သာ လာခဲ့လေ..၊ လိုက်ပို့ပေး ပါ့မယ်..၊း)

ညီမblackroze...
သူလည်း တခြားနိုင်ငံတွေလိုပဲ.. လှပတဲ့ သဘာဝ တောတောင်ရေမြေတွေ ရှိတဲ့သဘောပါပဲ ညီမရေ..။း)

နော်နော် said...

ပို့စ် အသစ်တွေ အားလုံးပေါင်းဖတ်သွားတယ်။ လုပ်ချင်တာတွေ မှန်သမျှ အကောင်ထည်ဖော်ခွင့်ရတဲ့ ဘ၀ကို ပိုင်ဆိုင်တဲ့ ကိုညီရဲ့ဘ၀ကို သဘောကျတယ်။ဖြည့်ဆည်းပေးနိုင်တဲ့ မဒမ် ကိုညီ ကိုလည်း သဘောကျတယ်။ ဓာတ်ပုံလေးတွေကြည့်ပီး ကိုယ်တိုင်ရောက်သွားသလို ခံစားချက်လေး ပေးနိုင်တဲ့ ပို့စ်လေးတွေအတွက် ကျေးးးးးးးးးးးဇူးပါရှင်။